1 San Juan 2:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñerraꞌm eꞌñe poꞌñoxh yameꞌñerrñaña Yompor poꞌñoñ ñeñth ateth oteney allempoñapaꞌ eꞌñech poꞌñoxh yeñoter ñeñth ateth pena ña.

1 San Juan 2:3 Iomraidhean Croise

San Lucas 6:46

‘Sapaꞌ esoꞌmarwañakaꞌyeña sotenen napaꞌ Saꞌyochreshatheroꞌ sepenen, sapaꞌ amakaꞌ xhoyeꞌ sameꞌñenno ñeñth ateth oꞌ notwas.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 15:14

Ñerraꞌm eꞌñe ateth sephowen ñeñth ateth notenes sañapaꞌ ñeñthes eꞌñe neyemtena.

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.

Hebreos 5:9

Attho yexhan poeꞌmhñoteñpaꞌ ñeñthoꞌmarña eꞌñe etsotwan ora atthoch aꞌkeshphatañta, allochñapaꞌ atthoch aꞌkeshphaterran eꞌñe poktakma allowen erraꞌtsenchaꞌ eꞌmhñoterreꞌ ña.

1 San Juan 2:13

Ñamha theꞌpaꞌ oꞌch notas samha allowenes ñeñthes eꞌñe pomporneshaꞌ penset. Sa theꞌpaꞌ oꞌ señoter Cristo ñeñth eꞌñe awathotheñ eñall amaꞌt eꞌñe allempotheñ ama ayexhkatarethtenaꞌ pats; ñeñthoꞌmarña theꞌpaꞌ ateth nekellkënnas samha. Ñamha theꞌpaꞌ oꞌch notas samha allowenes ñeñthes wepoeshares, sapaꞌ oꞌ eꞌñe sathpareꞌter oneñeth; ñeñthoꞌmarña sokop theꞌpaꞌ ateth nekellkënnas samha. Ñamha sa nechemerneshachaꞌ theꞌ sapaꞌ oꞌ eꞌñe señoter ateth penaña Yompor Parets; ñeñthoꞌmarña theꞌpaꞌ ateth nekellkënnas eꞌñe sokop.

1 San Juan 3:14

Tharraña ya eꞌñe yemorrenteñoth yamoꞌtspaꞌ eꞌñe yeñoteñ yapaꞌ oꞌ yemhtanerrña allchaꞌ eꞌñe poktakma yerromoerreñ. Yapaꞌ oꞌ yexherr allña yapaꞌ korretsayach. Ñeñthña ama moerenayo pamoꞌts ñetñapaꞌ alloꞌtsenareta allchaꞌ eꞌñe rromoerret eꞌñe poktakma.

1 San Juan 3:19

Alloña yapaꞌ eꞌñech yeñotena yapaꞌ eꞌñe poꞌñoxhey ñeñthey ateth petsa eꞌñe kowen. Ñeñthoꞌmarña yapaꞌ eꞌñech yeñmataten yeyoxher Yomporeshoneth.

1 San Juan 3:6

Ñeñthoꞌmarña allowen eseshaꞌch parrokmaterreꞌ Cristo, ñetñapaꞌ ama xhoyeꞌ ochñaꞌtareꞌteneto. Tharroꞌmar ñeñth atarr ochñaꞌtareꞌtetspaꞌ ñeñthñapaꞌ ama poentaranoña Cristo, ama xheññañoña poeyoxhro ñeñth ateth pena Cristo.

1 San Juan 4:13

Ña attho apoerrey eꞌñe ña Poekamkëñ ñeñthña yeñotateneꞌña yapaꞌ eꞌñe yeparrokmaten epay Yompor.

1 San Juan 4:7

Masheñneshachaꞌ ñamha noxhaneshachaꞌ amoerannaꞌtpawepaꞌch alloweney tharroꞌmar ñeñthpaꞌ Yomporeshoth wena. Allowen amorrentñapaꞌ ñetpaꞌ oꞌ eñalleterret Yomporoth, poꞌñoxh oꞌ eñoteret ñeñth ateth pena Yompor.

1 San Juan 5:19

Theꞌña yapaꞌ yeñoteñ oꞌ yeyomporenaꞌtarterra ya. Poꞌpotantañña acheñeneshaꞌ arr patsro ñeñth ama ameꞌñetso, ñetñapaꞌ aña yochreshaꞌtenawet oneñeth.

1 San Juan 5:2

Ñeñthoꞌmarña yeñoteñ ñamha ñerraꞌm esempo yemorrenteña Yompor ñamha yameꞌñerrñaña poꞌñoñ ateth oteney, añeꞌnaña eꞌñe yemorrentwena ñeñth poechemereshaꞌ pen Yompor.

1 San Juan 5:3

Attho yemorrenteña Yompor xhoch yameꞌñerrñaña poꞌñoñ ñeñth ateth oteney. Oꞌch eꞌñe yepena ñeñth ateth oteney, ñeñthpaꞌ ama thorrapawoyaye.

El Apocalipsis 12:17

Ñeñthña atarr atsrreꞌmateꞌña añyañ, ello alla atarr eꞌmoñeꞌterranerr koyaneshaꞌ. Allempoñapaꞌ awoꞌ alloꞌtsaꞌyen poꞌpotantañ koyaneshaꞌ poechoyoreshaꞌ oꞌch kellarosanet ñamet. Tharroꞌmar ñetpaꞌxhoꞌña xhokma ameꞌñeñet Yompor poꞌñoñ ñeñth ateth anareth ñamha xhokma kotheññañet Jesucristo pokthaphña.

El Apocalipsis 14:12

Ñeñthoꞌmarña alloweney ñeñthey eꞌñe poeyochreshaꞌ peney Parets ñeñthey ameꞌñenaya Yompor poꞌñoñ ñeñth ateth oteney ñeñthey eꞌñe yemtenaya Jesús, yokopñapaꞌ añ poktetsa oꞌch yaꞌwantaꞌwen eꞌñe akopha ñeñth allpon paꞌnamen es yewenoya.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.