Efesios 1:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Yomporpaꞌ atarr koxhneshaꞌ oꞌpatatenana Poechemer Cristo. Yaꞌnaña eꞌñe oꞌpatatena attho eꞌñe yeparrokmateñoth Cristo. Ñewa, ñeñthpaꞌ ateth kothapeꞌcheꞌth Yompor awath yokop. Ñeñthoꞌmarña theꞌpaꞌ atethña oꞌ perrnay ñeñth ateth kothapeꞌcheꞌth ña ñeñth eꞌñe pokteꞌ enteꞌth eꞌñe ña pomnenñoth. Tharroꞌmar Yomporpaꞌ ama poenesho poꞌñoñ, xhokmach eꞌñe etsotwerra ñeñth allpon ateth onañchen ña.

Efesios 1:11 Iomraidhean Croise

Los Hechos 13:48

Allempoña ñeñtha eꞌmwet añ ñoñetspaꞌ añña ñeñth ama judioneshayaye atarr koshet, nanak kowen eñchet Yompor poꞌñoñ. Allempoñapaꞌ oꞌ ameꞌñenet allowen ñeñth oꞌ anarethta atthoch ñetpaꞌ korretsetach thayotheñ eꞌñe errponañowen.

Los Hechos 2:23

Añña ñeñthara Jesús sañapaꞌ oꞌ sepomwer atthoch korsoꞌtamphset. Sañapaꞌ oꞌ saph poꞌpoñ acheñeneshaꞌ ñeñth athpareꞌteneꞌ Yompor atthoch ñetpaꞌ oꞌch moetset. Ateth oꞌ sephowa, Yomporpaꞌ awathotheñ eñotwaseꞌth atethchaꞌ sepha, tharroꞌmar ateth moeneꞌth ña.

Los Hechos 20:27

Oꞌ neserrpareꞌtatwas ora allowen ateth kothapeꞌchateney Yompor. Ama es naꞌnasotamphsaso amaꞌt koñeꞌtha.

Los Hechos 20:32

‘Theꞌ Yomporpaꞌ kowamphsasepaꞌch. Yomporepaꞌchña poꞌñoñ señotateꞌ poemoereña. Yomporepaꞌchña poꞌñoñ seyxhateꞌ atthoch womenk sephaꞌ seyoxher. Yomporepaꞌchña poꞌñoñ saꞌkeshphaterreꞌ ateth ñerraꞌm ñeñth allowen ñeñth pameꞌñeñothet oꞌ aꞌkowentatwarethterret.

Los Hechos 26:18

Tharroꞌmarchaꞌ nemñaph alloꞌtsaꞌyen ñeñth ama judioneshayayeñaꞌ allochñapaꞌ atthoch peserrpareꞌtatwanet atthoch xhapanet poeyoxhro, atthoch oꞌwañchaꞌ chopeꞌchet chekmeto. Añchaꞌña oꞌch alla chopeꞌcherret poetaro. Ñamha atthoch oꞌwañchaꞌ awamenkath phanet oneñeth, añchaꞌña awamenkath penawet Yompor. Allochñapaꞌ oꞌch ameꞌñaꞌwerrnet na, allempoñapaꞌ nephretnaꞌwerranetchaꞌ poꞌchñar, atthoch oꞌch parrokmatwerret eꞌñe atthekma ateth ñerraꞌm ñeñth oꞌ naꞌkowentatwa.”

Romanos 11:34

“Tharroꞌmar yapaꞌ amaꞌt poesheñarrotheya amatheꞌ errothenoth yeñotwoña ora ñeñth ateth kothapeꞌchen Yompor. Ñamha yapaꞌ amaꞌt poesheñarrotheya amatheꞌ errothenoth yokthapeꞌchacheña Parets.

Romanos 8:17

Ñamha yapaꞌ yeñoteñ attho oꞌ poechemer perrey Yomporpaꞌ yapaꞌxhoꞌña yagapapreterchaꞌ Cristo ora ñeñth allpon oꞌpatatenya Yompor. Ñerraꞌm xho yemoeroxhta Cristoꞌmarekop theꞌ, ateth peꞌth ña atarr moeroxhteꞌth awath añe patsro, esempowañen yapaꞌxhoꞌña yekowentapreterach.

Romanos 8:28

Ñamha amaꞌt es yewapoya, yapaꞌ yeñoteñ Yomporpaꞌ ñach aꞌpoktateneꞌ yokop, alloweney ñeñthey morrentenaya ña, ñeñthey akrarethey oꞌch ateth yepeññañ ñeñth ateth moenen ña.

Romanos 8:29

Tharroꞌmar alloweney ñeñthey eꞌñe eñotwayeꞌth Yompor awath, ñeñtheychaꞌ ameꞌñerraya esempo, ñañapaꞌ kothapeꞌcheꞌth awath yokop ñeñthchaꞌ ateth moenatey, allochñapaꞌ yach kothapeꞌcherrets kowen atthochña yeyexhkërra eꞌñe ora ateth ñerraꞌm Poechemer ñeñth Cristotets. Allochñapaꞌ alloweney yepoꞌnarchaꞌ yepeñ Cristo amaꞌt shontey ñeñthey ameꞌñetsa.

Romanos 8:30

Ñewa, allowen ñeñth ateth kothapeꞌcheꞌth Yompor yokop awathpaꞌ allempoña awoꞌt xhap allempoch xhoreꞌterrey oꞌch yameꞌñera. Allochña ñeñthey axhoreꞌtaretheypaꞌ ñañapaꞌ oten yokop eꞌñoꞌ pokteꞌ enteney eꞌñe yeyemteñoth Cristo. Allochñapaꞌ alloweney ñeñthey eꞌñe pokteꞌ enteney, Yomporñapaꞌ oten yokop yekowentapreteroꞌch Cristo esempowañen.

Gálatas 3:18

Ñamha ñerraꞌm eñalleñ atthoch yekeshperrañ eꞌñe yetsoteñotha añ ñoñets ñeñth ateth kellkaꞌ awath Moiséspaꞌ ñeñthepñapaꞌ amatheꞌ palltenañe atthoch Yomporpaꞌ otan awath Abraham oꞌch eñalleta eꞌñe ña poꞌmhrenñoth poesheñarr ñeñthchaꞌ yaꞌkeshphaterreꞌ eꞌñe yameꞌñeñotha ñeñth ateth oteney.

Efesios 1:14

Ñeñthara Poekamkëñ ñeñth apoeney ñanom ñeñthpaꞌ ñeñthchaꞌña yeñotateꞌ orameñ ñeñth oꞌpatatenya Yompor. Atthochña ñerraꞌm esempo aꞌkeshphaterrey poktakma ñeñthey oꞌpatatena, allempochña yagërr ñeñth allpon orameñ oꞌpatatenya. Ñeñthoꞌmarña añ poktetsa yaꞌyeꞌchoxhtatoñepaꞌch ora allowen ñeñth poꞌkowenña pen ña.

Efesios 1:18

Ñamha ñapaꞌ xhapatonaschaꞌ seyoxhro atthochña señoterrñañ ora allpon ñeñth poꞌkowenña ñeñth yekwen ñeñthchaꞌ apwerrey Yompor esempo tharroꞌmar yapaꞌ ñeñthekopña xhoreꞌterrey awathotheñ. Ñamha oꞌch señoch atarr nanak kowen ñeñthchaꞌ apwerrey Yompor, ñeñthpaꞌ alloch yapaꞌ korretsayach errponañowen alloweney ñeñthey poeyochreshaꞌ pen.

Efesios 1:5

Ñapaꞌ atarr morrentenya; eꞌñe poemorrenteñotheypaꞌ oꞌ eꞌñe aꞌpoktatonay yokop amaꞌt awathotheñ. Ñeñthpaꞌ atthochña eꞌñe poechemer perrey. Ñeñthpaꞌ añña eꞌñe etsotatwerreꞌ Poechemer Jesucristo. Yomporpaꞌ eꞌñe ateth aꞌpoktatwonay tharroꞌmar ñeñth attho morrentya ñapaꞌ atethña moenen.

Efesios 1:8

Yapaꞌ yeñoteñ Yomporpaꞌ atarr morrentenya tharroꞌmar ña theꞌpaꞌ oꞌ eñotatwerrey eꞌñe ora ñeñth ateth kothapeꞌchen ña amaꞌt ñeñth ama eñotpawo awathotheñ. Ñapaꞌ oꞌ eꞌñe eñotaterrey yeyoxhro ñeñth ateth moenen ña. Ñeñthpaꞌ añña ateth moenen ña: Ñerraꞌm esempoch xhap allempoch etsoterra allempo onañcheꞌ awath Yomporpaꞌ, allempoña Cristo ñach etsotatwerreꞌ allowen ñeñth allpon eñall, amaꞌt ora allpon ñeñth poeꞌntañoꞌtsaꞌyen amaꞌt ñamha ora allpon ñeñth añe patsroꞌtsaꞌyen. Eꞌñech Cristesho aꞌyapaxhaꞌwerret allchaꞌña eꞌñe yeparrokmatwerr alloweney.

Efesios 3:11

Ñeñthpaꞌ ateth kothapeꞌcheꞌth Yompor awath poeyochreshakop ñeñthchaꞌ sherbhats allempotheñ eꞌñe errponañowen. Ñamha añ onañcheꞌth ñeñthchaꞌ etsoterreꞌ pokthaphña ñeñthpaꞌ añ Cristo Jesús ñeñthara Yepartseshar yepen.

Colosenses 1:12

Ñamha sapaꞌ xhokmoepaꞌch separasyosoꞌch Yompor tharroꞌmar ñapaꞌ aꞌpoktaterrnay atthoch yagapapreter yamha ñeñth oꞌpatatenana allowen poeyochreshaxhno. Ñeñthñapaꞌ ñeñth poꞌkowenña pen ñeñth atarr kowentetsa allñapaꞌ poetaretsa.

Colosenses 3:24

Sapaꞌ eꞌñe señoteñ ñapaꞌ añ oꞌpatatensa ñeñthchaꞌ atarr sokshaterreꞌ tharroꞌmar sapaꞌ poꞌñoxh añ sesherben Cristo ñeñth eꞌñe poꞌñoxh Yamoꞌmteꞌ yepen.

Tito 2:14

Tharroꞌmar ñapaꞌ ña pokteꞌ enteꞌ oꞌch rroma yokop atthoch oꞌwañchaꞌ alloꞌna yephatseꞌtnena sosyaꞌtsañ. Ñamha ñapaꞌ atthoña eꞌshowerrnay allowen ñeñth ama pokteyaye. Allochñapaꞌ atthoch poeyochreshaꞌ perrey, ñamha atthoch yapaꞌ yemaꞌyoxhrena ñeñth kowentetsa.

Tito 3:7

Ñeñthoꞌmarña theꞌpaꞌ yeñoteñ eꞌñe poemoereñothey Yomporpaꞌ oꞌ pokteꞌ entwerrey alloweney, ñeñthoꞌmarña theꞌpaꞌ eꞌñe yeyemteñoth xhokma yekwameꞌten ñeñth oꞌpatatenya, ñeñthpaꞌ atthochña yapaꞌ korretsayach yoksheñeshokmañen thayotheñ eꞌñe errponañowen.

Hebreos 6:17

Yomporpaꞌxhoꞌña eꞌñe atthekma nan poꞌñoñ eꞌñe ña paꞌsoꞌchño tharroꞌmar ñapaꞌ moeneñ oꞌch eñotateney amachña aꞌpoꞌpoñetamperryeña poꞌñoñ, alloweney ñeñthey oꞌpatatena ñeñth ateth oteney oꞌch apoerrey.

Santiago 2:5

Masheñneshachaꞌ ñamha noxhaneshachaꞌ, eꞌñe nemorrenteñothes theꞌpaꞌ nemneñ oꞌch seꞌmhñoten ñeñthchaꞌ ateth notas. Elloña Yomporpaꞌ añña nanak moenen oꞌch akrerran allowen ñeñth nanak wokchañetets añ patsro, atthoch eꞌñe pameꞌñeñothet ñetpaꞌ echerretchaꞌ esokmañen Yomporeshoth. Esempowañenñapaꞌ oꞌch agërret ñamha ñeñth oꞌpatatenanet Yompor all amhchaꞌtarethtena poeꞌntaño. Ñamha ñeñth oꞌpatatenya alloweney ñeñthey morrentenaya ña.

1 San Pedro 1:4

Ñamha yeyemteñoth xhokmach yekwameꞌten ñeñth oꞌpatatarethey poeꞌntañoth tharroꞌmar allpaꞌ allña aññoꞌtarethtenaña alloch yekeshperra. Ñeñthña keshpeñetspaꞌ amach awañañathterro, ñamha ama asosyatño, ñamha ama amhllashaꞌtño.

1 San Pedro 3:9

Ñerraꞌm poꞌpsheñeñ erroth phaspaꞌ sapaꞌ amach setsaꞌtatatsche eso. Ñerraꞌm poꞌpsheñeñ sasareꞌtaspaꞌ sapaꞌ amach sesasareꞌtatsterraneto. Añchaꞌña oꞌch senamoñ Yompor aꞌnachepaꞌ, tharroꞌmar ateth moenen Yompor atethchaꞌ yepha. Allochñapaꞌ ñerraꞌm ateth yephapaꞌ ñapaꞌ oꞌch aꞌnatenya yamha.