Efesios 2:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^5-6 Ñatoꞌ oꞌch netmaꞌntacha ateth ñerraꞌm oꞌ yerroma yoꞌchñaroth tharraña Yomporpaꞌ oꞌ alla tantaterrey. Ñewa, allempo tantaterran Poechemer Cristopaꞌ yaꞌnaña tantaterr tharroꞌmar eꞌñe yeparrokmaten epay Cristo. Ñamha attho xhapaterran Poꞌcristor poeꞌntaño allchaꞌ atarr kosheñtsoꞌtsen, yaꞌnaña oꞌ xhapaterr allchaꞌ atarr kosheñtsoꞌtseney yamha tharroꞌmar eꞌñe yeparrokmaten epay Poꞌcristor. Oꞌch netmaꞌntacha ateth ñerraꞌmrratheꞌ oꞌ yexhap Yompor poeꞌntaño allchaꞌ yekowentapretera Cristo.

Efesios 2:5 Iomraidhean Croise

San Lucas 15:24

Tharroꞌmar añ nechemer amaꞌt oꞌ rromwañ, theꞌñapaꞌ oꞌ alla tanterra. Amaꞌt oꞌ chenkaꞌwañpaꞌ theꞌñapaꞌ oꞌ alla nenter.” Allempoñapaꞌ atarr nanak koshameꞌtamphsapoeñet.

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

San Juan 6:63

Yekamkëñ alloña eꞌñe poꞌñoxh yokrrena. Yechetspaꞌ amaꞌt koñeꞌthapaꞌ ama sherbeno. Neñoñ ñeñth neserrpareꞌtatenespaꞌ eꞌñe poꞌñoxh sekamkëñekop ñeñthña poꞌñoxh alloch eꞌñe sokrra.

Los Hechos 15:11

Añchaꞌña yeñot eꞌñe Yepartseshar Jesús pomoereñothpaꞌ oꞌch yekeshpha, atthekmach keshpet ñamet.

Romanos 16:20

Allochñapaꞌ Yomporpaꞌ awenchaꞌ aꞌwañamphsonas ñeñth attho atarr shekënes oneñeth, ñeñthara Yompor ñeñth eꞌñe kowen yokshateneꞌ yeyoxhro. Yepartsesharepaꞌchña Jesucristo eꞌñe saꞌnatenaya.

Romanos 3:24

Ñeñth atthoch eꞌñe pokteꞌ enteney Yomporpaꞌ ñeñthpaꞌ ateth: Eꞌñe poemoereñothey awoꞌt apoey Poechemer ñeñth Cristo Jesús attho ñachña eꞌñe yetsaꞌtwoya allowen yoꞌchñar. Ñeñthpaꞌ eꞌñe attha apoey Yompor, ama eso yetsaꞌteño amaꞌt koñeꞌtha.

Romanos 4:16

Ñeñthoꞌmarña yeñoteñ atthoch aꞌnaterrya Yompor ñeñth ateth otwawapaꞌ ñeñth poꞌñoxhpaꞌ eꞌñech yeyemteñotha ña atthochña eꞌñe poemoereñothey eꞌñech aꞌnatwerrya alloweney. Amach ñapthayaya judioneshaꞌ ñeñth kotheneꞌ añ ñoñtsor ñeñth ateth anareth, añekpaꞌnaña alloweney ñeñtheychaꞌ yemterraya Yompor eꞌñe atthekoptar ateth peꞌth awath yatañ Abraham. Tharroꞌmar ñapaꞌ poꞌñoxh yatañ yepeñ alloweney.

Romanos 5:10

Amaꞌt allempo ora yeꞌmoñeꞌteñ Yomporpaꞌ Poechemerña poꞌrromñothpaꞌ awoꞌt eꞌñe yamoꞌtstannerra epay Pompor. Elloña theꞌpaꞌ attho korrena Cristopaꞌ atthoña yapaꞌxhoꞌña aꞌkeshphaterreychaꞌ.

Romanos 5:6

Yapaꞌ yeñoteñ nanak morrentenya Yompor tharroꞌmar awathpaꞌ ama es yokthapeꞌchpeno amaꞌt mamesha Yomporekop atthoch yekeshperrañ. Tharraña Yomporñapaꞌ eꞌñe allempokmapaꞌ awoꞌt moeñan Poechemer Cristo añe patsro ñeñthchaꞌ rromosets eꞌñe yokop ñeñthey ama es kothapeꞌchetso kowen amaꞌt mamesha Yomporekop.

Romanos 5:8

Tharraña yapaꞌ amaꞌt allempo ora yephatseꞌtyen sosyaꞌtsañpaꞌ eꞌñe allempokmaña Cristopaꞌ awoꞌt rroma yokop. Atthoña Yomporpaꞌ eñotaterrey yapaꞌ nanak morrentenya.

Romanos 8:2

Tharroꞌmar theꞌpaꞌ ateth ñerraꞌm napaꞌ eꞌñe neparrokmateñoth Cristopaꞌ añña Parets Poekamkëñpaꞌ ñeñthña womenk nepeneꞌ neyoxhro, allochña napaꞌ korretsanach thayotheñ amaꞌt ñamha errponowañen. Atthothña oꞌ aꞌwañamperren attho noꞌchñarpaꞌ ñeñtha womenk nephayeꞌth neyoxhro, ñeñthchaꞌ nanmayeñ rromoeñtso, ñeñthara koñcheñets.

2 Corintios 13:14

Yepartsesharepaꞌchña Jesucristo sebensareꞌtampeneꞌ allowenes, ñamha Yomporepaꞌchña semorrentaya atthoch semorrentannena samha, ñamha Poekamkëñepaꞌchña sechorrenaya atthoch eꞌñe separrokmatwawa allowenes epas Cristo. Theꞌpaꞌ ñeñthach notas, ñeñthpaꞌ atthetepaꞌchña, Nompore. Allowa. Pablo

Efesios 2:1

Amaꞌt ateth ñerraꞌm sa: sapaꞌxhoꞌña awathpaꞌ aña sokthapeꞌchyeseꞌth ñeñth ama kowenayeꞌ enteno Yompor.

Efesios 2:8

Tharroꞌmar poꞌñoxh eꞌñe poemoereñothey Yomporñapaꞌ aꞌkeshphaterrey eꞌñe yeyemteñotha ña. Ama añotheyeꞌña aꞌkeshphaterrye attho eꞌñe kowenareꞌ es yephaꞌyen ya. Yomporpaꞌ eꞌñe attha aꞌkeshphaterrey.

Efesios 5:14

Ñeñthoꞌmarña sokoppaꞌ ateth axhotenes añ ñoñets: Phapaꞌ ñeñtheph ateth phatseꞌtyetsa eꞌñe attheph ñerraꞌm xha atarr rroma pemoen. Theꞌñapaꞌ oꞌch peꞌmanerra oꞌch petanterra attho rroma pemoen. Cristopaꞌ ñach phaꞌpoetarsamperreꞌ.

Colosenses 2:13

Awath sapaꞌ soꞌchñarothña ama es sokthapeꞌchperraꞌ seyoxhro amaꞌt eꞌñe mamesha ñeñth kowentetsa Yomporekop. Eꞌñe ateth sepeꞌth ñerraꞌm poꞌpoñ acheñ ñeñth ama Yomporenaꞌtareyaye. Ñeñthoꞌmarña sapaꞌ xha sotteꞌth ñerraꞌmrratheꞌ sekamkëñpaꞌ xha rromoen. Tharraña theꞌña Yomporpaꞌ oꞌ apoerres atthoch sapaꞌxhoꞌña korretsasach eꞌñe ateth pena Cristo, tharroꞌmar ñapaꞌ oꞌ peretnaꞌwerrnas allowen soꞌchñar.

Tito 2:11

Yomporpaꞌ orrtaterrnay pomoereña eꞌñe allowenakpay paꞌnamen acheñeneshakop atthoch yekeshperra.

Tito 3:5

Ñeñthpaꞌ ama añotheyaye attho eꞌñe kowen es yephaꞌyen, añña eꞌñe poemoereñotheya ñapaꞌ aꞌkeshphaterrey. Atthoña eꞌshowerrnayña yoꞌchñar atthochña ellopaꞌ oꞌch yokthapeꞌcherr eꞌñe kowen etserra ñokop, ñamha Poekamkëñothpaꞌ oꞌ eꞌñe etserrataterrnay yokthaphña.

El Apocalipsis 22:21

Yepartsesharepaꞌchña Jesucristo saꞌnatenaya eꞌñe allowenes. Ñeñthpaꞌ atthetepaꞌch Nompore allowenakpay. Arrpaꞌ eꞌñe allowa poen Yompor poꞌñoñ.