1 San Juan 5:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Attho yemorrenteña Yompor xhoch yameꞌñerrñaña poꞌñoñ ñeñth ateth oteney. Oꞌch eꞌñe yepena ñeñth ateth oteney, ñeñthpaꞌ ama thorrapawoyaye.

1 San Juan 5:3 Iomraidhean Croise

San Mateo 23:4

Ñetpaꞌ xhakaꞌye atarr atontatennasetña ñoñets ñeñthchaꞌ eꞌñe ateth sephoweneñ ñetpaꞌ ñeñthakaꞌyeña nennaset ñeñth atarr thorrapoꞌ sentyen. Ñeñthpaꞌ atethchaꞌ netmaꞌntacha ñetpaꞌ xhakaꞌye ottenet ñerraꞌmrratheꞌ añ wankënnaset ñeñth atarr eñerr seꞌmoen atthoch sechechnomh. Tharraña ñet amaꞌt mameshapaꞌ amaña anmapretenseto, amaꞌt potaphothetapaꞌ ama echantapretnenseto ñeñth chechatnenset.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 15:14

Ñerraꞌm eꞌñe ateth sephowen ñeñth ateth notenes sañapaꞌ ñeñthes eꞌñe neyemtena.

Romanos 7:22

Tharraña attho Yompor oꞌ kothapeꞌchaterrey kowen yeyoxhropaꞌ ñeñthpaꞌ alloch eꞌñe yoksheññaña poꞌñoñ.

Hebreos 8:10

Allempoñapaꞌ oꞌ alla oterrerr Yompor ñeñthara: Esempowañenpaꞌ oꞌch alla naꞌpoktatererr poꞌpoñ ñeñth israelenaꞌtarneshakop. Ñeñthpaꞌ atethchaꞌ neperranet allempo eshekchaꞌña nexhapaterranet neñoñ eꞌñe ñet poeyoxhreto, ñeñthpaꞌ ñatoꞌ oꞌch netmaꞌntacha attho neñoñpaꞌ oꞌ akellkarethterret eꞌñe ñet poeyoxhreto ñeñthchaꞌ kothapeꞌchaterrawetña eꞌñe kowen. Allempoña poꞌñoxhpaꞌ eꞌñech Poꞌyomporer perrnet, napaꞌxhoꞌña eꞌñech neyochreneshaꞌ neperranet ñamet.

1 San Juan 2:3

Ñerraꞌm eꞌñe poꞌñoxh yameꞌñerrñaña Yompor poꞌñoñ ñeñth ateth oteney allempoñapaꞌ eꞌñech poꞌñoxh yeñoter ñeñth ateth pena ña.

2 San Juan 1:6

Ñerraꞌm yemneñ yemorrentannaꞌtapaꞌ añchaꞌña ateth yephowerra ñeñth ateth oteney Yompor. Ñerraꞌm añ yemneñ oꞌch eꞌñe ateth yephowerra ñeñth ateth oteney Yomporpaꞌ xhochña eꞌñe kowen yemorrentannerra alloweney. Ñeñthpaꞌ eꞌñe awathotheñ ateth serrpareꞌtatyesaseteꞌth.