1 San Juan 3:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Oꞌch masheñneshachaꞌ ñamha noxhaneshachaꞌ oꞌch alla noterrserr, theꞌña yapaꞌ eꞌñe poꞌñoxh poechemer peney Yompor. Amaꞌt ama eꞌñe eñotatenyaꞌ errotheneychaꞌña ya esempowañen tharraña yapaꞌ eꞌñe yeñoteñ ñerraꞌm esempo orrterra Jesucristo, yañapaꞌ eꞌñech atthey yamha ñerraꞌm ña tharroꞌmar allempo yapaꞌ yenterchaꞌ ñeñth ateth atarr kowentena ña.

1 San Juan 3:2 Iomraidhean Croise

San Mateo 5:8

‘Nanak kosheñtsoꞌtsaꞌyen allowen ñeñth eꞌñe poeyoxhretopaꞌ ama eñalle sosyaꞌtsañ amaꞌt koñeꞌtha tharroꞌmar ñetpaꞌ enteretchaꞌ Parets.

San Lucas 17:30

Atthekmach perreterr allempoch norretwerra na Ñeñthen Acheñetosets.

San Lucas 20:36

Tharroꞌmar allempopaꞌ amach arromñathterreto amaꞌt awatha atthoch eꞌñech ateth perret ñerraꞌm mellañotheñnaneshaꞌ. Yomporñapaꞌ oꞌch eꞌñe poechemer perranet eꞌñe poktakma tharroꞌmar allempopaꞌ oꞌ tanterret rromothpaꞌ oꞌwañchaꞌ arromñathterret amaꞌt errponaña.

San Juan 1:12

Tharraña poesheñaꞌtets ñeñth eꞌñe kowen agapyesapoeꞌ, amaꞌt allowen ñeñthchaꞌ ameꞌñerraya ña, ñetñapaꞌ apoerranet llesens atthoch eꞌñe poechemer perranet Yompor Parets.

San Juan 11:52

Amach eꞌñe ñaptha pamoꞌtsnaꞌtarekpayaya rromoña Jesús, añekpaꞌnachña rroma allowenakop amaꞌt erraꞌtsenchaꞌ poechemer perr Yompor arr patsro, ñachña parrokmataterrawet.

San Juan 17:24

‘Apachaꞌ, allowen ñeñth peyochreshaꞌtatenna na, napaꞌ añ nemnen erroꞌtsenenchaꞌ ñetpaꞌxhoꞌña alloꞌtsenakmayepaꞌchña eꞌñe parro. Allochñapaꞌ atthoch enterrnanet nekowenña allo oꞌ alla pekowentaterren na, tharroꞌmar phapaꞌ pemorrentenna allempotheñ ama ayexhkatarethtenaꞌ añ patser.

Romanos 8:16

Tharroꞌmar ñeñthara Parets Poekamkëñ ñeñthña yeñotateneꞌ yeyoxhro poꞌñoxhpaꞌ oꞌ poechemer perrey Yompor.

Romanos 8:18

Amaꞌt yemoeroxhetwanena añe patsro, ñeñthpaꞌ ama esoyeꞌ nenteñe. Tharroꞌmar neñoteñ esempowañenpaꞌ ellochña nanak yekowentapretera Cristo.

Romanos 8:19

Amaꞌt ora allpon ñeñth yentyen arr patsro ñeñth yexhkatwa Yomporpaꞌ ñetpaꞌxhoꞌña elloña atarr koweñet esempowañenchaꞌ Yomporpaꞌ orrtatwerreychaꞌ ñeñthey oꞌ poechemereshaꞌ perrey, atthoch allempochña oꞌch yekowentapretera Cristo.

Romanos 8:29

Tharroꞌmar alloweney ñeñthey eꞌñe eñotwayeꞌth Yompor awath, ñeñtheychaꞌ ameꞌñerraya esempo, ñañapaꞌ kothapeꞌcheꞌth awath yokop ñeñthchaꞌ ateth moenatey, allochñapaꞌ yach kothapeꞌcherrets kowen atthochña yeyexhkërra eꞌñe ora ateth ñerraꞌm Poechemer ñeñth Cristotets. Allochñapaꞌ alloweney yepoꞌnarchaꞌ yepeñ Cristo amaꞌt shontey ñeñthey ameꞌñetsa.

1 Corintios 13:12

Ñamha yapaꞌ ama yeñotweno eꞌñe ora ateth pena Parets. Ñewa, ñatoꞌ oꞌch netmaꞌntatererr ateth: Yapaꞌ xha yottena ateth ñerraꞌmrratheꞌ rerpatotha yekweñ Yompor, amach tama yechmeꞌteñe. Tharraña esempowañenpaꞌ yenterchaꞌ eꞌñe allameꞌtets. Ñamha theꞌpaꞌ attho es yeñotyen mameshaꞌtets, tharraña esempowañenpaꞌ yeñotwerrchaꞌ ñeñth eꞌñe ateth pena Parets, eꞌñech yeñotañetwerra ateth pena theꞌ Yomporpaꞌ eꞌñe eñotweney ñeñth ateth yepena.

1 Corintios 15:49

Attheña theꞌpaꞌ attha yeyexhkëna yechtsoth ateth ñerraꞌmrratheꞌ Adán ñeñth ñanom ayexhkatareth pats tharraña esempowañenpaꞌ yeyexhkërrach ello ateth ñerraꞌmrratheꞌ Cristo ñeñth waptsa entoth.

1 Corintios 2:9

Tharroꞌmar ateth anwarethta Yompor poꞌñoñ awath, ñeñthpaꞌ ateth oten: Amaꞌt awatha ya ñeñthey arromñatheypaꞌ ama yentare ñeñth oꞌpatatenya Yompor ñeñth koxhneshaꞌtetsa yokop, ñamha ama yeꞌmare, ñamha ama xhaponayeꞌthe yeyoxhro ñeñth oꞌpatatenya Yompor ñeñtheychaꞌ morrenterraya ña.

2 Corintios 3:18

Alloweney ñeñthey ameꞌñenaya Yepartseshar Cristo, ña Poekamkëñpaꞌ ñachña yaꞌpoꞌpoñeterreꞌ, allochñapaꞌ alloꞌnach yesen kowentapretaya Cristo. Yapaꞌ ama attheyayye ñerraꞌmrratheꞌ ñeñth aꞌnataklleꞌchareth atthoch amach enteññañeto Cristo poꞌkowenña. Yapaꞌ eꞌñe yekweñoth Cristo poꞌkowenña, yapaꞌxhoꞌña oꞌch yekowentapreteña yamha, ateth ñerraꞌmrratheꞌ rerep poptetsa ñerraꞌm xho yekwach atsrrethoneth.

2 Corintios 4:17

Tharroꞌmar ñeñth attho allpon yemoeroxhtameꞌtyena añe patsro, ñeñthpaꞌ ama esoyaye, eꞌñe mamekpa. Ñeñthpaꞌ añekpaña wennaya allochñapaꞌ atthoch wapatwerrnay ñeñth atarr nanak kosheñets ñeñth ama awañaño amaꞌt errponaña, ñeñth ello nanak atarr koxhneshaꞌtetsa, ñeñth atarr nanak kowen.

Gálatas 3:26

Tharroꞌmar theꞌpaꞌ eꞌñe yeparrokmateñoth Cristo Jesúspaꞌ oꞌch poechemer perrey alloweney Pompor, tharroꞌmar eꞌñe yameꞌñeñoth Poechemer.

Gálatas 4:6

Theꞌña Yomporpaꞌ oꞌ poechemer perrey ñeñthoꞌmar oꞌ moeñerrnay Poekamkëñ ñeñthchaꞌ yexherrtsa yeyoxhro. Ñeñthña Poechemer Poekamkëñpaꞌ ñeñthchaꞌ yeñotateneꞌ ñerraꞌm esempo yexhoreꞌch amaꞌt Paretspaꞌ eꞌñe pokteꞌ oꞌch yoch, “Apa.”

Filipenses 3:21

Ñerraꞌm oꞌch werra añe patsropaꞌ ya ñeñthey arromñatheypaꞌ ñapaꞌ oꞌch aꞌpoꞌpoñetwerrnay yechets, allochñapaꞌ yapaꞌxhoꞌña yorrterrach eꞌñech atthey ñerraꞌm ña poꞌpartsoteñothpaꞌ nanak kowentena. Eꞌñech ña poꞌwamenkoth aꞌpoꞌpoñetwerrey ñeñthara poꞌwamenkothpaꞌ eꞌñech pomnaren phowerran allowen allpon ñeñth eñall.

Colosenses 3:4

Ñeñthoꞌmarña ñerraꞌm esempoch orrterra Cristo ñeñth allo eꞌñe yokrrena, allempoña sapaꞌxhoꞌña sorrterrach samha epas Cristo. Atthochña sapaꞌ oꞌch sekowentapretera samha.

Hebreos 9:28

Atthekma pha ñamha Cristo eꞌñe parrocha rroma allempo amtsarethta allowen ochñartsokop. Atthoña ñapaꞌ eꞌñe awanmamperrey shontey alloweney yoꞌchñar. Amaꞌt amtsarethtañ ochñartsokop, tharraña Cristopaꞌ allach orrterra poꞌpocheño. Allempoch werra poꞌpocheñopaꞌ poꞌkowenño amach añekpayeꞌ werro oꞌch alla rromoerrerr ello ochñartsokop. Añekopchaꞌña werra poꞌpocheño oꞌch eꞌñe aꞌkeshphatwerran allowen ñeñth xhokma koweneꞌ ña.

2 San Pedro 1:4

Eꞌñe poꞌkowenñoth ñapaꞌ ateth otnerrey ñeñthchaꞌ apoerrey ñeñthchaꞌ nanak kowen yenterr, ñamha ñeñthchaꞌ atarr nanak sherberrets yokop. Añ apoerrey poꞌwamenk atthoch amach aña atarr yemnaꞌyeno ñeñth yentyen arr patsro. Atthochña amach atarr nanak yaꞌsosyateno eꞌñe yañeña. Allochñapaꞌ eꞌñe yeyemteñoth Paretspaꞌ oꞌch yagërrñañ ñeñth eꞌñe ateth pena ña.

1 San Juan 2:28

Theꞌña nechemerneshachaꞌ alloꞌnepaꞌch sesen parrokmatenaya Cristo allochñapaꞌ ñerraꞌm esempoch werra ñapaꞌ ñachña eꞌñe seyemtapoerra atthoch sapaꞌ amach xha sepenkapoero ñerraꞌm esempoch werra.

1 San Juan 2:7

Oꞌch masheñneshachaꞌ ñamha noxhaneshachaꞌ notas, ñeñth ateth notenes nekellkoth theꞌ amorrentannaꞌtpawepaꞌch sentannena allowenes ñeñthpaꞌ ama añeyaye ñoñets ñeñth ama seꞌmare. Amaꞌt allempotheñ eꞌñe errteꞌ sameꞌñerrapaꞌ allempotheñ seꞌmoerrña ñeñth ñoñets ñeñthchaꞌ ateth sepha eꞌñe kowen ñeñthara Yompor poꞌñoñ ñeñth eꞌñe errtes eꞌmoeneꞌ allempo.

1 San Juan 3:1

Theꞌ sapaꞌ xhosaña eꞌñe kothapeꞌcherreꞌ, Yomporpaꞌ atarrkaꞌye nanak morrentenya. Ña eꞌñe poemorrenteñothey ñapaꞌ eꞌñe poechemer peney, ñeñthoꞌmarña yapaꞌ eꞌñe poꞌñoxh Yomporenaꞌtarey. Ñeñthoꞌmarña acheñeneshaꞌ arr patsro ñeñth ama ameꞌñetso ñetñapaꞌ ama eseshayeꞌ eñotenayeña ñeñth ateth yokthapeꞌchyen Yomporekop tharroꞌmar Yomporpaꞌxhoꞌña ama eseshayeꞌ eñotenaye ñeñth ateth kothapeꞌchen ña.

1 San Juan 3:10

Arrpaꞌ atthoña yeñoteñña ñeñth Yomporenaꞌtar ñamha ñeñth oneñethenaꞌtar. Allowen ñeñth ama pokteyeꞌ es orrtatyetso ñeñth ama morrentenaye pamoꞌtseshaꞌ, ñetñapaꞌ amakaꞌye Yomporenaꞌtareyayeto.

1 San Juan 3:21

Tharraña nechemerneshachaꞌ ñerraꞌm eꞌñe yeñmañeshokmañen es yephaꞌyen Yomporekop ñeñthepñapaꞌ Yomporchaꞌña eꞌñe kowen yeyemtena.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.

El Apocalipsis 2:28

Ñeñth metanaꞌtweꞌ allowen paꞌnamen topateñtsoxhno elloña ñetpaꞌ napanetchaꞌ ranto ñeñth atarr ateshamerr.

El Apocalipsis 22:4

Yenterchaꞌ Parets yekwaklleꞌchannerrach parro epay Yompor. Yetoꞌmoña yapaꞌ kellkërranchaꞌ eꞌñe ña paꞌsoꞌcheñ.