1 Corintios 2:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Oꞌch notas masheñneshachaꞌ ñamha noxhaneshachaꞌ, awaña allempo nexhap seshopaꞌ neserrpareꞌtatoses kowen allempo naꞌpothonas Yompor pokthaphña. Allempopaꞌ ama koxhneshotheyeꞌ neñoñoth naꞌpothonaso Yompor poꞌñoñ ateth noñets koxhneshaꞌ entyen acheñeneshaꞌ. Ñamha ama koxhneshotheyeꞌ nokthaphñoth naꞌpothonaso Yompor pokthaphña ateth ñerraꞌmrratheꞌ acheñ ñeñth nanak eñotañ entweñ allowen acheñeneshaꞌ.

1 Corintios 2:1 Iomraidhean Croise

Los Hechos 20:21

Oꞌ neserrpareꞌtatwas añ pokteꞌ oꞌch sokthapeꞌcherr ello kowen Yomporekop ñamha añ pokteꞌ oꞌch sameꞌñera Yepartseshar Jesucristo. Ñeñthpaꞌ ateth oꞌ notwas allowenes ñeñthes judioneshas ñamha amaꞌt ñeñthes griegoneshas.

Los Hechos 22:18

Allempoña oꞌ orrtona Yepartsesharpaꞌ ateth oten: “Thayekma oꞌch awerreph arroth Jerusaléñoth, tharroꞌmar arrpaꞌ amach eseshaꞌ peꞌmhñotaye allempoch phaꞌpothon neñoñ.”

Romanos 16:18

Tharroꞌmar ñetpaꞌ ama añeyeꞌ sherbeneto Yepartseshar Jesucristo. Aña kothapeꞌchenet ñeñth ateth moenenet ñet poꞌchets attho korrenet. Attho serrpareꞌtenet koxhneshaꞌ ñoñets, ñeñthpaꞌ attha shekëñet acheñeneshaꞌ ñeñth ama womenkayeꞌ penaye poeyoxher.

Romanos 16:25

Theꞌñapaꞌ yaꞌyeꞌchoxhtatoñepaꞌch Yompor tharroꞌmar ñapaꞌ ñach awamenkath sepeneꞌ, ñeñth eꞌñe ateth oten añ kowen ñoñets alloch yekeshperra. Ñeñthara añ kowen kothaphñats ñeñth neserrpareꞌtatenes ñeñth eꞌñe ateth pena Jesucristo ñeñth awathotheñ ama eñotpawo.

1 Corintios 1:17

Napaꞌ ama añekpayeꞌ llesensaꞌnoña Cristo oꞌch napatyes Partsokop ñeñth allpon ameꞌñetsa, añekpaña llesensaꞌn atthoch oꞌch neserrpareꞌt kowen ñoñets alloch yekeshperra. Ñamha ama añeyeꞌ koxhneshaꞌ na neñoñ neserrpareꞌtatenso, tharroꞌmar ñerraꞌm aña neserrpareꞌtatenes koxhneshaꞌ neñoñ nameꞌñatasapaꞌ xhatheꞌ soten attho rroma Cristo korsochopaꞌ ñeñthpaꞌ amakaꞌye es sherbeno atthoch yameꞌñera Cristo.

1 Corintios 1:6

Ñeñth ateth yotwanmas ñeñthchaꞌ ateth phonas Cristo, theꞌpaꞌ atethxhoꞌ oꞌ etsotatwonas.

1 Corintios 2:13

Ñamha ñeñth ñoñets ñeñth yexhateney Yompor Poekamkëñpaꞌ ñeñthara ñoñets oꞌch yeserrpareꞌtatas samha amaꞌt ñamha poꞌpotantañexhno. Ñeñthpaꞌ ama añeyaye ñoñets ñeñth ateth yexhatyen acheñeneshaꞌ ñeñth eñotañetyetsa. Ñamha ñeñth ñoñets attho yexhateney Yompor Poekamkëñothpaꞌ ñeñth yeyxhatenes samha ñeñthes oꞌ chorrerrsa samha Yompor Poekamkëñ.

1 Corintios 2:4

Ñamha ama neꞌñoreñotheyeꞌ eꞌñe kowen neserrpareꞌtataso atthoch sameꞌñaꞌna eꞌñe neñoñotha ñeñth ateth pena ñeñth xhach otenapañ ñapaꞌ nanaktheꞌ es eñoten. Añña eꞌñe neserrpareꞌteñotha norrtatonas ñeñth ateth phonay Parets Poekamkëñ eꞌñe poꞌwamenkoth Yompor.

1 Corintios 2:7

Yomporepaꞌchña pokthaphña yaꞌpotha ñeñth atarr es eñotets, ñeñthara amaꞌt awathotheñpaꞌ ama eñotpawo pokthaphña. Tharraña amaꞌt allempo ama ayexhkatarethtenaꞌ patspaꞌ ñeñthñapaꞌ oꞌ anarethetwa atthoch kowenchaꞌ yaꞌkeshphatarethterra esempowañen.

2 Corintios 10:10

Tharroꞌmar patantaꞌttsos ateth sentennan necarta ñerraꞌmrratheꞌ atarr echeꞌxharroth es notenes ñeñth atarr echarr senten. Ñamha ñerraꞌm esempo alloꞌtsenen sesho sapaꞌ ama awamenkathoyenayeꞌ sentenno amaꞌt mamesha, ñamha attho neserrpareꞌtatenespaꞌ amaꞌt eꞌñe mameshapaꞌ ama asherbenayeꞌ senteñe.

2 Corintios 11:6

Amaꞌt napaꞌ ama ayxhataretheno atthoch neserrpareꞌt koxhneshareꞌ ñoñets tharraña napaꞌ eꞌñe neñotweññañ Yompor poꞌñoñ. Sapaꞌ señotenen ñeñth ateth notenes ñeñthpaꞌ eꞌñe poꞌñoxh ateth tharroꞌmar shonteꞌ paꞌnamen norrtatyen errakmañen ñeñthña eꞌñe señotateneꞌ.

2 Tesalonicenses 1:10

Ñapaꞌ tharroꞌmarchaꞌ werra atthoch alloweney ñeñthey poeyochreshaꞌ pen Parets, yañapaꞌ yekowentatapoerrñañchaꞌ. Alloweney ñeñthey ameꞌñayeꞌth atarrchaꞌ yekwanrrortapoer. Saꞌnachña kowentatapoerreꞌ tharroꞌmar sapaꞌxhoꞌña sameꞌñena kowen ñoñets ñeñth yeñotatenes.

1 Timoteo 1:11

Ñamha ñeñth ateth yexhateney Yompor poꞌñoñ ñeñthpaꞌ ñeñthara kowen ñoñets ñeñth alloch aꞌkeshphaterrey Yompor eꞌñe poꞌkowenño, ñeñthara Yompor ñeñth nellsenserreꞌ na oꞌch neserrpareꞌtoñ poꞌñoñ, ñamha ñeñthara Yompor ñeñth atarr yaꞌyeꞌchoxhtatyen alloweney.

2 Timoteo 1:8

Ñeñthoꞌmarña theꞌpaꞌ amach pepenkatsto attho peserrpareꞌteññañ ñeñth ateth pena Yepartseshar Cristo. Ñamha amach pepenkatsto eꞌñe noꞌmar attho napaꞌ oꞌ cárceleꞌterrnet eꞌñe nameꞌñeñoth Cristo. Elloña xhochña pokteꞌ peñch phamha oꞌch pemoeroxhtapretna eꞌñe peserrpareꞌteñoth Cristo poꞌñoñ tharroꞌmar Yomporpaꞌ atthoña awamenkath peneph.

1 San Juan 4:14

Ñamha yapaꞌ eꞌñe yentwoñeꞌth Yompor Poechemer ñeñthoꞌmarña ya theꞌpaꞌ oꞌ yaꞌpothonas samha attho Yompor poꞌñoxhpaꞌ moeñonay Poechemer ñeñthchaꞌ yaꞌkeshphaterreꞌ ya ñeñthey yexhaꞌyetsa añ patsro.

El Apocalipsis 1:2

Tharroꞌmar napaꞌ nach eñotatawet allowenet ñeñth eꞌñe poꞌñoxh ñeñth ateth eñotatenen Yompor poꞌñoñ ñamha ora ñeñth allpon eñotatenen Jesucristo amaꞌt ñamha ñeñth ora allpon gatyennet.

El Apocalipsis 1:9

Theꞌ napaꞌ ñeñthen sochetsa Juan oꞌch alla noterrserr. Napaꞌ ñeñthen eꞌñe semoꞌnasheñ sephowenen sa. Napaꞌ ñeñthen semoeroxhtapretenaya eꞌñe yameꞌñeñoth Jesús. Ñamha eꞌñe yeyemteñoth ñapaꞌ eꞌñech akopha es yaꞌwanten eshekchaꞌ yaꞌmhchaꞌtarethtapretera. Ñewa, napaꞌ oꞌch neñotatas ñeñth ateth nepena na arr. Awañmoꞌcha napaꞌ eꞌñe neserrpareꞌteñoth Yompor poꞌñoñ ñeñth ateth eñotatenen Yepartseshar Jesucristo, añña ñeñth neꞌmoñeꞌteneꞌpaꞌ oꞌ waporeꞌtennetaꞌ arr atarr allaphar all rroxhpeꞌchañethollo ñeñth otenet Patmos.

El Apocalipsis 19:10

Nañapaꞌ nekonkorposa mellañotheñ paꞌrrpho ñeñth neserrpareꞌtateneꞌ oꞌch nemaꞌyochyañ, tharraña ñapaꞌ ateth oten: —Napaꞌ amach pemaꞌyochatsetno, napaꞌ añana ñeñthen pethorrapretenaya Yomporekop ñamha allowen pemoꞌnasheñneshaxhno ñeñth serrpareꞌteneꞌ attho ameꞌñeñet Jesús. Phapaꞌ añchaꞌña pemaꞌyocha Yompor ñapoeth. Tharroꞌmar allowen ñeñth aꞌmhteneꞌ Yompor poꞌñoñ, eꞌñe ña Poekamkëñothpaꞌ añ serrpareꞌtenet ñeñth attho yameꞌñeña Jesús.