San Lucas 18:11 - Nuevo Testamento Tzeltal de Amatenango

¹¹ Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

Bible in Tzeltal Bachajón

¹¹ Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

Bible in Tzeltal de Oxchuc y Tenejapa

¹¹ Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 18:11 Iomraidhean Croise

San Mateo 10:3

sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

San Mateo 5:20

Ja yuꞌun ya me kalbeyex, teme ma kꞌaxuk jich ya apasik te tut ya skꞌan yoꞌtan te Diose te tutꞌil ya spasik te maestroetik yuꞌun te mantaliletike sok te fariseoetike, ma xjuꞌ ya xꞌochex te ba ay ta mantal te Diose.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Marcos 11:25

Te tut ora ya akꞌoponik te Diose, pasbeyaik perdon nailuk te machꞌa ay sla awoꞌtanik soke. Yuꞌun jich me ya spasbeyex perdon yuꞌun amulik euk te jTatik te ay ta chꞌulchane.

San Lucas 20:47

Sok ya spojbeyik sna sok stutik yuꞌun te meꞌbaꞌ antstike. Y lom jal ya skꞌoponik Dios ta sitik komon yuꞌun ya skꞌanik kꞌupinel. Jaꞌ me mas tulan kastigo ya xꞌakꞌtalanbot —xchi te Jesuse.

San Lucas 22:41

Jakalej bael jich tutꞌil saklejal te ya jchꞌojtik tone, y la skejan sba ta skꞌoponel Dios teꞌa.

Gálatas 3:10

Yan te machꞌatik yaꞌtelinejik xchꞌuunel te mandaliletik yuꞌun jMoisese aylan ta skuenta chꞌayel. Porke te Sjun Dios jich ya yal: “Chꞌayel me ya xbajt machꞌauk a te ma spisiluk ya xchꞌuun spasel te tut tsꞌibabil ta sjunal yuꞌun te mantaliletike”, xchi me.

Filipenses 3:6

Sok te tutꞌil tulan skꞌoplal kꞌoem ta koꞌtane, jich a jtentalan te hermanoetike. Te tutꞌil juꞌem kuꞌun xchꞌuunel te mantaliletike, maꞌyuk machꞌa ya xjuꞌ ya stabon palta.

Apocalipsis 3:17

Yuꞌun te jaꞌate jich ya awal te jkꞌulejate, sok te lek ayat bael, sok te ni maꞌyuk tut palta ya awaꞌiye. Y ni makꞌ ya awaꞌiy aba tutꞌ ayat te toj oꞌol abae, sok te maꞌyuk tut ay awuꞌune, sok te ma xꞌawil kꞌinale, sok te tꞌaxalate.