San Lucas 8:3 - Nuevo Testamento Tzeltal de Amatenango

³ Sok te xJuanae te jaꞌ smamlal te jChuzae te jaꞌ yaj-kanan te jHerodese, sok te Susanae, sok ay to xan yan bayal antstik. Te tutik ay yuꞌun te antstike la yaꞌbeyik te Jesuse sok te apostoletike.

Bible in Tzeltal Bachajón

³ soc te Juana te yihnam Chuza te scuentahimbeyej sna Herodes, soc te Susana, soc tsobol yantic antsetic te la scoltayic te Jesús yu'un te bintic ay yu'unique.

Bible in Tzeltal de Oxchuc y Tenejapa

³ soc te Juana te ja' smamlal te Chuza te mayordomo yu'un te Herodese, soc te Susana, soc tsobol yantic antsetic. Te bila ay yu'unic te antsetique, la yac'beyic te bila tuun yu'un te Jesús soc te jpuc-c'opetic yu'une.

San Lucas 8:3 Iomraidhean Croise

San Mateo 14:1

Jich mismo tiempo a te Herodese te gobierno yuꞌun Galilea la yaꞌibe sluwaril skꞌoplal te Jesuse,

San Mateo 14:3

Jich a yal, yuꞌun ayix kꞌaal te la stikon ta tsakel te Juane sok la yakꞌ ta chukel te prexo ta skaj te xHerodias, te yinam Felipe te jaꞌ yijtsꞌine.

San Mateo 14:6

Te kꞌalal la sta skꞌaalel te lokꞌ ta jaꞌbil te Herodese, la spas kꞌin. Te yantsil-al te xHerodiase tal ajkꞌotajuk ta sit te machꞌatik majanlanbil yuꞌune. Te Herodese bayal a skꞌupin te tutꞌil a ajkꞌotaj te achꞌixe.

San Mateo 2:11

Jich a ochik tsꞌin te ba nae, y la yilik te alale sok te smeꞌe, jaꞌ te xMariae. La skꞌejan sbaik ta stojol, y la sjeꞌ te stutik yuꞌunike. La yaꞌbeyik smajtan: oro sok pom y sok mirra.

San Mateo 20:8

“Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 26:11

Te meꞌbaetike sil tiempo ajoyinejik stukele; yan te joꞌone ma siluk tiempo ajoyinejikon.

San Mateo 27:55

Ay bayal antstik te jakal to ayik ta skꞌeluyele. Jaꞌ te machꞌatik a stsꞌakliyik te Jesuse kꞌalal ta Galilea te la yakꞌ sbaik ta abatinel yuꞌune.

San Lucas 24:10

Te antstik te machꞌa ba yalbeyik te apostoletike jaꞌ te xMaria Magdalenae, sok te xJuanae, sok te xMaria te smeꞌ te Jacoboe, y sok te yan xan antstike.

San Juan 12:6

Pero te Judase ma jichuk xyal yuꞌun yajtaluk yoꞌtan te meꞌbaꞌetike, yuꞌun jaꞌ ay ta yoꞌtan te elekꞌe. Stukel jtesorero, sok kꞌayem ta yelkꞌanel te takꞌin ya stsobike.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

Filipenses 4:22

Sok la stikonbeyex spajtil awoꞌtanik ta spisil te machꞌatik jtejklum yuꞌun te Diose. Jaꞌ bayal ya spatbeyex awoꞌtanik te machꞌatik jꞌaꞌteletik yuꞌun te César ta Romae.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.