San Lucas 7:2 - Nuevo Testamento Tzeltal de Amatenango

² Ay jtul statal soltaro yuꞌun Roma teꞌa te ay yaj-aꞌtel te ben kꞌux ta yoꞌtane. Ay ta chamel, y ya xchamix.

Bible in Tzeltal Bachajón

² Ay jtuhl capitán-soldado tey a, juch'ul ta chamel jtuhl ya'bat te bayel c'ux ta yo'tan.

Bible in Tzeltal de Oxchuc y Tenejapa

² Ay jtul centurión tey a te ay abat yu'un te buen c'ux ta yo'tane. Ay ta chamel, mero lajelix.

San Lucas 7:2 Iomraidhean Croise

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Lucas 23:47

Te kꞌalal la yil te tuti kꞌot ta pasel, te statal soltaroe ben tsaꞌam skꞌoplal a yalbe te Diose. Jich a yal: —Batsꞌi jich a nix a te winik to maꞌyuk smul —xchi.

San Lucas 7:1

Te kꞌalal laj yoꞌtan ta skꞌoponel te genteetike, bajt ta jtejklum Capernaum te Jesuse.

San Lucas 7:3

Te kꞌalal la yaꞌibe skꞌoplal te Jesus te statal soltaroe, jich a stikon bael cheꞌoxeb moletik yuꞌun te juriyoetik ba skambeyik pawor te Jesuse te yauk xtal slekutesbe xchamel te yaj-aꞌtele.

San Lucas 8:42

yuꞌun ya xchamix te úniko yantsil-nichꞌane te ayix wan lajchayeb jaꞌbil yaꞌbilale. Te kꞌalal yipal kꞌael ta beel a te Jesuse, stenten sbaik kꞌael ta spat te genteetike.

Hechos 10:1

Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike.

Hechos 10:7

Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe.

Hechos 22:26

Te kꞌalal jich yaꞌi te statal jtijk soltaroe, bajt y ba yalbe te statal soltaroe. Jich a yal: —¿Tut ya skꞌan ya apas? Te winik to, jromano —xchi.

Hechos 23:17

Te jPabloe la yikꞌ tal te jtul statal jtijk soltaroe y la yalbe: —Ikꞌa bael te kerem to ta stojol te statal soltaro te ay tulan yaꞌtele, yuꞌun ay tut ya yal —xchi.

Hechos 27:1

Te kꞌalal nojp yuꞌunik te ya stikonotik bael ta estado yuꞌun Italiae, te jPablo sok te yan jchukeletike akꞌot bael entregal ta skꞌab jtul statal soltaro te Julio sbiile te ay ta aꞌtel ta skuenta jtijkꞌ soltaroetik yuꞌun te César Augustoe.

Hechos 27:3

Ta xchebal kꞌaal kꞌootik ta jtejklum Sidon te ba ya xꞌolan barkoe. Te jPabloe teꞌ kꞌuxutayot yuꞌun a te statal soltaro Julioe, yuꞌun akꞌot bael ta yulutayel te yamigotak te teꞌelan ae yuꞌun jich me ya sta tal tut ya sweꞌ chꞌinuk a.

Hechos 27:43

Pero te statal yuꞌun te soltaroetike kꞌan skoltay te jPabloe, jich maꞌ yakꞌ te jich ya spasike. Sinoke la yal mantal te machꞌa ya snaꞌba jaꞌe aꞌ xchꞌoj sba ochel nailuk ta jaꞌ yuꞌun nail ya xlokꞌ kꞌoel a ba luware.

Colosenses 3:22

Mosoiletik, chꞌuunbeyaik ta spisil smantal te machꞌatik awajwalik liꞌ ba balmilale. Ma jaꞌuk nax te kꞌalal ya yilex te lek ya xꞌaꞌtejex ta stojole, sino ke junuk awoꞌtanik ta stojol. Xiꞌaik me te Diose.