San Lucas 13:25 - Nuevo Testamento Tzeltal de Amatenango

²⁵ Patil teme la stsꞌus stiꞌ spuerta te yajwal nae, jaꞌex te ayex ta jwerae jich ya xlijk awalik: “Kajwal, jeꞌbotik te puertae”, ya me awutik. Pero ya yalbeyex te yajwal nae: “Ma jnaꞌ ba talemex te jaꞌexe”, ya me yutex.

Bible in Tzeltal Bachajón

²⁵ Teme hahchemix te yajwal na soc la smac te ti'nahil, ya me xhilex ta c'op ta fuera: Cajwal, Cajwal, jambotcotic, xchihex. Ma jna' banti talemex, ya me yutex.

Bible in Tzeltal de Oxchuc y Tenejapa

²⁵ Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

San Lucas 13:25 Iomraidhean Croise

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Lucas 13:27

Pero te yajwal nae ya me sjakꞌbeyex: “Ma jnaꞌ ba talemex. Kꞌeja abaik ta jtojol, jaꞌex te yipalex ta spasel te tut ma tsaꞌamuke”, ya me yutex.

San Lucas 3:8

A me chiknajuk ta ilel ta awaꞌtelik te tutꞌil sujtemix awoꞌtanik yuꞌun te amulike. Ma me xꞌawalik: “Te joꞌotike stsꞌumbalotik Abraham”, ma me xchanik. Yuꞌun jamal ya kalbeyex te ya xjuꞌ yuꞌun te Diose te ya sujtes ta stsꞌumbal jꞌAbraham te tonetik to.

San Lucas 6:46

¿Tuꞌun te “Kajwal, Kajwal”, ya awutikone y makꞌ ya apasik te tut ya kalbeyexe?

2 Corintios 6:2

Porke jich yaloj ta Sjun: “La staix yorail te ya kaꞌitik te akꞌope. Ta skꞌaalel te kolel la jkoltayat”, xchi me. Y te ora to, jaꞌix yorail te kꞌuxutayele; te ora to, jaꞌ skꞌaalel te kolele.

Hebreos 12:17

Y te jaꞌexe anaꞌojik te ta patil te kꞌalal kꞌan yichꞌ te bendision yuꞌun te state, pꞌajbil a kꞌot. Manchuk me bayal a okꞌ, maꞌ pasix tut ya yut sba a yuꞌun te tutiꞌ kꞌotix ta pasele.