San Lucas 2:1 - Nuevo Testamento Tzeltal de Amatenango

¹ Jaꞌ stiempo a te la yal mantal te mukꞌul rey César Agusto te ya yichꞌ pasel senso ta spisil te nasion yuꞌune.

Bible in Tzeltal Bachajón

¹ Ta hich ora la yal mandar te ajwalil Augusto César te ya me x'och ta ahtayel spisil ants-winiquetic.

Bible in Tzeltal de Oxchuc y Tenejapa

¹ Patil la yal tulan mandal te Cesar Augusto te ya x'och ta censo spisil ants-winiquetic te ayic ta bay te smaquen-q'uinale.

San Lucas 2:1 Iomraidhean Croise

San Mateo 22:17

Albotik kaꞌitik te tut kꞌoem ta awoꞌtan yuꞌun te mantaliletike. ¿Me ya xjuꞌ ya jtojtik tojemal yuꞌun te Cesare o ma xjuꞌ? —xchiik.

San Mateo 24:14

Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

San Marcos 14:9

Jamal ya kalbeyex, ta bayuk ta spꞌejel balmilal te ba ya yichꞌ alel te lek yachꞌil kꞌope, teꞌ me ya yichꞌ alel ekꞌa te tut la spasbon jal ants to skuenta yuꞌun jich me ya xnaꞌot yuꞌun spisil genteetike —xchi te Jesuse.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

San Lucas 2:3

Spisil genteetik puersa ba yakꞌ ta najkanel sbiilik te ba slumal te smeꞌ-statike.

San Lucas 2:5

Teꞌ ba yakꞌ ta najkanel sbiil a sok te xMariae te trate ya xnujpun soke, te ayix tut staoje.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

Hechos 25:11

Teme ay tut ma tsaꞌamuk jpasoj te jaꞌ ya xchamon yuꞌune, ma yuꞌunuk ma jkꞌan xchamon. Yan te ma jpasojuk te jayeb mulil ya slebonike, maꞌyuk machꞌa ya xjuꞌ ya yakꞌon entregal ta stojolik. Jaꞌ ya jkꞌan ya smeltsaanon stukel te mukꞌul rey Cesare —xchi te jPabloe.

Hechos 25:21

Pero te jPabloe la skꞌan te jaꞌuk ya smeltsaanot yuꞌun te mukꞌul rey César. Jicha kal mantal te sigue ya xꞌoch ta prexoe jaꞌ to te tut ora ya xjuꞌ kuꞌun te ya jtikon bael ta stojol te Cesare —xchi te Festoe.

Romanos 1:8

Te primeroe, ta skuenta te Jesucristoe, ya kalbe kolayal te Dios kuꞌune ta juju-tul te jaꞌexe, porke ta bayuk ya xꞌalot te achꞌuunejikixe.

Filipenses 4:22

Sok la stikonbeyex spajtil awoꞌtanik ta spisil te machꞌatik jtejklum yuꞌun te Diose. Jaꞌ bayal ya spatbeyex awoꞌtanik te machꞌatik jꞌaꞌteletik yuꞌun te César ta Romae.