1 San Juan 3:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Allowen ñeñth ateth ameꞌñetsa, ñetña eꞌñe poeyemteñothet kowameꞌteñet, atthoña ñetpaꞌ eꞌñech kowen aꞌkowentatarethterret ñamet eꞌñech atthet ñerraꞌm Jesucristo ñeñth eꞌñe kowenareꞌ es orrtatyets.

1 San Juan 3:3 Iomraidhean Croise

San Mateo 5:48

Ñeñthoꞌmarña napaꞌ notenes: Sapaꞌ eꞌñepaꞌchña kowenareꞌ es sorrtatyen allowenakop eꞌñe ateth pena Sompor ñeñth poeꞌntañoꞌtsen eꞌñe kowenareꞌ es orrtatyenña ña.

San Lucas 6:36

Sapaꞌxhoꞌña atarrepaꞌchña semoerannaꞌta eꞌñe ateth pena ñeñth Yeyomporer yepen atarr moerenya yamha.

San Juan 17:19

Ñeñthoꞌmarña ñokpoet nañapaꞌ oꞌ naꞌrroyerra phokop, atthochña ñetpaꞌxhoꞌña aꞌkowentatarethterretchaꞌ Partsokop. Ñeñthpaꞌ eꞌñe poꞌñoxh ateth photeney pha peñoñoth ama shekëñtsoyaye.

Los Hechos 15:9

Ñeñthoꞌmar yeñoteñ ama yapthayaya morrentenyo Yompor. Añña amaꞌt ñetpaꞌ morrentenanet amaꞌt ñeñth ama judioneshayaye. Pameꞌñeñothetpaꞌ awoꞌt eꞌshowerranet poꞌchñar ñeñth poeyoxhroꞌtsaꞌyenet.

Romanos 15:12

Elloña Isaíaspaꞌxhoꞌña ateth oteꞌth awath: Esempopaꞌ orrterrach poesheñarr ñeñth Isaí poꞌmhreneñ. Ñapaꞌ orrterrach allochñapaꞌ ñeñthchaꞌ paꞌmhchaꞌtarether perr allowen paꞌnamen acheñeneshaꞌ, ñamha allowenet ñachña atarr yemterret. Arrpaꞌ allowa ñeñth ateth aꞌpotheteꞌth Cristo awath.

2 Corintios 7:1

Ñewa, eꞌñe nemorrenteñothes, masheñneshachaꞌ ñamha noxhaneshachaꞌ oꞌ notwas ateth oteney Yompor ñeñthchaꞌ ateth perrnay. Ñeñthoꞌmarña theꞌpaꞌ añ poktetsa yokop yapaꞌ oꞌch yeswanem ora allowen ñeñth xhokma aꞌsosyateneꞌ yechets ñamha ñeñth xhokma aꞌsosyateneꞌ amaꞌt yekamkëñ. Añña eꞌñe yemhchaꞌnaꞌteñoth Yomporpaꞌ añchaꞌña yemaꞌyoxhrena ñeñth pokteꞌ enten ña.

Colosenses 1:5

Ñeñthpaꞌ tharroꞌmarña sapaꞌ ateth atarr seyemteña sapaꞌ eꞌñe sameꞌñeñoth Cristopaꞌ sapaꞌ añ atarr seyemtena ñeñth oꞌpatatensa all poeꞌntaño. Ñeñthña sapaꞌ awañotheñ seꞌmhñotenña kowen ñoñets ñeñth eꞌñe poꞌñoxh Yompor poꞌñoñ alloch yekeshperra.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

Tito 3:7

Ñeñthoꞌmarña theꞌpaꞌ yeñoteñ eꞌñe poemoereñothey Yomporpaꞌ oꞌ pokteꞌ entwerrey alloweney, ñeñthoꞌmarña theꞌpaꞌ eꞌñe yeyemteñoth xhokma yekwameꞌten ñeñth oꞌpatatenya, ñeñthpaꞌ atthochña yapaꞌ korretsayach yoksheñeshokmañen thayotheñ eꞌñe errponañowen.

Hebreos 12:14

Añepaꞌchña semaꞌyoxhrena atthoch eꞌñe kowen samoꞌtstannena, eꞌñech moecheth seyxhena epas allowen samoꞌtseshaxhno. Ñamha añchaꞌña sokthapeꞌchyen ñeñth eꞌñe kowenareꞌ enten Parets. Tharroꞌmar ñerraꞌm añ ama yokthapeꞌcheno ñeñth kowenareꞌ enten Paretspaꞌ amach errothenoth yentereña Yompor.

Hebreos 6:18

Ñeñthoꞌmar yeñoteñ Yomporpaꞌ eꞌñe epoch eñotateney eꞌñe poꞌñoxh atethchaꞌ perrnay, ñamha Yompor poꞌñoñpaꞌ ama xhoyeꞌ shekënye. Ñeñthoꞌmarña eꞌñe yeyemteñoth ñapaꞌ yeñoteñ poꞌñoxhpaꞌ aꞌkeshphatwerreychaꞌ ñeñth ateth oteney. Ñeñthoꞌmarña yekweñ amaꞌt alloweney ñeñthey eꞌneneꞌ ña ñachña yaꞌkeshphatwerreꞌ.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.

Santiago 4:8

Ñeñthoꞌmarña oꞌch alla separrokmaterr epas Yompor. Tharroꞌmar ñapaꞌ xhokmach alla agërres. Theꞌpaꞌ amaꞌt oꞌtheꞌ sephowa ñeñth ama kowenayaye Yomporekoppaꞌ theꞌpaꞌ añ poktetsa oꞌch alla sokthapeꞌcherr kowen atthoch Yomporpaꞌ oꞌch alla enterres eꞌñe kowen. Tharroꞌmar sapaꞌ amaꞌt semneñeñ oꞌch semorrentera Yomporpaꞌ, tharraña xhokma semorrentena ñamha ñeñth patsoꞌmarekpa. Ñeñthoꞌmarña theꞌpaꞌ aña poktetsa oꞌch saꞌypoꞌñaꞌwerr sosyaꞌtsañ ñeñth seyoxhroꞌtsen.

1 San Pedro 1:15

Yomporpaꞌ eꞌñe kowenareꞌ es pen. Ñeñthara Yompor ñeñth oꞌ waꞌñerrey ya. Ñeñthoꞌmarña yapaꞌxhoꞌña añ poktetsa oꞌch yepomwerra yañeña eꞌñe Partsokop. Ateth ñapaꞌ eꞌñe kowenareꞌ es pen, yapaꞌxhoꞌña añ poktetsa oꞌch yephaꞌ ateth es pen ña.

1 San Pedro 1:3

Theꞌñapaꞌ ayeꞌchoxhtaterrapoꞌch Yompor Parets ñeñth Yepartseshar Jesucristo Pompor ñeñthara ñeñth Poꞌyomporer pen, tharroꞌmar oꞌ yeꞌñalleterra etserra eꞌñe ña nanak poemoereñothey. Allempotheñña ya eꞌñe yeyemteñoth ña xhokmach yekwameꞌteñ esempowañen tharrempowa allempoch ama yaꞌrromñathterro. Attho Jesucristopaꞌ oꞌ tanterra, ñeñthoꞌmarña yapaꞌxhoꞌña yekwen yamha atthoch amach yaꞌrromñathterro.

2 San Pedro 1:4

Eꞌñe poꞌkowenñoth ñapaꞌ ateth otnerrey ñeñthchaꞌ apoerrey ñeñthchaꞌ nanak kowen yenterr, ñamha ñeñthchaꞌ atarr nanak sherberrets yokop. Añ apoerrey poꞌwamenk atthoch amach aña atarr yemnaꞌyeno ñeñth yentyen arr patsro. Atthochña amach atarr nanak yaꞌsosyateno eꞌñe yañeña. Allochñapaꞌ eꞌñe yeyemteñoth Paretspaꞌ oꞌch yagërrñañ ñeñth eꞌñe ateth pena ña.

2 San Pedro 3:14

Ñewa, masheñneshachaꞌ ñamha noxhaneshachaꞌ oꞌch sekwameꞌteñ. Sekwameꞌteñothpaꞌ oꞌch semaꞌyoxhrena atthoch entwerres Yompor eꞌñe pokteꞌ, atthoch amach eñalle ñeñthchaꞌ sepenkateꞌ. Oꞌch kowen sentannena epas samoꞌtseshaꞌ.

1 San Juan 2:6

Ñerraꞌm eseshaꞌ otets, ñapaꞌ eꞌñoꞌ parrokmaten epoet Yompor, ñeñthepñapaꞌ orrtatyesanepaꞌña ñeñth ateth phaꞌyeseꞌth Yompor Poechemer ñeñth Jesucristo.

1 San Juan 4:17

Atthoña yapaꞌ eꞌñech kowen yemorrenteña Yompor eꞌñe poktakma, allochñapaꞌ yapaꞌ amach yemhchaꞌnañothayaya yeyemtero Yompor ñerraꞌm esempowañen eñotatyeswerrey eꞌñe errothenchaꞌ entyeswerrey. Tharroꞌmar eꞌñe ateth pena Jesucristo, yapaꞌxhoꞌña eꞌñech ateth yepena yamha arr patsro.