1 Corintios 1:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^4-5 Theꞌpaꞌ oꞌch notas, napaꞌ xhokma neparasyosoꞌteñ Yompor sokop tharroꞌmar ña poemoereñothpaꞌ atarr bensareꞌtampenes. Eꞌñe separrokmateñoth Cristo Jesúspaꞌ oꞌ eñotaterres paꞌnamen koxhneshaꞌ kothaphñats seyoxhro. Ñeñthoꞌmar theꞌpaꞌ amaꞌt ora allpon señosyen eꞌñe ñeshothpaꞌ eꞌñech kowenareꞌ señosyen. Ñamha amaꞌt allowen kowen kothaphñatspaꞌ oꞌ señotwer.

1 Corintios 1:4 Iomraidhean Croise

San Mateo 19:11

Ñañapaꞌ ateth otanet: —Tharraña atethpaꞌxhoꞌña eꞌñekaꞌye pokteñ tharraña ama allowenakmayeꞌ xhennasoña seyoxhro ateth tharroꞌmar ama allowenakmayeꞌ seyxhenoña ateth. Ñeñthpaꞌ aña eñoteneꞌ ñeñth ateth kothapeꞌchaten Yompor.

San Juan 10:30

Napaꞌ eꞌñe parro atthekman epan ña.

San Juan 14:14

Ñerraꞌm es senamoen eꞌñe nesoꞌchño eꞌñe seyemteñothen na, napaꞌ eꞌñech ateth nepennas.

San Juan 14:16

Napaꞌ nenamonaschaꞌ Apa ñapaꞌ apaschaꞌ poꞌpsheñeñ ñeñthchaꞌ sokthapeꞌchaterreꞌ ñeñthchaꞌña sechorrerraya errponañowen.

San Juan 14:26

Tharraña Parets Poekamkëñ ñeñthchaꞌ sokthapeꞌchaterreꞌ, Apapaꞌ moeñerrnaschaꞌ eꞌñe na nesoꞌchño eꞌñe seyemteñothen na. Ñapaꞌ ñeñthchaꞌ señotaterreꞌña seyoxhro ora allowen ñeñth xhokma neyxhatenes theꞌ. Ñamha ñeñthchaꞌ seyerpaterraya allowen ñeñth ateth notyesaseꞌth.

San Juan 15:26

‘Ñeñthchaꞌ sokthapeꞌchaterreꞌ eꞌñe kowen seyoxhro ñeñthchaꞌ nemñowerrnas Apoeshoth. Ñeñthpaꞌ ñeñthña Apa Poekamkëñ ñeñthchaꞌña señotaterreꞌña ñeñth eꞌñe poꞌñoxh Yompor pokthaphña tharroꞌmar ñeñthpaꞌ Apoeshoth wena. Ñerraꞌm esempoch xhaponasa ñachña naꞌpothoseꞌ.

Los Hechos 11:23

Allempo xhap Bernabé allpaꞌ entosan poꞌñoxh oꞌ orrta Yompor poemoereña all. Ñeñthoꞌmarña nanak koshosa. Oꞌ kothapeꞌchatosanet, ateth otanet: —Amach sekexhpatstere Yompor poꞌñoñ. Womenkchaꞌ sephaꞌ seyoxher.

Los Hechos 21:20

Ñeñtha eꞌmwetpaꞌ nanak ayeꞌchoxhtatoñet Yompor. Tharraña allempoñapaꞌ ateth ochet: —Tharraña masheñe, awoꞌt peñoch theꞌpaꞌ shonteꞌ mil judioneshaꞌ oꞌ ameꞌñenet ñamet. Ñetpaꞌ eꞌñe womenko otenet añ palltetsa alloweney ñeñthey judioneshay oꞌch yephowa ateth otyeꞌth Moisés.

Romanos 1:8

Ñewa, eꞌñe ñanompaꞌ añchaꞌ notas, eꞌñe neyemteñoth Jesucristopaꞌ xhokma neparasyosoꞌteñ Yompor allowenakpas, tharroꞌmar ora allemeñ anetsoꞌmarpaꞌ xhokma serrpareꞌtyenet attho sapaꞌ awoꞌ eꞌñe kowen sameꞌñena.

Romanos 6:17

Ñamha sapaꞌ awathpaꞌ aña setarwasatayeꞌth soꞌchñar, tharraña theꞌñapaꞌ eꞌñe seyoxhrokmañen oꞌ sameꞌñera ora ñeñth ateth pena Yompor paꞌpotheñ ñeñthara ñeñth serrpareꞌtataseteꞌth. Ñeñthoꞌmarña theꞌpaꞌ napaꞌ atarr nokshena, atarr neparasyosoꞌteñ Yompor sokop.

1 Corintios 1:3

Theꞌña eꞌñe newomhchaꞌteñothespaꞌ oꞌch notas: Yomporepaꞌchña sebensareꞌtampeneꞌ ñeñthara Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes.

1 Timoteo 1:14

Tharraña Yomporpaꞌ ama koñeꞌtha morrenterrno, ñeñthoꞌmarña ameꞌñataterrna atthothña theꞌpaꞌ eꞌñe neyemteñoth ñapaꞌ nemorrentera allowen acheñeneshaꞌ.