1 Corintios 13:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñamha amaꞌt es yapaꞌyesatsech wokchañneshaꞌ ora allowen ñeñth yechyenñaꞌ, ñerraꞌm ama yemorrenteñotheyeꞌ es yapaꞌyenanetopaꞌ amaꞌt ateth yephatstapaꞌ Yomporpaꞌ amach kowenayeꞌ entenye. Ñamha amaꞌt eꞌñe yameꞌñeñoth pokteꞌ yentatsech poeꞌmoñeꞌteñothetay oꞌch chamayet ora bethnathotheypaꞌ tharraña ñerraꞌm ama yemorrenteño yamoꞌts, amaꞌt ateth yephatstapaꞌ Yomporpaꞌ attherach amach kowenayeꞌ entenye.

1 Corintios 13:3 Iomraidhean Croise

San Mateo 23:5

Fariseoneshaꞌ allowen ñeñth ateth etsotayeneñpaꞌ ñeñthpaꞌ eꞌñe pommoꞌcheñotheta ateth penet allochñapaꞌ acheñeneshaꞌñapaꞌ eꞌñech kowen entyeñet ñeñth attho atarr thorraꞌyenetañ Yomporekop. Tharraña ñeñthpaꞌ eꞌñekaꞌye orrena. Ñamha ñetpaꞌ xhakaꞌye ateshatomoerrtatenet poremh allñapaꞌ all kellkëññañetañ Yompor poꞌñoñ amaꞌt ñeñthpaꞌxhoꞌña allokaꞌyeña wankatoꞌtenet. Tharraña ñeñthpaꞌ eꞌñe añekpa ateth penet atthoch acheñeneshaꞌpaꞌ eꞌñech kowen entenanet. Tharraña ñeñthpaꞌ eꞌñe orrena ateth penet ñeñth attho ommoꞌchenet. Ñamha ñetpaꞌ añeꞌnakaꞌyeña allpochaꞌphtatenet ñeñth xheraꞌrrtenet paꞌshtamoeto paꞌrrpeꞌmoneth. Tharraña ñeñthpaꞌxhoꞌña eꞌñe añekpa ateth penet eꞌñe pommoꞌcheñothet.

San Lucas 18:22

Oꞌña ateth otwa Jesúsñapaꞌ alla otererr: —Eñallmeñkaꞌye patherr ñeñth pepalltena ñeñth ama attheyeꞌ pepenaꞌ. Theꞌpaꞌ añchaꞌña ateth pepha oꞌch eꞌñe pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

San Lucas 18:28

Pedroñapaꞌ ateth och: —Partseshachaꞌ poꞌñoxh yapaꞌ oꞌ eꞌñe yeswanom ora allowen amaꞌt yepakllowen atthoch eꞌñe yoktherreph.

San Lucas 19:8

Zaqueoñapaꞌ allentha thomwerrpaꞌ ateth otapan Partseshaꞌ: —Theꞌpaꞌ oꞌch peꞌmhñotosen, Ayochreshathe. Ñeñth ora allpon nechyen, theꞌñapaꞌ oꞌch napaꞌyer poeshmet wokchañneshaxhno. Poꞌñoxh allempo es neprratampesyeseꞌth poesheñaꞌtetspaꞌ theꞌñapaꞌ paꞌtatsocheꞌtatschaꞌ napoerranet.

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 13:37

Pedroñapaꞌ ateth otererr: —Partseshachaꞌ, ¿esoꞌmareꞌtchaꞌña ama thayekma noktherrpe? Napaꞌ eꞌñe pokteꞌ nenteñ yerromoepaꞌ eꞌñe parro.

San Juan 15:13

Añmapaꞌ ñeñthña eꞌñe poꞌñoxh morrenteñets, oꞌch yaꞌrroya yañeña oꞌch yerroma añekop ñeñth atarr yemorrentyena.

San Juan 6:63

Yekamkëñ alloña eꞌñe poꞌñoxh yokrrena. Yechetspaꞌ amaꞌt koñeꞌthapaꞌ ama sherbeno. Neñoñ ñeñth neserrpareꞌtatenespaꞌ eꞌñe poꞌñoxh sekamkëñekop ñeñthña poꞌñoxh alloch eꞌñe sokrra.

Los Hechos 21:13

Allempoña Pablopaꞌ otanet: —Esoꞌmareꞌtña nanak seyawena, theꞌpaꞌ oꞌch sellkaten. Napaꞌ eꞌñe pokteꞌ nenteñ wankaꞌnetepaꞌ. Ñamha eꞌñe pokteꞌ nenteñ nerromoepaꞌ Jerusaléño, atthoch nerroma eꞌñe neserrpareꞌteñoth Yepartseshar Jesús poꞌñoñ.

Gálatas 5:26

Amachña xha yommoꞌchweno, ñamha amach xha es yotnareꞌtannaꞌtyeno, ñamha amach xha yeyeꞌchapretanneno.

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.

1 Timoteo 4:8

Ñamha añchaꞌña oꞌch pemaꞌyoxhra atthoch womenk pephaꞌ peyoxher Yomporekop. Ateth pena poꞌpotantañ acheñeneshaꞌ maꞌyoxhraya atthoch womenktatet eꞌñe ñañeñeta poꞌchets, amaꞌt ñeñthpaꞌ ama tama es sherbeno. Tharraña phapaꞌ añchaꞌña pemaꞌyoxhra atthoch womenk pephaꞌ peyoxher Yomporekop, tharroꞌmar ñeñthpaꞌ ello nanak sherben atthoch yokrra kowen añe patsro, ñamha sherben atthoch ello yokrraꞌwerra kowen esempowañen.

Hebreos 13:9

Ñeñthoꞌmarña amach seyemtatstoña ñeñth poꞌpoñexhno yexhateñets ñeñth ama attheyeꞌ ayxhataretheso awañmoꞌchotheñ. Tharroꞌmar añña poktetsa oꞌch womenk yephaꞌ yeyoxher eꞌñe Yompor poemorrenteñothey attho atarr yenpoeney eꞌñe attha. Ama añotheyeꞌ womenk yepenoña yeyoxher attho es yerraꞌyen amapaꞌ attho es yethoreꞌtyena. Tharroꞌmar ñeñth kotheneꞌ añ yexhateñets rreñtsokpaꞌna, ñeñth yexhateñtsorpaꞌ ama yenpoenaneto atthoch womenk phaꞌnmoet poeyoxher Yomporekop.