San Lucas 21:8 - Nuevo Testamento Tzeltal de Amatenango

⁸ Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

Bible in Tzeltal Bachajón

⁸ Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

Bible in Tzeltal de Oxchuc y Tenejapa

⁸ La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

San Lucas 21:8 Iomraidhean Croise

San Mateo 24:11

Sok ya me xchiknaj bayal jlot-alwanejetik y ya me sloꞌlay bayal genteetik.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

San Lucas 17:23

Ay me machꞌatik ya yalbeyex: “La, ilawil liꞌ ayix to”, o “Koꞌn kiltik lum ayix to”, ya me yutex. Pero ma me baanik, ni ma me tsꞌakliyik bael.

San Lucas 21:7

Jich a sjojkꞌobeyik: —Maestro, ¿Tut ora ya xkꞌot ta pasel te tut la awale? ¿Tut a te seña te ya xchiknaj te kꞌalal xnopetix ya xkꞌot ta pasel ae? —xchiik.

San Lucas 21:9

Teme ya awaꞌibeyik skꞌoplal te guerra sok te lijkemix kꞌope, ma me xiꞌanik yuꞌun. Yuꞌun puersa me nail ya xkꞌot ta pasel. Pero ma to me jaꞌuk a te slajibal kꞌaale —xchi te Jesuse.

San Juan 5:43

Te joꞌone talemon ta skuenta te jTate, pero te jaꞌexe maꞌ xꞌakꞌanikon. Yan teme ay machꞌa ya xtal ta skꞌanojel yoꞌtan naxe, jaꞌ akꞌanojik stukel.

San Juan 8:24

Jaꞌ yuꞌun la kalbeyex te akuchoj amulik ya xchamexe, porke teme ma xꞌachꞌuunik te batsꞌi ayon tutꞌil ya kale, akuchoj amulik ya xchamex —xchi.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

1 Corintios 6:9

¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

2 Tesalonicenses 2:3

Ma me awakꞌ abaik ta loꞌlayel. Yuꞌun puersa nail ya xkꞌot ta pasel te ay ipal jchꞌuunjeletik te ya xjajch skontrainik te Diose. Sok ya xchiknaj te mulawil winik te ya xbajt ta chꞌayele.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

2 Juan 1:7

Yipalik ta beel ta balmilal bayal jloꞌlawanejetik te ya yalik te ma la yichꞌ stiꞌbalul te Jesucristo jachik tutꞌil winik te batsꞌi jiche. Te machꞌa jich ya yale, jaꞌ jloꞌlawanej y skontrainej te Cristoe.

Apocalipsis 1:3

Ben tsaꞌam slekil te machꞌa ya yil te jun to, y ben tsaꞌam slekil te machꞌatik ya yaꞌiyik te tut yaloj te Diose, y te ya skꞌej ta yoꞌtanik te tut tsꞌibabil liye porke xnopetix tal te tiempoe.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.