San Lucas 2:51 - Nuevo Testamento Tzeltal de Amatenango

⁵¹ Jich te Jesuse la sjoyin sujtel ta Nazaret. Jun yoꞌtan a xchꞌuun mantal ta stojolik. Te smeꞌe la snaꞌulan ta yoꞌtan spisil te tuti kꞌot ta pasele.

Bible in Tzeltal Bachajón

⁵¹ Hich te Jesús la sjoquin suhtel ta Nazaret soc la yac' sba ta cuentahinel yu'unic. Te snan la sq'uej ta yo'tan spisil te bin c'ohtix ta pasel.

Bible in Tzeltal de Oxchuc y Tenejapa

⁵¹ Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Lucas 2:51 Iomraidhean Croise

San Mateo 12:46

Te Jesuse yipal to ta kꞌop ta stojol a te bayal genteetike te tal te smeꞌe sok te yijtsꞌinabe. Tekꞌatik jul ta amakꞌ, ya skꞌan ya skꞌoponik te Jesuse.

San Mateo 3:15

La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

San Marcos 1:9

La sta skꞌaalel te Jesus lokꞌ ta jtejklum Nazaret ta estado Galilea, y aꞌbot yichꞌ jaꞌ yuꞌun Juan ta ukꞌum Jordan.

San Marcos 6:3

Karpintero te winike, te yal te xMariae. Sok jaꞌ yitsꞌinab te Jacobe, te Josee, te Judase sok te Simone. Sok jaꞌ yitsꞌinab ekꞌa te achꞌixetike te liꞌ ayik ba koliltike, xchiik. Jich ma yakꞌik ta kuenta.

San Lucas 18:37

La yalbeyik te jaꞌ te Jesus Nazaret te yipal ta kꞌaxel teꞌ ae.

San Lucas 2:19

Yan te xMariae spisil a snaꞌulan ta yoꞌtan sok la snopilan te tut kꞌoem ta stojole.

San Lucas 2:39

Kalal juꞌ yuꞌunik spasel spisil te tut ya yal ta smantal te Kajwaltike, jich a sujtik bael ta Galilea te ba slumalik, jaꞌ te jtejklum Nazarete.

San Lucas 4:16

Te Jesuse bajt ta jtejklum Nazaret te ba chꞌie. Ta skꞌaalel kuxo-oꞌtan bajt ta sinagoga jich te tutꞌil kꞌayem ta spasele, y la stejkꞌan sba ta yilel te Sjun Diose.

San Lucas 4:23

Te Jesuse lijk yaltalanbe: —Jich me ya awalbikon ta puersa: “Te tutꞌil ya akuy aba ta jpoxtawaneje, poxtaya aba atukel”, xchaex me. “Te tut la apas ta Capernaum te la kaꞌitike, jich me xꞌapas euk liꞌ ba alumale”, ya me awutikon —xchi te Jesuse.

Efesios 5:21

Chꞌuunbeya aba amantalik ta juju-tul te tutꞌil axiꞌojik te Diose.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.