San Lucas 12:5 - Nuevo Testamento Tzeltal de Amatenango

⁵ Joꞌon ya kalbeyex te machꞌa ya skꞌan ya axiꞌike: Jaꞌ me xꞌaxiꞌik te machꞌa ya xjuꞌ yuꞌun ya smilate sok te ay yaꞌtel te ya xjuꞌ ya yakꞌex bael ta kꞌajkꞌ te ma xtupꞌ sbajtel kꞌinale. Batsꞌi jich ya kalbeyex: Jaꞌ me xꞌaxiꞌik stukel.

Bible in Tzeltal Bachajón

⁵ Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

Bible in Tzeltal de Oxchuc y Tenejapa

⁵ Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

San Lucas 12:5 Iomraidhean Croise

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Marcos 13:23

Ila me abaik. Spꞌejel nail la me kalbeyex.

1 Tesalonicenses 4:6

Ma me ayuk machꞌa ay tut ya spasbe te ya sloꞌlay a te yermanoe. Porke te Kajwaltike tulan me ya yaꞌbe kastigo yuꞌun spisil to, jich tutꞌil la kalbeyexix.

Hebreos 10:31

¡Xiꞌeltik sba teme yalotik ta skꞌab te kuxul Diose!

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

Apocalipsis 14:7

Tulan la yal: “Xiꞌaik te Diose, y albeyaik slekilal. Yuꞌun kꞌotix yorail te stukel ya xꞌichꞌawan jkuentae. Ichꞌaik ta mukꞌ te machꞌa la spas te chꞌulchane y sok te balmilale, te mare, y te slokꞌib jaꞌetike”, xchiik.

Apocalipsis 15:4

¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.

Apocalipsis 20:14

Te nax a te lajele sok te yawil animaetike la yichꞌik chꞌojel ochel ta kꞌajkꞌ te ba yipal ta tilele. Te kꞌajkꞌ te yipal ta tilele jaꞌ te xchaꞌmelal lajele.