San Lucas 3:11 - Nuevo Testamento Tzeltal de Amatenango

¹¹ La sjakꞌ te Juane: —Te machꞌa ay chaꞌlijk skꞌuꞌ-spakꞌe aꞌ yaꞌbe jlijkuk te machꞌa ni maꞌyuk yuꞌune. Jich euk te machꞌa ay tut ya sweꞌe ya skꞌan ya yaꞌbe te machꞌa maꞌyuk yuꞌune —xchi.

Bible in Tzeltal Bachajón

¹¹ La sjac' te Juan: Te mach'a ay cha'pahc snahtil-c'u', a'beya jpahcuc te mach'a mayuc yu'une, soc te mach'a ay swe'el ha nix hich ac'a spas, xchi.

Bible in Tzeltal de Oxchuc y Tenejapa

¹¹ La yal te Juane: —Te mach'a ay cha'lijc' sc'u' ya sc'an ya yac'bey lijc'uc te mach'a ma'yuc sc'u'e. Ja' nanix jich te mach'a ay swe'ele, ya sc'an ya yac'bey uuc te mach'a ma'yuc swe'ele —xi'.

San Lucas 3:11 Iomraidhean Croise

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Lucas 11:41

Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

San Juan 13:29

Yuꞌun te Judas jaꞌ skanantayej te yawil stakꞌinike, jaꞌ yuꞌun la skuyik te ay tut ya yakꞌ xan tal ta manel te Jesuse yuꞌun te kꞌine, o yuꞌun ay tut ya yaꞌbeyik xan chꞌinuk te meꞌbaꞌetike.

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

Hechos 10:31

La yalbon: “jCornelio, Dios a yaꞌibeyatix te akꞌope, y la snaꞌix te tut la apas te la akꞌeben atakꞌin yuꞌun la akoltay a te meꞌbaetike.

Hechos 10:4

Te jCornelioe la sle ta kꞌeluyel te ángele y sok xiꞌel la sjojkꞌobe: —¿Tut a Kajwal? —xchi te jCornelio. Albot yuꞌun te ángele: —Dios a yaꞌibeyatix te akꞌope sok la yilix te ya akꞌebenbe atakꞌin yuꞌun ya akoltay a te meꞌbaetike.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

Santiago 2:14

Kermanotak, ¿Tut ya xlokꞌ awuꞌunik a teme ay machꞌa ya yal te ay xchꞌuunel yoꞌtane, teme ma xchiknaj a ta skuenta te tut ya spase? ¿Me xjuꞌ wan ya xkol teme jich a te xchꞌuunel yoꞌtane?

1 Juan 3:17

Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.