1 Corintios 4:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Ñeñthoꞌmarña notenes, amach sotatsto ateth: añ acheñer nanak kowen, poꞌpsheñeñpaꞌ ama kowenayaye. Theꞌpaꞌ amach sotatsto ateth, tharroꞌmar esempowañenchaꞌ werra Yepartseshar. Allempopaꞌ ñachña eñotatwerrets ñeñth yaꞌnasotyena theꞌ. Ñamha ñachña eñotatwerrets amaꞌt ñeñth ateth yemnaꞌyen yeyoxhro. Errponeychaꞌ ñeñthey kowen entwerr Yomporpaꞌ allponeychaꞌxhoꞌ ayeꞌchoxhtatwerr.

1 Corintios 4:5 Iomraidhean Croise

Santiago 5:7

Ñeñthoꞌmarña, masheñneshachaꞌ ñamha noxhaneshachaꞌ, oꞌch notas, xhokmach eꞌñe saꞌwantaꞌwanom ñeñth echarr sentyen, atthoch sekwameꞌch Yepartseshar Cristo esempowañenchaꞌ werra. Atethchaꞌ sepha ateth yepena ñerraꞌm esempo yemneñ oꞌch es yenareꞌt. Ñerraꞌm yemneñ oꞌch es yenareꞌtpaꞌ xhokmach ñanom yekwen esempowañenchaꞌ wapotyena eshekchaꞌ eꞌñech kowen es yexhkatsa ñeñth nanak yemorrentyena.

2 Corintios 5:10

Tharroꞌmar oꞌ anarethta allowenakpay yewapoepaꞌtoꞌ Cristesho allchaꞌ eñotatarethey eꞌñe poesheñaꞌttsoy. Allochñapaꞌ allchaꞌña ateth phaꞌyesey errothenchaꞌ entapretwerrey, ñatoꞌ eꞌñech kowen entapretwerrey attho eꞌñe kowen es yephaꞌyen eꞌñe yechtsoth allempo yokrrena arr patsro, ñatoꞌ amach kowenayeꞌ entapretwerrye.

1 Corintios 3:13

Esempowañenña allempoch werra Cristopaꞌ entatwaretheychaꞌ alloweney ñatoꞌ espoꞌtheꞌ yeyexhkatyes yepakëll, ñatoꞌ oropoꞌ, ñatoꞌ tablapoꞌ amapaꞌ ñatoꞌ ateth ñerraꞌm poshoꞌllpoꞌ. Ñewa, añchaꞌña yeñotateꞌ tsoꞌ. Yompor poyoroxhenñothpaꞌ oꞌch ethomampesyesonay yepakllaxhno. Ñewa, yeñoteñ ñeñth oropoꞌ amach poyo, asrepoꞌpaꞌxhoꞌña amach poyo, mapyepoꞌpaꞌxhoꞌña amach poyo. Tharroꞌmar ñeñthpaꞌ ama akrraño, ñeñthoꞌmarña nanak sherben. Tharraña tablapoꞌpaꞌ ñeñthpaꞌ poywach, aspanapoꞌpaꞌxhoꞌña poywach, poshoꞌllpoꞌpaꞌxhoꞌña poywach. Tharroꞌmar ñeñthpaꞌ ama es sherbeno, atthochña eñotwaretheychaꞌ eꞌñe poesheñaꞌttsoy errothentheꞌ yeyexhkatyes, ñatoꞌ kowentheꞌ ñatoꞌ amatheꞌ kowenayaye allempo es yethorraꞌyesnoma Cristokop. Ñerraꞌm esempoch ethomampesyesonay yeyexhkatar ñerraꞌm amach poyo yeyexhkatar, allempochña yeñoch attho es yethorraꞌyesnoma Cristokoppaꞌ ñeñthpaꞌ eꞌñe kowen. Ñeñthoꞌmarña allempopaꞌ apwerreychaꞌ eꞌñe poesheñaꞌttsoy ñeñthchaꞌ atarr yokshaterreꞌ.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.

2 Corintios 10:18

Tharroꞌmar añ acheñer ñeñth eñoretsa eꞌñe kowen ñokpapaꞌ ñeñthpaꞌ ama pokteyeꞌ enteñe Yompor. Tharraña amaꞌt erraꞌtsena acheñer Yomporchaꞌ eñosets kowen ñokop, ñeñthña eꞌñe pokteꞌ enten ña.

Romanos 2:16

Tharroꞌmar yeñoteñ esempowañen Yomporpaꞌ eñotatwerreychaꞌ ñeñth ora allpon yaꞌnasotena theꞌ. Yompor Poechemerña ñeñth Jesucristo ñach otats atthoch tsaꞌtatya. Ñeñthpaꞌ eꞌñe ateth ñeñth oꞌ notwas ñeñthara noten allempo neserrpareꞌten añ kowen ñoñets alloch yekeshperra.

Romanos 2:1

Ñeñthoꞌmar theꞌpaꞌ oꞌch notas allowenes ñeñthes judioneshas, ñatoꞌ sapaꞌ xhatheꞌ sotenapañ sapaꞌxhoꞌña añoꞌtheꞌ attheyeꞌ seyxheno sosyaꞌtsañ ateth pena poꞌpotantañ. Tharraña amatheꞌ errothenoth soto ateth tharroꞌmar alloweneypaꞌ eꞌñe atthekma yepena. Ñerraꞌm xha yoten poꞌpsheñeñpaꞌ ama kowenayaye, tharraña atethpaꞌ yañeña ateth otetsa amaꞌt erraꞌtsenotheya ñeñthey ateth otets.

El Apocalipsis 20:12

Nent ñamha allowen arromñathneshaꞌ all thomxhenet Yompor poꞌkonaño. Amaꞌt allowen arromñathneshaꞌ alloꞌtsaꞌyenet amaꞌt ñeñth atarr sherbhaꞌyestseꞌth amaꞌt ñamha ñeñth ama asherbhoyenayeꞌ enteteꞌthe. Amaꞌt allpon omarrñathexhno ñeñth omarrxhaꞌtyestseꞌth awathpaꞌ ñetña amaꞌt oñothpaꞌ oꞌ alla tantrraꞌtwerret. Amaꞌt allowen arromñathneshaꞌ amaꞌt oꞌ xhapoet all oꞌpatenanet rromoeñets, allothña oꞌ alla tantrraꞌtwerret allowenet. Ñeñthoꞌmar ñet theꞌpaꞌ eꞌñe Yompor poꞌkonaño thomxhaꞌtwenet allowenet. Allempoña allpaꞌ toreꞌtet shonteꞌ libro, ñeñthña librorpaꞌ all akellkaꞌwareth ñeñthchaꞌ yerpaterrawet ñeñth allpon ateth phatseꞌtyeseteꞌth eꞌñe poesheñaꞌttset. Allempoña Yomporpaꞌ all entan ñeñth libro all akellkareth ñeñth ama kowenayeꞌ es petso. Ñeñthoꞌmarña ñapaꞌ atthoña otteñeꞌcherranet oꞌch moeñanet koñcheñtso. Allothñapaꞌ toreꞌtet poꞌpoñ libro ñeñth libropaꞌ all akellkareth añ paꞌsoꞌchñexhno atthochña ñetpaꞌ korretsetach.

1 San Pedro 1:7

Tharroꞌmar nanak womenk echarr yenteñ, tharraña Yomporpaꞌ eñochchaꞌ ñerraꞌm poꞌñoxh eꞌñe yameꞌñeña ña. Ateth ñerraꞌm oropaꞌ xhoch ñanom atserrtachet womenk allochñapaꞌ oꞌch eñochet ñerraꞌm poꞌñoxh ñeñthpaꞌ eꞌñetheꞌ orocheꞌ. Ñeñthña amaꞌt oropaꞌ wañerrchaꞌ esempo. Amaꞌt nanak tsaꞌteꞌ oro, tharraña attho poꞌñoxh yameꞌñera Cristo, ñeñthña ello nanak sherbets. Ñerraꞌm poꞌñoxh yeyemteña ña, yeyemteñoth ñapaꞌ eꞌñech kowen entyeswerrey esempowañenchaꞌ werra Jesucristo, atthochña eꞌñe kowen yekowentapretera, eꞌñech kowen yaꞌmhchaꞌtarethtapretera.

2 Corintios 4:2

Ñeñth aꞌnawa es phaꞌyenet ñeñth apenkoxhen yenten yokop ya ñeñthey thorretsa Yomporekoppaꞌ ñeñthña napaꞌ oꞌ naꞌypoꞌñamper. Ñamha napaꞌ ama es neshkëñoth nephaꞌyeno masheñneshakop. Ñamha napaꞌ allempo neserrpareꞌtateñ acheñeneshaꞌ ama xhoyeꞌ naꞌpoꞌpoñeteññañe Yompor poꞌñoñ. Añchaꞌña eꞌñe naꞌpotheññañ Yompor poꞌñoñ eꞌñe poꞌñoxh ñeñth ateth oten poꞌñoñ. Yomporpaꞌ entenen ñeñth ateth notenes ñeñthpaꞌ eꞌñe poꞌñoxh ateth. Ñamha amaꞌt erraꞌtsena acheñer ñeñth eñoteneꞌ ñeñth eꞌñe pokteꞌ entenet ñet poeyoxhretopaꞌ ñetpaꞌxhoꞌña eꞌñech kowen entapretennet.

Romanos 14:4

Ñeñthoꞌmarña yapaꞌ yeñoteñ ama pokteyaye oꞌch yotannaꞌtena eꞌñe yagattsa Yompor poeyochreshaꞌpaꞌ ama pokteyaye ñeñth ateth penet. Tharroꞌmar ñetpaꞌ Ayochreshathekpoet tharroꞌmar ñapaꞌ ñaña ñapoeth otets attho pokteꞌ entenan poeyochreshaꞌ amapaꞌ ñerraꞌm ama pokteyeꞌ entenano poeyochreshaꞌ. Ñamha Ayochreshath Cristopaꞌ xhokmach eꞌñe pokteꞌ entenan poeyochreshaꞌ tharroꞌmar ñapaꞌ ñach awamenkath phawet poeyoxhro.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

Santiago 4:11

Masheñneshachaꞌ ñamha noxhaneshachaꞌ, amach sesasareꞌtannaꞌtatsto. Tharroꞌmar ñerraꞌm eseshaꞌ sasareꞌteneꞌ pamoꞌts, amapaꞌ ñeñth tompareꞌteneꞌ pamoꞌtspaꞌ poꞌñoxhpaꞌ oꞌ achmhareꞌtan ñamha Yompor poꞌñoñ ñeñth ateth anareth. (Tharroꞌmar Yompor poꞌñoñ ñeñth ateth anarethpaꞌ ateth oten, yemorrentannaꞌtepaꞌch alloweney.) Tharroꞌmar ñetpaꞌ xhach otenapoetañ Yompor poꞌñoñ ñeñth ateth anarethpaꞌ ñatoꞌ amatheꞌ es sherbeno. Tharraña ñerraꞌm esempo ateth yepenapaꞌ xhach yottena ñerraꞌmrratheꞌ yañeña eꞌñe es eñotwets. Tharraña ñeñthpaꞌ ama attheyaye. Añña pokteꞌ xhokmach yameꞌñya Yompor poꞌñoñ ñeñth ateth anwareth.

San Lucas 6:37

‘Sapaꞌ amach sotatsche poꞌpsheñeñ “ama pokteyaye ñeñth ateth sephaꞌyena”, allochñapaꞌ amach otwerrso samha Yompor ama pokteyaye ñeñth ateth sephaꞌyena samha. Ñamha eꞌñe atthothapaꞌ amach sottheñeꞌchatsche poꞌpsheñeñ allochñapaꞌ Yomporpaꞌxhoꞌña amach otteñeꞌchwerrso samha, xhochña eꞌñe kowen sephretnannena allochñapaꞌ Yomporpaꞌxhoꞌña eꞌñech kowen peretnaꞌwerres samha.

San Mateo 24:46

Ñeñthña atarwasañpaꞌ atarrchaꞌ koshatapoerran pamoꞌmteꞌ. Ñerraꞌm esempoch werra oꞌch alla entwenan paꞌtarwasañer ama xho kexhpoenano ñeñth poꞌtarwas apaꞌnemh awañmoꞌchotheñ.

El Apocalipsis 1:7

Oꞌch sekweñ werrach Cristo, oschaꞌ aꞌswatamperreꞌ. Amaꞌt allowen acheñeneshaꞌpaꞌ entwapoeretchaꞌ eꞌñe paꞌklloyothet. Amaꞌt ñeñth pataꞌteꞌpaꞌ entwapoeretchaꞌ ñamet. Allempoña ñeñth shonteꞌ paꞌnamen acheñeneshaꞌ ñeñth yexhaꞌyetsa arr patsropaꞌ yaꞌnaꞌtapoeretchaꞌ eꞌñe poellkëñothet. Ñeñthpaꞌ eꞌñech ateth perra.

1 San Pedro 5:4

Cristoñapaꞌ ñeñth yekwampeneꞌ alloweney ateth ñerraꞌm poꞌcarnerorey. Ñerraꞌm esempo werra, allempopaꞌ yapaꞌxhoꞌ atsaꞌtaretheychaꞌ. Atsaꞌtaretheychaꞌ poꞌkowenño ñeñthchaꞌ atarr nanak yokshaterreꞌ ñeñthpaꞌ ama awañaño amaꞌt errponaña.

1 Tesalonicenses 5:2

Tharroꞌmar sapaꞌxhoꞌña oꞌ eꞌñe señoter xherrchaꞌ patherr yeth allempoch werra Yepartseshar Jesús. Allempopaꞌ eꞌñech machayotha werra eꞌñe ateth ñerraꞌm esempo wennaya eñeth tsapo eꞌñech machoyotha wapa.

San Juan 21:22

Jesúsñapaꞌ ateth otererr: —Ñerraꞌm na moenateꞌ ñapaꞌ allach aꞌpa esempowañenña nowerrapaꞌ ñeñthpaꞌ eꞌñe pokteꞌ ñokop, ñeñthpaꞌ ama phokpayaye. Phokoppaꞌ añ poktetsa xhokmoepaꞌch phokthenen.

2 San Pedro 3:4

Pachmhareꞌteñothpaꞌ oꞌch otet: “Cristopaꞌ otnerr esempopaꞌ awoꞌch werra. Theꞌñapaꞌ ¿esoꞌmartheꞌ amoꞌ werroꞌ? Amaꞌt yatañneshañpaꞌ oꞌ kollaꞌwenet; themeꞌttsen yenten ora errapharen eꞌñe atthera ateth orrteꞌth awathotheñ allempo errteꞌ ayexhkatareth pats.”

San Mateo 25:23

Ñapaꞌxhoꞌña poꞌpatronarpaꞌ ateth och: “Eꞌñe pokteꞌ; phapaꞌxhoꞌña atarroꞌt kowen pesherbenen. Phapaꞌxhoꞌña eꞌñe kowen petsoton ñeñth ateth notnomoeph. Amaꞌt allponatholla napaꞌnmaph awaña, phañapaꞌ atarroꞌt kowen pesherbhaton. Ñeñthoꞌmarña theꞌpaꞌ oꞌch nenwerreph phamha phach nekwamphsapreterreꞌ ñeñth atarr aton. Phapaꞌxhoꞌña theꞌpaꞌ pebeꞌthos phamha allchaꞌ atarr phokshapreterrna.”

San Judas 1:14

Ñamha theꞌpaꞌ oꞌch notas, awathpaꞌ eñall poesheñarr yakma añ paꞌsoꞌcheñ Enoc ñeñth Adán poꞌmhreneñ poꞌkanxhrroñowa. Ñañapaꞌ ñeñth aꞌmhtayeꞌth Yompor poꞌñoñ. Ñapaꞌ eñotatan acheñeneshaꞌ atethchaꞌ apharethterra amaꞌt ñeñth ashkañneshaꞌ. Ñokpoetaꞌnaña ateth oteꞌth: “Werrach Partseshaꞌ eꞌñe poeyochreshaxhnowen ñeñth nanak poꞌnnakaren patsopoeñ.

2 San Pedro 3:12

Ñamha añ poktetsa oꞌch sekwameꞌteñ esempoch yoroxhtatwer Yompor. Sapaꞌ oꞌch sethorreññaña atthochña mameshapaꞌ oꞌch werra. Esempoch yoroxhtatwer allempopaꞌ ñachña aꞌkrratwerreꞌ enet. Oꞌch aꞌkrratwerran enetpaꞌ allempochña potlleꞌchwerr eꞌñe poktakma. Ñamha ora ñeñth orretyetsa entopaꞌ ñeñthpaꞌxhoꞌña eꞌñech poywawerr. Oꞌch poywawerrpaꞌ oꞌch eꞌyowerra poktakma. Tsoꞌñapaꞌ ñach eꞌñe eꞌyatwawerreꞌ ora allowen ñeñth eñall.

1 Corintios 15:23

Tharraña ñeñthpaꞌ atethchaꞌ perra: Cristo ñanom oꞌ tanterra allochñapaꞌ ñerraꞌm esempoch werra, yapaꞌxhoꞌña ñeñthey ameꞌñenayapaꞌ atthekmach yokrraꞌwerra alloweney.

1 Corintios 11:26

Ñeñthoꞌmarña theꞌpaꞌ ñerraꞌm esempo yerren añ pan, ñamha yorren añ orrpapoꞌpaꞌ xhokmach yeñotach acheñeneshaꞌ attho rroma Yepartseshar yokop. Ñeñthpaꞌ eꞌñech thayotheñ ateth yepha tharrempowach esempowañenchaꞌ werra.

1 Corintios 1:7

Ñeñthoꞌmarña theꞌpaꞌ ama es palltetso ñeñthchaꞌ apoerrserr poꞌpoñ Yompor. Theꞌpaꞌ aña palltetsa oꞌch sekwameꞌteñ esempowañenchaꞌ werra Yepartseshar Jesucristo.

Romanos 2:7

Ñerraꞌm xhokma yokthapeꞌchen eꞌñe kowen Yomporekop, ñamha ñerraꞌm xhokma yoktheññañ poꞌkowenña, ñamha ñerraꞌm añ yeꞌnen atthoch ñapaꞌ eꞌñech kowen entwerrey, ñamha atthoch apwerreychaꞌ ñeñth alloch yokrrerra errponowañen, allempoña poꞌñoxhpaꞌ apwerreychaꞌ atthoch yapaꞌ korretsayach yoksheñeshokmañen thayothen eꞌñe errponañowen.

San Mateo 24:30

Allempoñapaꞌ orrterrach ento ñeñthchaꞌ señotaterreꞌ nakaꞌyeña oꞌ nowerra Ñeñthen eꞌñe Acheñetosets. Allempochña nanak llekanrrorterra allowen paꞌnamen acheñeneshaxhno ñeñth añe patsroꞌtsen. Entapoerrnetchaꞌ na Ñeñthen Acheñetosets oꞌch neswamperra osoth eꞌñe entoth. Eꞌñe nepartsoteñowen eꞌñech nekowenteñeshaꞌ nowerra.

1 Corintios 3:8

Ñeñthoꞌmarña yeñoteñ ñeñthey nareꞌtets ñamha ñeñthey sheꞌtamoꞌreꞌtetspaꞌ eꞌñe parrokma yethorrena Yomporekop. Elloña Yomporpaꞌ apaꞌyerreychaꞌ poesheñaꞌttsoy kowen ñeñthchaꞌ atarr yokshaterreꞌ. Apaꞌyerreychaꞌ errothentheꞌ yethorraꞌyesnoma ñokop.

San Mateo 25:21

Poꞌpatronarpaꞌ ateth och: “Eꞌñe pokteꞌ neyochrechaꞌ; phapaꞌ atarr kowen pesherbenen. Phapaꞌ eꞌñe kowen petsoton ñeñth ateth notnomoeph. Amaꞌt allponatholla napaꞌnmaph awaña, phañapaꞌ atarroꞌt kowen pesherbhaton. Ñeñthoꞌmarña theꞌpaꞌ oꞌch nenwerreph phach nekwamphsapreterreꞌ ñeñth atarr aton. Theꞌña phapaꞌ pebeꞌthos allchaꞌ atarr phokshapreterrna.”

San Mateo 10:26

‘Amaꞌt attheñpaꞌ tharraña sapaꞌ amach semhchaꞌtatstaneto tharroꞌmar yapaꞌ yeñoteñ allowen ñeñth attho eꞌñe aꞌnawa shekareꞌtyenet theꞌ, esempowañenñapaꞌ aꞌmethamphsarethterretchaꞌ. Amaꞌt allowen ñeñth eꞌñe aꞌnasotyenet theꞌpaꞌ esempowañenñapaꞌ eꞌñech eñotatarethetwerret.

San Juan 21:23

Ñeñthoꞌmarña epaꞌwa añ ñoñets errapharen alloꞌtsaꞌyen masheñneshaꞌ, ñeñthoꞌmarña ñetpaꞌ ateth otannaꞌtyenet, ñeñth poeyochreshaꞌpaꞌ añoꞌch rromoerro amaꞌt errponaña. Tharraña Jesúspaꞌ ama attheyeꞌ oteno amach rromoerro. Ñapaꞌ aña oteñ: “Ñerraꞌm na moenateꞌ ñapaꞌ allach aꞌpa esempowañenña nowerrapaꞌ ñeñthpaꞌ eꞌñe pokteꞌ ñokop, amaña poꞌpsheññekpayaye.”

1 Corintios 11:16

Ñewa, ñerraꞌm eseshas ama pokteyeꞌ entaye ñeñth ateth oꞌ notwaspaꞌ ñewa, pokteꞌ oꞌch alla noterrserr, tharroꞌmar ñeñth ateth oꞌ notwaspaꞌ ñeñthpaꞌ atethchaꞌ sepha tharroꞌmar ama eñalle poꞌpoñ ñeñth pokteꞌ yenten. Amaꞌt ñamha allowen ñeñth pameꞌñeñothet Yompor ñeñth apxhaꞌyetsapaꞌ ñetpaꞌxhoꞌña pokteꞌ enteñet ñeñth ateth oꞌ notwas.

Santiago 5:9

Masheñneshachaꞌ ñamha noxhaneshachaꞌ, amach sethanmareꞌtannaꞌtatsto, atthoch Yompor ñeñth eꞌñe es eñotetspaꞌ amach otteñeꞌchwerrso samha ñerraꞌm esempoch werra. Tharroꞌmar Yomporpaꞌ oꞌ allanerrmoch.

2 Corintios 10:9

Napaꞌ ama nemno oꞌch amhchaꞌnoxhen sentenen eꞌñe necartotha.