San Lucas 7:8 - Nuevo Testamento Tzeltal de Amatenango

⁸ Porke te statal soltaroe jaꞌ nax ay ta xchꞌuunel mantal ta stojol te machꞌa statal yuꞌune, sok ay laj ta skuenta spasel ta mantal te soltaroetike. Te kꞌalal jich ya yalbe te jtule: “Baan”, teme ya yute, tsꞌin ya xbajt. Teme “Laꞌ” ya yut te yane, ya xtal. Y te kꞌalal ya stikon ta mantal te yaj-aꞌtele, teme ay tut ya xba yaꞌbe spase, ya spas. Jich a stikonotik tal ta kaltik ta atojol —xchiik.

Bible in Tzeltal Bachajón

⁸ Como ha nix hichon, pasbilon ta mandar yu'un mach'atic toyol ya'telic, soc ay soldadohetic te ya jpas ta mandar; ya calbe te jtuhle: Bahan, hich ya xbaht; ya calbe te yane: La', hich ya xtal; soc ya calbe te ca'bat: Pasa ini, hich ya spas, xchi.

Bible in Tzeltal de Oxchuc y Tenejapa

⁸ Melel te jo'one, ja' nax ayon ta xch'uunel mandal ta stojol te mach'a cajal yat'el cu'une. Soc ay ta jwenta spasel ta mandal te soldadoetic cu'une. Teme jich ya calbey te jtule: ‘Baan’, ya cut, jich ya xbajt'. ‘La'’, ya cut te yane, jich ya xtal. Ja' nanix jich teme ay bi ya cac'bey spas te abat cu'une, jich ya spasbon.” Jich la sticunotic tel ta yalel ta atojol —xiic.

San Lucas 7:8 Iomraidhean Croise

San Lucas 7:7

Jaꞌ yuꞌun ma la skan stoy sba te tal sleat stukele. Pero tey laj a teme ya awal mantal te ya xkol te yaj-aꞌtele.

San Lucas 7:9

Te kꞌalal la yaꞌi te Jesuse, aꞌabiyan yoꞌtan yuꞌun. La skꞌelube sit te machꞌatik tsꞌaklibil yuꞌune, jich a yal: —Jamal ya kalbeyex, ni jtuluk jtaoj ta Israel te jich xchꞌuunej yoꞌtan te spisil ya xjuꞌ ta pasel kuꞌune, jich tutꞌil te winik to —xchi te Jesuse.

Hechos 23:17

Te jPabloe la yikꞌ tal te jtul statal jtijk soltaroe y la yalbe: —Ikꞌa bael te kerem to ta stojol te statal soltaro te ay tulan yaꞌtele, yuꞌun ay tut ya yal —xchi.

Hechos 23:23

Te statal soltaro te ay tulan yaꞌtele la yikꞌ tal chaꞌtul te stataletik yuꞌun te juju-tijkꞌ soltaroe, y la yakꞌ mantal te ya xba xchap dosiento ta jtul soltaroetik te ya xbeen ta yokike, y setenta ta jtul te moemik ta kawu, y dosiento ta jtul te yichꞌoj slansaike, yuꞌun ya xlaj bajt ta jtejklum Cesarea ta las noebe ajkꞌubal.

Hechos 23:26

“Te jaꞌat gobernador Felix, te lek kakꞌojtikat ta jkuentae, xkoltanukat yuꞌun te joꞌon te jClaudio Lisiaone.

Hechos 23:31

Te soltaroetike jich la spasik te tutꞌil altalanbile. Ta ajkꞌubal a yikꞌik bael ta jtejklum Antipatris te jPabloe.

Hechos 24:23

Te Felixe la yalbe mantal te statal jtijk soltaroe te sigue ya xba yakꞌik ta prexo te jPabloe. Pero ma jmeluk ya xchukik, sok ay permiso yuꞌunik te ya xba ilek yuꞌun te sjoꞌtake.

Hechos 25:26

Pero ma xwejt tut ya jtsꞌibabe bael te kajwal Cesare. Jaꞌ yuꞌun la kikꞌix tal lokꞌel ta atojolik y sok ta atojol, jaꞌat rey Agripa, yuꞌun ta patil teme la ajojkꞌobeyike, jich me ya xwejt te tut ya jtsꞌibabe bael te Cesare.

Colosenses 3:22

Mosoiletik, chꞌuunbeyaik ta spisil smantal te machꞌatik awajwalik liꞌ ba balmilale. Ma jaꞌuk nax te kꞌalal ya yilex te lek ya xꞌaꞌtejex ta stojole, sino ke junuk awoꞌtanik ta stojol. Xiꞌaik me te Diose.