Efesios 2:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Atthoña Yomporpaꞌ xhokmach orrtatennay poemoereña amaꞌt errponañowen. Atthoña oꞌ xhapwonaya yeyoxhro Yomporpaꞌ atarr moerenya nanak. Attho atarr moerenana Poꞌcristor yaꞌnaña atarr moerena tharroꞌmar yapaꞌ yeparrokmaterrñaña Poꞌcristor ñeñthara Jesús.

Efesios 2:7 Iomraidhean Croise

Romanos 2:4

Amapaꞌ sapaꞌ xhatheꞌ sotenapañ Yompor poemoereñoth nanakpaꞌ amach tsaꞌtaterrso tharroꞌmar themeꞌttsen ama erroth penso, attha kowenes. Amaꞌt señoteñe añekopña themeꞌttsen moerensa Yompor atthoch ellopaꞌ oꞌch eꞌñe sokthapeꞌchwerr kowen allowenes.

Efesios 2:4

tharraña Yomporñapaꞌ atarr nanak amorrentña, atarr moerenya. Eꞌñe ña poemoereñotheypaꞌ oꞌ aꞌkeshphaterrey.

Efesios 3:5

Tharroꞌmar awathpaꞌ ama xhenaꞌ allempo pokteꞌ enteñ Parets oꞌch eñotatey ya ñeñthey arromñatheneshay amaꞌt ñeñth korretsa allempo. Ñeñthoꞌmarña allempopaꞌ ama eꞌñeyeꞌ eñotatwaneteꞌthe ateth ñerraꞌm theꞌpaꞌ eꞌñe Poekamkëñoth eꞌñe eñotatwenan allowen ñeñth poeyochreshaꞌ pen ña ateth ñerraꞌm ñeñth poellsensarneshaꞌ pen ñamha ñeñth aꞌmhteneꞌ poꞌñoñ.

2 Tesalonicenses 1:12

Atthochña sapaꞌ eꞌñech kowen sekowentaterrñañ Yepartseshar Jesús, ñañapaꞌ kowentaterreschaꞌ samha. Ñeñthpaꞌ eꞌñe Yompor poemoereñothey ñamha Yepartseshar Jesucristo.

Tito 3:4

Tharraña allempoña Yomporpaꞌ eñotatey eꞌñe ña poemoereñothpaꞌ moeneñ oꞌch yenpaꞌy, eꞌñe allempokma yapaꞌ atthothña aꞌkeshphaterrey, ñeñthoꞌmarña Yomporpaꞌ ñeñth Yaꞌkeshphatañer yepen.

1 San Pedro 1:12

Yomporpaꞌ eñotatanet ñeñthpaꞌ amachkaꞌye awenayeꞌ etsoterro; shonteꞌch char allempochña etsoterra ateth eñotatanet Yompor. Tharraña ñeñth eñotat allempopaꞌ ñeñthpaꞌ ama ñokpoetayaye, ñeñthpaꞌ eꞌñechkaꞌye yokop. Theꞌñapaꞌ ñeñth seserrpareꞌtateneꞌ kowen ñoñetspaꞌ ñeñthña señotateneꞌ eꞌñe kowen ñeñth ateth penaña ñeñth kothaphñats. Parets Poekamkëñ ñeñth wetsa poeꞌntañothpaꞌ ñeñthña eñotatenawetña atthoch serrpareꞌtataset samha añ kowen ñoñets. Amaꞌt Parets poꞌmhllañotheñnaneshar ñetpaꞌxhoꞌña atarr moeneñet oꞌch eñochet ñamet ñeñth oꞌ señotwerr sa.