San Lucas 8:25 - Nuevo Testamento Tzeltal de Amatenango

²⁵ Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.

Bible in Tzeltal Bachajón

²⁵ ¿Banti ay te sch'uhunel awo'tanic? xchi te Jesuse. Xiwic soc xcham yo'tanic yu'un, talel c'axel hahch yalbe sbahic: ¿Mach'a a ini te ya spas ta mandar te ic' soc te ha', soc te ya xch'uhumbot smandar yu'une? xchihic.

Bible in Tzeltal de Oxchuc y Tenejapa

²⁵ Te Jesús la yalbey te jnopojeletique: —¿Bi la apasic te ma'yuc xch'uunjel awo'tanique? —la yut. Toj bael xch'ulelic yu'un soc xiw yo'tanic yu'un. Caj sjojc'obey sbaic: —¿Mach'a junuc a in to te ya xju' yu'un spasel ta mandal te iq'ue soc te mare soc te ya xch'uunbot smandal yu'une? —xiic.

San Lucas 8:25 Iomraidhean Croise

San Mateo 14:31

Te Jesuse tsꞌin a stsakbe skꞌab ta ora, jicha yalbe: —Maꞌyuk lek xchꞌuunel awoꞌtan ya kil. ¿Tuꞌun te ya xꞌaꞌabiyan awoꞌtane? —xchi.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Mateo 6:30

Jich teme Dios la yakꞌ te ben tsaꞌam te nichimetik ta witse te jun nax kꞌaal kuxule y pajel ya yichꞌix chikꞌel a, ¿me yuꞌun wan ma jichuk ya skꞌuꞌultesex te jaꞌexe? ¿Tuꞌun te ma xchꞌuun awoꞌtanike?

San Mateo 8:10

Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

San Marcos 4:35

Ta yochel ajkꞌubal ja mismo kꞌaal, Jesus la yalbe te jnopojeletik yuꞌune: —Konik ta jechjaꞌ —xchi.

San Lucas 12:28

Yuꞌun teme Dios a yakꞌ te ben tsaꞌam te xnichimul te witse y ta pajel chijkꞌix ta yawil kꞌajkꞌ a, ¿me yuꞌun wan ma jichuk ya skꞌuꞌultesex te jaꞌexe? Genteex te ma xchꞌuun awoꞌtanike.

San Lucas 8:24

Jicha ba stijik jajchel te Jesuse, y la yalbeyik: —¡Maestro, Maestro! ¡Ya skꞌan smulotik jaꞌ! —xyutik. Te Jesus jajch, y la skom te ikꞌe sok te spuersa jaꞌe. Jicha kom spisil y ben lek senel a laj jil.

San Lucas 8:26

Jicha laj lokꞌ kꞌoel ta slum Gadara te ay ta jejch mar te jun nax yiloj sba sok te Galileae.

San Juan 11:40

Te Jesuse la sjakꞌbe: —¿Meꞌn maꞌ kalbeyat teme ya xchꞌuun awoꞌtane ya me awilbe slekil te Diose? —xchi.