San Lucas 9:16 - Nuevo Testamento Tzeltal de Amatenango

¹⁶ La xeꞌtalan, sok la yaꞌbe te jnopojeletike, y ba spukbeyik te genteetike.

Bible in Tzeltal Bachajón

¹⁶ Te Jesús la stsac te ho'pehch pan soc te cha'coht chay, la shach mohel sit ta ch'ulchan, la yalbe wocol Dios yu'un, la xet'ticlan soc la yac'ticlambe te jnopojeletic yu'un, scuenta yu'un ya spucticlambe te ants-winiquetique.

Bible in Tzeltal de Oxchuc y Tenejapa

¹⁶ soc la xet' te waje. La yac'bey ta sc'ab te jnopojeletique, ja'ic la spucbeyic te ants-winiquetic.

San Lucas 9:16 Iomraidhean Croise

San Mateo 14:19

Y la yaltalanbe te genteetike te ya snajkꞌan sbaik ta stenlejaltike. La stsak ta skꞌab te joꞌpejch waje sok te chaꞌkojt chaye, la skꞌelu moel te chꞌulchane, la yalbe kola yal Dios yuꞌun y la xeꞌtalan te waje. La yaꞌbe ta skꞌab te jnopojeletik yuꞌune y ba spuktalanbe te genteetike.

San Mateo 15:36

La stsak ta skꞌab te jukpejch waje sok te chayetike, la yalbe kola yal Dios yuꞌun. La xeꞌtalan, la yaꞌbe te jnopojeletik yuꞌune y ba spukbeyik te genteetike.

San Marcos 7:34

Yo la skꞌeluy ta chꞌulchan te Jesuse sok la sjikꞌ yoꞌtan. Jich a yal: —Efata —xchi. Jaꞌ bi, “Jamuk”, xchi kꞌoem.

San Lucas 22:19

Patil la stsak ta skꞌab te waje. La yalbe kola yal Dios yuꞌun. La xetꞌ y la yaꞌbe te jnopojeletike. Jich a yal: —Jaꞌ to jaꞌ jtiꞌbalul te ya kakꞌ entregal ta milel ta akuentaike. Pasulanaik me yuꞌun jnaꞌojibal awuꞌunik —xchi.

San Lucas 24:30

Te kꞌalal ayikix ta mexa ae la stsak ta skꞌab te waje y la yalbe kola yal Dios yuꞌun. La xetꞌ y la yaꞌbe.

San Lucas 9:15

Jich a spasik te jnopojeletike te tuti altalanbot baele. Jich a snajkan sbaik ta spisil te genteetike. Te Jesuse la stsak ta skab te joꞌpejch waje sok te chaꞌkojt chaye y la skꞌelu moel te chꞌulchane y la yalbe kola yal Dios yuꞌun.

San Lucas 9:17

Spisil a weꞌik asta noj te xchꞌujtike. Y ay to xan a jil lajchayeb moch te sobrae.

San Juan 6:11

Te Jesuse la yichꞌ ta skꞌab te waje, sok la yalbe kola yal Dios yuꞌun. Patil la yaꞌbe te jnopojeletik yuꞌune, y la spukbeyik te machꞌatik te nakajtik ae. Y jich mismo spas sok te chaye, la yaꞌbe spisil te machꞌatik la skꞌanike.

San Juan 6:23

Pero jtsꞌin to nax a ay yan barkoetik a laj kꞌot te lijk tal ta jtejklum Tiberiase. Teꞌ laj kꞌot te ba luwar te nopol nax ay a ba la sweꞌik waj te la yalbe kola yal Dios yuꞌun te Kajwaltike.

Hechos 27:35

Te kꞌalal jicha yal te jPabloe, la stsak ta skꞌab te waje y la yalbe kolayal Dios yuꞌun ta sit spisilik. La xetꞌ te waje y lijk sweꞌ.

Romanos 14:6

Te machꞌa ya skanantay te jun kꞌaale yuꞌun ya yakꞌ ta jkuenta a te Kajwaltike. Jaꞌ yuꞌun ya skanantay. Te machꞌa makꞌ skanantaye, yuꞌun jich ya yakꞌ ta jkuenta a te Kajwaltike. Y machꞌa ya sweꞌ ta spisile, yuꞌun ya yakꞌ ta jkuenta a te Kajwaltike. Ya sweꞌ y ya yalbe kola yal Dios yuꞌun. Yan te machꞌa ma sweꞌ ta spisile, yuꞌun ya yakꞌ ta jkuenta a te Kajwaltike te ma sweꞌe, sok ya yalbe kola yal Dios yuꞌun.

1 Corintios 10:30

Teme ya kalbe kola yal Dios yuꞌun te tut ya jweꞌe, ¿tuꞌun te ya awalbikon te ma lekuk te ya jweꞌe?” teme xchie.

1 Corintios 11:24

Y teꞌ nax a la yalbe kola yal Dios yuꞌun, la xetꞌ, y la yal: “Awilik, weꞌaik. Jaꞌto jaꞌ jtiꞌbalul te ya xꞌakꞌot ta milel yuꞌun a lekilik a te jaꞌexe. Jich me pasulanaik sil tiempo yuꞌun teꞌ me ya anaikon a”, xchi.