San Lucas 2:11 - Nuevo Testamento Tzeltal de Amatenango

¹¹ Tsꞌin to nax a ayin te ba slumal jDavid te jkoltawane awuꞌunike, jaꞌ te Kajwaltik Cristoe.

Bible in Tzeltal Bachajón

¹¹ Yo'tic ayinemix ta pueblo yu'un David jtuhl Jcoltaywanej, ha te Cajwaltic Cristo.

Bible in Tzeltal de Oxchuc y Tenejapa

¹¹ Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

San Lucas 2:11 Iomraidhean Croise

San Mateo 1:16

Te xnichꞌan te Jacob Jose, te swinikul xMariae te smeꞌ Jesus te Cristo sbiile.

San Mateo 1:21

Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Mateo 16:20

Sok la spas ta mantal te jnopojeletik yuꞌune te ma me machꞌa ya yalbe te jaꞌ te Cristoe.

San Lucas 1:43

¿Tutꞌil ayon a te jaꞌat a tal awuluꞌtayone te smeꞌat te Kajwale?

San Lucas 1:69

La stikombotik tal jkoltawane te ay spodere te jaꞌ stsꞌumbal te jDavid te yaj-aꞌtele.

San Lucas 2:26

Aꞌbot snaꞌbe sluwar yuꞌun te ma to xcham a te ya yilbe sit te Cristo te ya xtikonot tal yuꞌun te Kajwaltike.

San Lucas 2:4

Jich te Josee lokꞌ bael ta jtejklum Nazaret te ay ta estado yuꞌun Galilea. Bajt ta Belen ta estado Judea, yuꞌun jaꞌ slumal te antibo rey David, sok jaꞌ stsꞌumbal jDavid te Josee.

San Juan 1:41

Te jꞌAndrese jaꞌ a bajt ta yoꞌtan ta sleel ta ora te sbankile, jaꞌ te Simone, y la yalbe: —La jtatikix te jMesiase —xchi kꞌoel. Te jMesias, “Cristo”, xchi kꞌoeme.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 11:27

La yal te xMartae: —Jich, Kajwal. Jchꞌuunej te jaꞌat Cristoat te xNichꞌanat te Diose te kaꞌiyejbetik sluwar te ya xtal ta balmilale —xchi.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 4:25

Te antse la yalbe: —Ya jnaꞌ te ya xtal te jMesias te Cristo xchi ta alele, y te kꞌalal ya xtale ya me yalbotik spisil stukel —xchi.

San Juan 4:42

Y la yalbeyik te antse: —Te ora to ma jaꞌuk xanix te tut la awalbotik te ya jchꞌuuntike. Yuꞌun mismo joꞌotik a kaꞌibetik sluwar te skꞌope, y la jnaꞌtikix te batsꞌi jich te jaꞌix te Cristo te jkoltaywane yuꞌun spisil te genteetike —xyutik.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

San Juan 7:41

Te yanetik la yalik: —Jaꞌix te Cristo to —xchiik. Pero te yane la yalik: —Ma jaꞌuk. Porke te Cristoe ma ta slumuk Galilea ya xtal.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 13:23

Te Jesuse, te jaꞌ stsꞌumbal jDavid, te Dios a yakꞌix ta jkoltawaneje te ya skoltay te israeletik, jich te tutꞌil yaloj ya spase.

Hechos 17:3

Jaꞌ a yalbe yaꞌilan te tutꞌil puersa kꞌax swokol ta milel te Cristoe, y ta patil chame, sok puersa chaꞌkux tal te ba ay animaetike. Sok la yaltalanbe: —Jaꞌ mismo te Jesus te ya kalbeyexe, jaꞌix te Cristoe —xchi.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 5:31

Dios a yakꞌ ta akꞌel ta jkuenta, y la yakꞌix ta sbatsꞌil kꞌab, y la yakꞌix ta ajwalil sok ta jkoltawanej, yuꞌun jich me ya sujtes yoꞌtanik yuꞌun smulik ta stojol Dios te nasion israele, y jich me ya staik perdon yuꞌun te smulike.

1 Corintios 15:47

Te primero winike pasot ta tsꞌubilum y tsꞌubilum nax. Y te xchebal winike jaꞌ ta skuenta chꞌulchan stukel.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Colosenses 2:6

Jaꞌ yuꞌun, jich tutꞌil te la achꞌuunik te Kajwaltik Jesucristoe, jich ya skꞌan xkuxuyinex ta jun nax sok.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.