2 Corintios 2:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Tharroꞌmar noten ñerraꞌm neꞌñotareꞌteñothes na oꞌch alla nellkaterrespaꞌ atthoch nellkaterres sa, sellkëñapaꞌ amach nokshapretaso, tharroꞌmar sapaꞌ sañeña eꞌñe nokshateneꞌ.

2 Corintios 2:2 Iomraidhean Croise

San Mateo 19:22

Oꞌña eꞌmwan wepoeshaꞌ ñeñth ateth och Jesúspaꞌ ñañapaꞌ poellkëñeshaꞌ awerr tharroꞌmar ñapaꞌ shonteꞌ esokmañen echyen.

Romanos 12:15

Ñamha ñerraꞌm esempo eseshaꞌ atarr koshetsa, sapaꞌxhoꞌña sokshapretanetepaꞌch. Ñamha ñerraꞌm esempo eseshaꞌ yawetsa poellkëñoth, sapaꞌxhoꞌña sellkapretanetepaꞌch.

1 Corintios 12:26

Ñeñthoꞌmarña ñerraꞌm esempo patherr yechetspaꞌ atserrtena allowen yechetspaꞌxhoꞌ oꞌch atsotapretannenet. Ñamha ñerraꞌm patherr yechetspaꞌ oꞌch orrta eꞌñe kowen allowen yechetspaꞌxhoꞌ oꞌch koshapretannenet. Atthekma yepena yamha ñeñthey ameꞌñaꞌyenaya Cristo. Eꞌñe yeparrokmatannaꞌteñoth ñerraꞌm poesheñarr yamoꞌts xha llekëna ñeñth parro yameꞌñenapaꞌ alloweney ñeñthey ameꞌñetsapaꞌ oꞌch yellkapretannena. Amapaꞌ ñerraꞌm poesheñarrotheypaꞌ nanak yokshenapaꞌ alloweneypaꞌxhoꞌña oꞌch yokshapretannena.

2 Corintios 1:14

Amaꞌt theꞌpaꞌ ama eꞌñe poktakmayeꞌ seyemtenno, tharraña ñerraꞌm seyemtenna eꞌñe poktakma, allempoñapaꞌ ñerraꞌm esempoch werra Yepartseshar Jesúspaꞌ attho sokshenna na, napaꞌxhoꞌña allempopaꞌ noksherrsach samha.

2 Corintios 11:29

Amaꞌt erraꞌtsena acheñer ñerraꞌm ama womenkayeꞌ penano poeyoxher Yomporekop, nañapaꞌ atarrchaꞌ nellkapreteña. Ñeñthña ateth nellkapreteña nañapaꞌ oꞌch ateth neꞌmoen neyoxhro ñerraꞌmrratheꞌ oꞌwañ womenk nephaꞌ neyoxher Yomporekop. Ñamha amaꞌt erraꞌtsena acheñer ñerraꞌm oꞌch aꞌpoerratateret oꞌch ateth perran ñeñth ama pokteyeꞌ enteno Yompor, naña nepenkapreteñothpaꞌ amaꞌt mameshapaꞌ amach pokteyeꞌ nenteñe.

2 Corintios 7:8

Carta ñeñth nekellkonas awaña, ñeñthpaꞌ xha llekatas. Ñeñthoꞌmarña allempo napaꞌxhoꞌña xha moeneꞌ llekatna namha tharroꞌmar oꞌ nemñonas ateth carta. Amaꞌt theꞌpaꞌ neñoteñ añ necarta xha llekatenes tharraña ñeñthpaꞌ eꞌñe mamekpa, ñeñth eꞌñe pokteꞌ nenteñ.