San Lucas 2:25 - Nuevo Testamento Tzeltal de Amatenango

²⁵ Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

Bible in Tzeltal Bachajón

²⁵ Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

Bible in Tzeltal de Oxchuc y Tenejapa

²⁵ Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

San Lucas 2:25 Iomraidhean Croise

San Marcos 15:43

Ay tul winik Jose sbiil te lijkem tal ta chꞌin jtejklum Arimatea te yichꞌoj yaꞌtel yuꞌun te lume, sok aꞌbil ta kuenta yuꞌune. Te Jose yipal ta smaliyel te ya xlijkix ta mantal te mukꞌ ajwalil te Diose. Jaꞌ ba skꞌopon te Pilatoe. Ma xiꞌ yuꞌun te ya skꞌanbe te stiꞌbalul te Jesuse.

San Lucas 1:41

Te kꞌalal patbot yoꞌtan te sꞌElisabete, la snik sba te xchꞌin-baale. Te sꞌElisabete noj ta yoꞌtan te Chꞌul Espiritue,

San Lucas 1:6

Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

San Lucas 1:67

Te Zacariase te stat te chꞌin alale, noj ta yoꞌtan te Chꞌul Espiritue. Lijk yalbey ta skuenta te Diose, jich a yal:

San Lucas 2:38

Te kꞌalal yipal ta kꞌop a te mam Simeone, tal euk te xꞌAnae. La yalbe kola yal Dios yuꞌun te alal Jesuse. Sok la yalbe skꞌoplal te alal ta stojol spisil te machꞌatik yipal ta smaliyel te tutꞌil ya xkol te Jerusalene.

San Lucas 23:51

pero ma yakꞌ sba a te tuti snopik te ya spasike. Jaꞌ yipal ta smaliyel te ya xꞌoch ta ajwalil te Diose.

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 2:5

Ben te ora a ay juriyoetik talemik ta Jerusalen te ben jun yoꞌtanik xchꞌuunejik te Diose te talemik ta yanetik luware.

Hechos 24:16

Jaꞌ sluwaril te sil tiempo kuidado ayon ta stojol te Diose y sok ta stojol te genteetike.

2 Pedro 1:21

Porke te jꞌalwanejetike maꞌyuk a yalik ta skꞌanojel nax yoꞌtanik. Sino ke jaꞌik winketik te kꞌopojik ta skuenta Dios te tojuteslanbil yuꞌun te Chꞌul Espiritue.