1 San Juan 2:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñeñth otets, ñapaꞌ eꞌñoꞌ eñoteñ ateth pena Yompor, ñerraꞌm atthera athpareꞌtenan Yompor poꞌñoñ ñeñth ateth oteney, ñeñthña ateth otetspaꞌ ñapaꞌ atthakaꞌye shekën. Amaꞌt eꞌñe mameshapaꞌ ama xheññañoña Yompor poꞌñoñ poeyoxhro ñeñth eꞌñe poꞌñoxh ateth oteney.

1 San Juan 2:4 Iomraidhean Croise

San Juan 8:44

Sapaꞌ oneñethakaꞌye ñeñth sompor sepen. Ñeñthoꞌmarña sapaꞌ aña semnen oꞌch sepha ñeñth moenen sompor. Ñapaꞌ awathotheñ eꞌñe paꞌmothrotheñ amtsañta. Ñapaꞌ amaꞌt mameshapaꞌ ama eñoraꞌpenoña Yompor poꞌñoñ ñeñth eꞌñe poꞌñoxh tharroꞌmar ñoñets ñeñth eꞌñe poꞌñoxhpaꞌ amakaꞌye atanenoña ña poeyoxhro. Ñerraꞌm xho eñorenapaꞌ, shekëñtsach eñorena tharroꞌmar ñapaꞌ eꞌñe shekëñtsa eñoten. Poꞌñoxh sekëñetspaꞌ pomporkaꞌ penanña oneñeth.

Tito 1:10

Tharroꞌmar eñall shonteꞌ ñeñth athpareꞌtets, ñamha ñeñth eꞌñe orrena otatseꞌtyets, ñamha ñeñth shekareꞌtyets. Poꞌñoxh ñeñthpaꞌ ateth pena shonteꞌ judioneshaꞌ.

Tito 1:16

Ñeñth ateth acheñpaꞌ amaꞌt otenetañ eñoteñetoꞌ Yomporpaꞌ tharraña ñeñth ateth phatseꞌtyenetpaꞌ yeñoteñ ñeñthpaꞌ ama attheyaye. Ñeñth Yomporpaꞌ ama pokteyeꞌ entapretenaneto, tharroꞌmar ñetpaꞌ ama es otapaweto, ñamha ñetpaꞌ ama es sherbeneto amaꞌt mamesha.

1 San Juan 1:10

Ñamha ñerraꞌm xha yoten, “napaꞌ ama noꞌchñaꞌtpeno”, Yomporñapaꞌ xha yottatateñ ñerraꞌmrratheꞌ ñapaꞌ atarr ashkañ tharroꞌmar poꞌñoñpaꞌ ateth oteney ya alloweneypaꞌ eꞌñe yoꞌchñaꞌtwen. Ñeñthña poꞌñoñpaꞌ yañapaꞌ amaꞌt eꞌñe mameshapaꞌ ama xhappennayoña yeyoxhro.

1 San Juan 1:6

Yapaꞌ amaꞌt yoteneñ oꞌ eꞌñe yeparrokmaterr epay Yompor, tharraña ñerraꞌm ora yorrtatyen ñeñth ama kowenayeꞌ enteno ña, yañapaꞌ attha yeshkën. Ñeñthoꞌmarchaꞌña xhach yottena ñerraꞌm chekmeta yechopeꞌchen tharroꞌmar ama eꞌñe yeyxhenaꞌ ñeñth eꞌñe poꞌñoxh kowen enten Yompor.

1 San Juan 1:8

Tharraña ñerraꞌm xha yoten, “napaꞌ amakaꞌye eñalle noꞌchñar”, ñeñthñapaꞌ yañeñakaꞌye shekëtsa tharroꞌmar Yompor pokthaphña ñeñth eꞌñe poꞌñoxh kowenpaꞌ amakaꞌye xhennayoña yeyoxhro.

1 San Juan 2:3

Ñerraꞌm eꞌñe poꞌñoxh yameꞌñerrñaña Yompor poꞌñoñ ñeñth ateth oteney allempoñapaꞌ eꞌñech poꞌñoxh yeñoter ñeñth ateth pena ña.

1 San Juan 2:9

Ñeñthña otets ñapaꞌxhoꞌña Yomporoꞌ poꞌpoetarenñoꞌtsen tharraña ñerraꞌm orameñ eꞌmoñeꞌtyenan pamoꞌts, ñapaꞌxhoꞌ orameñ chekmetoꞌtsena.

1 San Juan 3:6

Ñeñthoꞌmarña allowen eseshaꞌch parrokmaterreꞌ Cristo, ñetñapaꞌ ama xhoyeꞌ ochñaꞌtareꞌteneto. Tharroꞌmar ñeñth atarr ochñaꞌtareꞌtetspaꞌ ñeñthñapaꞌ ama poentaranoña Cristo, ama xheññañoña poeyoxhro ñeñth ateth pena Cristo.

1 San Juan 4:20

Ñerraꞌm eseshaꞌ otets, ñapaꞌxhoꞌña eꞌñoꞌ kowen morrentenana Yompor, tharraña ñerraꞌm xha eꞌmoñeꞌtyenan pamoꞌts, ñeñthña ateth otetspaꞌ atthakaꞌye shekën. Attho ama morrentenano pamoꞌts amaꞌt ñeñthpaꞌ eꞌñe enteñ, amach errothenoth morrentanoña ñamha Yomporñaꞌ tharroꞌmar ñeñthpaꞌ amakaꞌye xhoyeꞌ enteñe.

1 San Juan 4:7

Masheñneshachaꞌ ñamha noxhaneshachaꞌ amoerannaꞌtpawepaꞌch alloweney tharroꞌmar ñeñthpaꞌ Yomporeshoth wena. Allowen amorrentñapaꞌ ñetpaꞌ oꞌ eñalleterret Yomporoth, poꞌñoxh oꞌ eñoteret ñeñth ateth pena Yompor.