1 Corintios 7:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Tharraña amaꞌt notensoñ atethpaꞌ ñerraꞌm ama errotheno saꞌwantopaꞌ eꞌñe pokteꞌ sesnaꞌtepaꞌ. Ama pokteyaye oꞌch attha nanak yemneñ koyaneshaꞌ. Añña pokteꞌ yesnaꞌtepaꞌ. Tharraña añña nanak kowen ñamha amach yesnaꞌto.

1 Corintios 7:9 Iomraidhean Croise

Los Hechos 19:36

Ñeñthpaꞌ yeñotweñ alloweney acheñey. Amatheꞌ errothenoth yoto ama attheyaye. Ñeñthoꞌmarña eꞌñe pokteꞌ oꞌch semtsoñeñta. Amachña xha samaꞌtoxhtatsto.

1 Corintios 7:2

Tharraña ellopaꞌ añ pokteꞌ ñamha alloweney yakmaneshay oꞌch yeyore poesheñarr koyaneshaꞌ ñeñthchaꞌ yethapor yephaꞌ. Koyaneshaꞌpaꞌxhoꞌña pokteꞌ ñamha echanepaꞌ eꞌñe ña poerrollar. Oꞌ notas ateth tharroꞌmar ñerraꞌm ama xho seyoro poesheñarr ñeñthchaꞌ sethapor sephaꞌpaꞌ atthatheꞌ alloꞌna sekañoreshaꞌtnen.

1 Corintios 7:28

Tharraña ñerraꞌm esempo semneꞌ oꞌch sesnaꞌtapaꞌ eꞌñe pokteꞌ. Ñamha ñerraꞌm esempo koyaneshaꞌpaꞌ moeneñ oꞌch someꞌta, ñeñthpaꞌxhoꞌña eꞌñe pokteꞌ, tharroꞌmar ñeñthpaꞌ ama ochñaꞌteñtsoyaye Yomporekop. Tharraña ñerraꞌm yakmapaꞌ oꞌch senaꞌta, ñamha ñerraꞌm koyaneshaꞌpaꞌ oꞌch someꞌta ñamha, allempopaꞌ oꞌch echan shonteꞌ ñeñthchaꞌ llekatyeseꞌ atthoch korret arr patsro. Ñeñthoꞌmarña notenes amach sesnaꞌtatsto, koyaneshaꞌpaꞌxhoꞌña amach someꞌtatsto, tharroꞌmar napaꞌ ama nemno oꞌch sechen shonteꞌ ñeñthchaꞌ sellkatyeneꞌ.

1 Corintios 7:36

Theꞌpaꞌ oꞌch noterrserr poꞌpoñ: Ñerraꞌm eseshas echeneꞌ seseñ ñeñth oꞌ poꞌnatwena, ñamha ñerraꞌm pokteꞌ senteñ oꞌch someꞌtapaꞌ ñewa, pokteꞌ someꞌtepaꞌ. Eꞌñe pokteꞌ oꞌch semnach someꞌtepaꞌ tharroꞌmar ñeñthpaꞌ ama ochñaꞌteñtsoyaye Yomporekop.

1 Corintios 7:39

Theꞌpaꞌ oꞌch noterrserr poꞌpoñ. Amaꞌt esempapaꞌ ama pokteyaye koyaneshaꞌpaꞌ oꞌch serran poerrollar. Amaꞌt errponmatchaꞌ korrena poerrollarpaꞌ amach satstere. Tharraña ñerraꞌm esempo rroma poerrollar, allempopaꞌ eꞌñe pokteꞌ oꞌch someꞌterra ello, tharraña ñerraꞌm erraꞌtsenchaꞌ moenerr ñeñthchaꞌ yorerreꞌ ñeñthpaꞌ ameꞌñenach ñamha.

1 Tesalonicenses 4:4

Eꞌñe poesheñaꞌttsospaꞌ xhochña eꞌñe señoch atthoch eꞌñe kowen seyore koyaneshaꞌ ñeñthchaꞌ eꞌñe ñapoeth sethapor sephaꞌ. Atethpaꞌ eꞌñech pokteꞌ entapretenes Parets, amaꞌt ñamha allowen acheñeneshaꞌ. Eꞌñechña kowen senteñña sethapor.

1 Timoteo 5:11

Tharraña ñeñth rrethorrnaneshar atthera shopsheshameñ ñeñth ama echenanaꞌ pechapoch xharraꞌ poꞌcharñapaꞌ amach sagapatsche, tharroꞌmar ñerraꞌm machaya moenmeꞌcherran sherbeꞌ Cristopaꞌ oꞌtheꞌ alla someꞌterra,

1 Timoteo 5:14

Ñeñthoꞌmarña napaꞌ eꞌñe pokteꞌ nenteñ ñeñth shopsheshameñpaꞌ someꞌterrepaꞌ ñamha cheyoreꞌterrepaꞌ atthoch añach maꞌyoxhrena ñeñth paꞌpakllakop. Ñerraꞌm ateth penetpaꞌ atthochña amach eñalle amaꞌt ñeñth yeꞌmoñeꞌteneꞌpaꞌ amach sasareꞌtye.