San Lucas 12:4 - Nuevo Testamento Tzeltal de Amatenango

⁴ Te jaꞌex, te kamigo jbatike, ya kalbeyex ma me xiꞌanik yuꞌun te machꞌa ya smilbeyex te atibalulike, pero ta patil maꞌyuk tut ya xjuꞌ ya spasbeyex xan.

Bible in Tzeltal Bachajón

⁴ Ya calbeyex, camigotac, ma me xaxi'ic te mach'a ya smilbeyex abaq'uetalic, te mayuc bin ya xhu' ya spasbeyix xan ta patil.

Bible in Tzeltal de Oxchuc y Tenejapa

⁴ “Te bit'il jun ayotique, yo'tic ya calbeyex: Ma me ja'uc x'axi'ic te mach'a ya smilbeyex abaq'uetalic te patil ma'yuc bi ya xju' ya spasbeyex xane.

San Lucas 12:4 Iomraidhean Croise

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

San Juan 15:13

Maꞌyuk machꞌa mas mukꞌ slekil yoꞌtan ke te machꞌa ya yakꞌ sba ta milel yuꞌun te yamigotake.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Filipenses 1:28

Sok te ni makꞌ ya xiꞌex yuꞌun te machꞌa ya skontrainexe. Jaꞌ to jaꞌ jun seña te ya yilik te chꞌayel ya xlaj jbajt stukelike. Y mismo tiempo a, jaꞌ seña te ya xkolex te jaꞌexe, yuꞌun jich nix yaloj te Diose.

Santiago 2:23

Jicha kꞌot ta pasel te tut tsꞌibabil ta Sjun Dios te jich ya yale: “Te jAbrahame la xchꞌuun Dios, y jich a ilot yuꞌun Dios te tutꞌil toj aye. Y te jꞌAbrahame “yamigo Dios” kꞌot te sbiile.

1 Pedro 3:14

Pero teme jaꞌ ya xkꞌax awokolik yuꞌun te tut stojil ya apasike, ben me tsaꞌam alekilik yuꞌun. Ma me machꞌa axiꞌik, ni ma me tut xyal awoꞌtanik.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.