2 San Juan 1:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Eꞌñe newomhchaꞌteñothes sa napaꞌ oꞌch notas: Yomporepaꞌch sebensareꞌtampeneꞌ ñeñthara Parets epoet Poechemer Jesucristo ñeñth Yepartseshar yepen. Ñetepaꞌchña semoerenaya atthochña sapaꞌ eꞌñech kowen sokshena seyoxhro. Ñeñthpaꞌ añekop atthochña sapaꞌ señoterrñañ ñeñth eꞌñe poꞌñoxh Yompor poꞌñoñ atthochña sapaꞌ oꞌch semorrentannerra eꞌñe kowen allowenes.

2 San Juan 1:3 Iomraidhean Croise

Romanos 1:7

Theꞌpaꞌ eꞌñe newomhchaꞌteñothes sa, napaꞌ oꞌch notas: Yomporepaꞌchña sebensareꞌtampeneꞌ ñeñth nanak Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes.

Gálatas 5:6

Ñerraꞌm oꞌ yeparrokmaterr epay Cristo Jesúspaꞌ ama sherbeno attho yetsorrannaꞌtena, ñamha amaꞌt ama atsorraretheyepaꞌ ñeñthpaꞌxhoꞌña ama sherbeno Yomporekop. Aña ñapoeth sherbets eꞌñe yameꞌñeñoth Cristopaꞌ oꞌch yemorrentannaꞌta.

1 Timoteo 1:14

Tharraña Yomporpaꞌ ama koñeꞌtha morrenterrno, ñeñthoꞌmarña ameꞌñataterrna atthothña theꞌpaꞌ eꞌñe neyemteñoth ñapaꞌ nemorrentera allowen acheñeneshaꞌ.

2 Timoteo 1:13

Phapaꞌ xhokmach phokthapeꞌch ñeñth ateth oꞌ neyxhatwanmaph, ñeñthara ñoñets ñeñth eꞌñe paxharr kothaphñats. Ñamha peparrokmateñoth Cristo Jesúspaꞌ xhokmach phameꞌñya kowen, ñamha xhokmach phaꞌmoerañta.

1 San Juan 4:10

Arrpaꞌ all orrtatonay Yompor ñeñth eꞌñe poꞌñoxh morrenteñets: Allempo ya amaꞌt mameshapaꞌ ama yemorrentpeño Yompor, ñañapaꞌ allempotheñ atarr morrentenya ya. Ñeñthoꞌmarña ñapaꞌ moeñonay Poechemer ñeñthchaꞌ yetsaꞌterroya yoꞌchñar.

2 San Juan 1:1

Napaꞌ na ñeñthen pompor pen allowen ñeñth ameꞌñenaya Yompor, theꞌpaꞌ oꞌch nekellkonas añ carta. Oꞌch nekellkonaph pha ñeñtheph eꞌñe noxheshaꞌ nepeneph, pha ñeñtheph oꞌ akrerr Yompor. Oꞌch nekellkonaph ñamha ora pechoyoreshowen ñeñth eꞌñe pachor pepeneꞌ. Napaꞌ eꞌñe poꞌñoxh atarr nemorrentensa, ama eꞌñe naptha nemorrentenso, elloña poꞌpotantañexhno ñeñth oꞌ enterran ñeñth eꞌñe poꞌñoxh Yompor poꞌñoñ, ñetpaꞌxhoꞌña eꞌñe morrentwenset.