Tito 1:3 - Nuevo Testamento Tzeltal de Amatenango

³ Y te ora to, te la staix stiempoale, la yaꞌbotikix jnaꞌtik te skꞌoplal te tutꞌil ay ta alel, te jaꞌ la yaꞌbon kal ta skuenta smantal Dios te jkoltawanej kuꞌuntike.

Bible in Tzeltal Bachajón

³ soc ta mero yorahil yu'un la yac' chicnajuc te bin la yal, ha la spas ta scuenta yalel te sc'op Dios te a'boton ta scuenta smandar te Cajwaltic Dios.

Bible in Tzeltal de Oxchuc y Tenejapa

³ Ta ora to, te bit'il la staix yorail yu'une, jich la yaq'uix ta na'el te bila yaloj ta swenta te c'op ac'boton ta jwenta xcholele. Jich quich'oj mandal yu'un te Diose te Jcoltaywanej cu'untique.

Tito 1:3 Iomraidhean Croise

San Marcos 1:15

La yal: —Skꞌaalelix te ya xlijkix ta pasaw ta mantal te Diose. Jaꞌ yuꞌun sujtesa me awoꞌtanik yuꞌun te amulike. Chꞌuunaik sok awoꞌtanik te lekil kꞌope —xchi te Jesuse.

San Marcos 13:10

Ma to me xtal te slajibal kꞌaale, puersa nail me ya yichꞌ alel te skꞌoplal kolele ta skuenta spisil ta tsojb genteetik ta spꞌejel balmilal.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

San Lucas 1:47

Ben jun koꞌtan ta stojol te Dios te jkoltawane kuꞌune. Porke Dios teꞌe sit a te ba ayone, manchuk me chꞌin ayon te yabatone.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 17:26

“Ta skuenta nax jtul winik, Dios a xchiknates spisil ta jkaj genteetik yuꞌun ya xkuxuyin ta spisil balmilal. Ta slijkibal to tal te tiempoe chapalix yuꞌun te skajal-skaj te yorailike sok te tutꞌil kuxul te jujun luware,

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

Romanos 16:26

Pero te ora to la yakꞌix ta naꞌel te tut stsꞌibayej jilel te jꞌalwanejetike, jich tutꞌil te smantal Dios te sbajtel kꞌinal aye. Te tut snopoj ta yoꞌtan te Diose la yakꞌix ta naꞌel ta spisil te nasionetike. Yuꞌun jich me ya xchꞌuunik sok ya yakꞌik ta kuenta te Jesucristoe.

Romanos 5:6

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

1 Corintios 9:17

Jaꞌ yuꞌun, teme jaꞌ nax ya jpas te tut ya skꞌan koꞌtane, ya xjuꞌ ya jkꞌan jtojol a te jichuke. Pero te tutꞌil albilon mantal te jich ya skꞌan jpase, junuk me koꞌtan ya jpas te tut ya yalbon te Diose.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

Efesios 1:10

Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

Efesios 2:17

Te Cristoe yichꞌoj tal lekil achꞌ kꞌop yuꞌun bujtsꞌan kꞌinal ta spisil, jaꞌ te jaꞌexe te jakal ayex ta stojol Dios sok te machꞌatik tijajtik aye.

Filipenses 1:13

Ta spisil te soltaroetik yuꞌun te palasioe y sok ta spisil te yanetik gentee snaꞌojik te ayon ta prexo yuꞌun te jchꞌuunej te Cristoe.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

1 Tesalonicenses 2:4

Dios lek a yilotik y la yaꞌbotik ta jkuentatik ta yalel te skꞌoplal kolele, jich tutꞌil te ya kaltike. Ma jaꞌuk ya jkꞌantik te lek ya yilotik te gentee; jaꞌ ya jkꞌantik te lek ya yilotik te Diose te jaꞌ ya snaꞌbotik tutꞌil ay te koꞌtantike.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

1 Timoteo 1:11

Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

1 Timoteo 2:3

Jaꞌ to jaꞌ lek ya yil te Dios te jKoltawanej kuꞌuntike.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

Tito 2:10

Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Apocalipsis 14:16

Te machꞌa nakal ta tokale la yotses te smam luk ta balmilal y la stsob te kosecha te ay ta balmilale.