San Lucas 7:29 - Nuevo Testamento Tzeltal de Amatenango

²⁹ Spisil te genteetike te la yaꞌibeyik skꞌop te Juane, sok te jkꞌan-tojemaletik yuꞌun te Roma te akꞌtalanbot yichꞌik jaꞌ yuꞌun te Juane, la yalik te tutꞌil lek yaꞌtel stukel te Diose.

Bible in Tzeltal Bachajón

²⁹ C'alal hich la ya'iyic spisil te pueblo, soc te jc'an-patanetic, la yalic te bin ut'il lec ya'tel te Diose, como yac'ojix sbahic ta ich'-ha' yu'un te Juan.

Bible in Tzeltal de Oxchuc y Tenejapa

²⁹ Te c'alal la yaiyic stojol te ants-winiquetic soc te jc'an-patanetic te ac'bot yich'ic ja' yu'un te Juane, la yalic te bit'il lec yat'el stuquel te Diose.

San Lucas 7:29 Iomraidhean Croise

San Lucas 3:12

Ay a tal skꞌanik ichꞌjaꞌ euk te jkꞌan-tojemaletik yuꞌun Romae. La sjojkꞌobeyik te Juane: —Maestro, ¿Tut ya skꞌan ya jpastik euk te joꞌtike? —xchiik.

San Lucas 7:35

Pero te tutꞌil ay spꞌijil te Diose jaꞌ ya xchiknaj ta skuenta te tut yilel te alnichꞌanetik yuꞌune —xchi te Jesuse.

Apocalipsis 16:5

Te nax a la kaꞌiy te jich la yal te ángel yuꞌun te jaꞌetike: —Te jaꞌate, Kajwal, te Chꞌul Diosat, te atalel ayat ta namey sok ta ora to, tojat te jich la awakꞌbeyix te kastigoe.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Romanos 10:3

Yuꞌun ma kꞌoemuk ta yoꞌtanik te tutꞌil Dios ya skoltay yuꞌun smul te winketike. Y jaꞌ yuꞌun jaꞌ ya sleik te skolelik ta skuenta nax te tut ya xjuꞌ ya spasike. Ma jaꞌuk ya yakꞌik ta jkuenta te tut yalojbe skꞌoplal te Diose.

Hechos 19:3

Te jPabloe la sjojkꞌolanbe: —¿Tut yuꞌun te ichꞌjaꞌ te la awichꞌik te? —xchi. Y la sjakꞌtalanik: —Jaꞌ skꞌoplal te tutꞌil a yakꞌ ichꞌjaꞌ te Juane —xchiik.

Hechos 18:25

Sok snaꞌojix tutꞌil ay ta chꞌuunel te Kajwaltike y ben jun yoꞌtan ya xkꞌopoj. Tsꞌakal ya yakꞌ ta nopel te tutꞌil ay skꞌoplal te Jesuse, aunke jip nax ya snaꞌbe sluwar a te tutꞌil ay te ichꞌjaꞌ te la yakꞌ te Juane.

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Lucas 7:28

Ya kalbeyex te maꞌyuk jtuluk jꞌalwanej chiknajem ta yolil genteetik te pajal yaꞌtel sok te Juan Akꞌichꞌjaꞌe. Pero te machꞌa chꞌin ay te ba ay ta ajwalil te Jtatik Diose, jaꞌ me mukꞌ ay yuꞌun te Juane —xchi te Jesuse.

San Lucas 20:6

Y ma spas ya kalbetik teme jaꞌ winketik a stikon tale, porke te genteetike ya me smilotik ta chꞌojel ta ton, yuꞌun spisilik jich xchꞌuunejik te jaꞌ jꞌalwanej yuꞌun Dios te Juane —xchiik ta yaꞌbiyanel.