1 Corintios 4:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñewa, eꞌñe kowenareꞌ nenteñeñ allowen ñeñth ateth es nephaꞌyen, tharraña ñeñthpaꞌ ama añeyaye alloch yeñoch eꞌñetheꞌ kowenareꞌ es yephaꞌyen. Añña eꞌñe pokteꞌ nenten Yepartsesharchaꞌña otats eꞌñetheꞌ pokteꞌ entenen, amapaꞌ ñatoꞌ amatheꞌ.

1 Corintios 4:4 Iomraidhean Croise

San Juan 21:17

Pomaꞌpocheñoñapaꞌ alla otererr: —Simón, Jonás poechemere, ¿amaꞌt eꞌñe mamekpa pemorrentenno? Pedroñapaꞌ llekënana attho alla pomaꞌpocheño otererr eꞌñe ñeñthara, ¿pemorrentennaꞌt?, ñeñthoꞌmarña ñapaꞌ otererr: —Partseshachaꞌ, allowenpaꞌ eꞌñepaꞌt peñotweñ. Eꞌñe peñotenen napaꞌ nemorrentenpha. Jesúsñapaꞌ alla otererr: —Ñeñthepñapaꞌ eꞌñech kowen pekwamphson necarnerorexhno.

Los Hechos 23:1

Pabloñapaꞌ oꞌ kowaꞌyesan allowen ñeñth xhokma aꞌpoktatyeneꞌ ñoñets. Allempoñapaꞌ ateth otanet: —Masheñneshachaꞌ, napaꞌ xhokma nokrrena kowen Yomporekop, amaꞌt awathotheñ amaꞌt ñamha themeꞌttsen. Yomporpaꞌ entennantheꞌ eꞌñe kowen neyoxher.

Romanos 2:13

Tharroꞌmar Yomporpaꞌ ama pokteyeꞌ entenano ñeñth attha eꞌmoeneꞌ orrena poꞌñoñ all serrpareꞌteññañet. Añña pokteꞌ enten Yompor, oꞌch ateth penet ñeñth eꞌñe ateth oten poꞌñoñ.

1 Corintios 4:3

Ñatoꞌ sapaꞌ sentenentheꞌ napaꞌ nepena ateth eyecharethen ñatoꞌ amatheꞌ, ñeñthpaꞌ ama añekpayaye ñeñth ateth nellkëna na. Amaꞌt acheñeneshaꞌ ñeñth amhchaꞌtarethetyetsa, ñerraꞌm errothentheꞌ entennet ñeñth ateth nepenapaꞌ ñeñthpaꞌxhoꞌña ama añeyaye ñeñth ateth nellkëna na. Amaꞌt napaꞌxhoꞌña ama neyemteno ñeñth ateth nentena eꞌñe nañeña.

1 Corintios 4:5

Ñeñthoꞌmarña notenes, amach sotatsto ateth: añ acheñer nanak kowen, poꞌpsheñeñpaꞌ ama kowenayaye. Theꞌpaꞌ amach sotatsto ateth, tharroꞌmar esempowañenchaꞌ werra Yepartseshar. Allempopaꞌ ñachña eñotatwerrets ñeñth yaꞌnasotyena theꞌ. Ñamha ñachña eñotatwerrets amaꞌt ñeñth ateth yemnaꞌyen yeyoxhro. Errponeychaꞌ ñeñthey kowen entwerr Yomporpaꞌ allponeychaꞌxhoꞌ ayeꞌchoxhtatwerr.

2 Corintios 1:12

Ñewa, theꞌpaꞌ oꞌch notas poꞌpoñ ñeñth ateth nokthapeꞌchen. Napaꞌ ñeñthña atarr nokshateneꞌ nanak. Napaꞌ neñotena neyoxhro poꞌñoxh arr patsropaꞌ xhokma nokthapeꞌchen ñeñth ateth pokteꞌ enten Parets. Eꞌñe nameꞌñeñoth Yompor, napaꞌ ama nemno oꞌch eseshaꞌ neshkaꞌyes amaꞌt mamesha. Elloña sapaꞌ ama nemno oꞌch neshkas amaꞌt eꞌñe mamesha. Ama aña neyemteno ñeñth ateth yokthapeꞌchen ya acheñey arr patsro, añchaꞌña neyemteñoth Yompor atthoch ñach neyenpoeneꞌ. Eꞌñe poemoereñoth ñachña neñotateneꞌ ñeñth kowen enten ña.

2 Corintios 5:10

Tharroꞌmar oꞌ anarethta allowenakpay yewapoepaꞌtoꞌ Cristesho allchaꞌ eñotatarethey eꞌñe poesheñaꞌttsoy. Allochñapaꞌ allchaꞌña ateth phaꞌyesey errothenchaꞌ entapretwerrey, ñatoꞌ eꞌñech kowen entapretwerrey attho eꞌñe kowen es yephaꞌyen eꞌñe yechtsoth allempo yokrrena arr patsro, ñatoꞌ amach kowenayeꞌ entapretwerrye.