San Lucas 12:11 - Nuevo Testamento Tzeltal de Amatenango

¹¹ “Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

Bible in Tzeltal Bachajón

¹¹ Te c'alal ya yiq'uex bahel ta sinagogahetic soc ta stojol ajwaliletic soc mach'atic ay ya'telic, ma me xana'ulan ta awo'tanic bin ut'il yac acoltay abahic o bin yac awalic,

Bible in Tzeltal de Oxchuc y Tenejapa

¹¹ “Te c'alal ya x'ic'otex bael ta sinagogaetic, soc teme ya xtec'anotex ta stojol jtuuneletic soc ta stojol te ajwaliletique, ma me xjajch' amel awo'tanic yu'un te bit'il ya sc'an ya asujt'esbeyic te sc'opique soc te bila lec ya xc'o awalique.

San Lucas 12:11 Iomraidhean Croise

San Mateo 23:34

Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

San Mateo 6:25

“Jaꞌ yuꞌun ya kalbeyex, ma me xꞌawakꞌ yajtal awoꞌtanik yuꞌun te tut ya aweꞌ ya awuchꞌik te kuxulex ta balmilale, sok te ya ata akꞌuꞌ-apakꞌike. Maꞌ jaꞌuk tulan skꞌoplal te aweꞌelike. Jaꞌ tulan skꞌoplal te akuxlejalike. Sok ma jaꞌuk tulan skꞌoplal te akꞌuꞌ-apakꞌike. Jaꞌ tulan skꞌoplal te atiꞌbalulike.

San Mateo 6:27

Ma xjuꞌ awuꞌunik te ya anajtꞌutes abaik xan teme ay yajtal awoꞌtanik te lom kꞌoxat.

San Mateo 6:28

“Sok ¿tut yuꞌun te ya awakꞌ yajtal awoꞌtanik yuꞌun te akꞌuꞌ-apakꞌike? Naꞌaik te tutꞌil ya xchꞌi te nichimetik ta witse: Ni makꞌ xꞌaꞌtejik ni makꞌ sjal skꞌuꞌ-spakꞌik.

San Mateo 6:31

Ja yuꞌun ma me xꞌawakꞌ yajtal awoꞌtanik: “¿tutꞌil ya jta ta leel jweꞌel sok jkꞌuꞌ-pakꞌ?” ma me xchaukex ta ajtal-oꞌtan.

San Mateo 6:34

Ma me xꞌawakꞌ yajtal awoꞌtanik yuꞌun te tut ayex te pajele. Stukel a me yil sba te pajele. Tey a te jayeꞌ swokolil te jujun kꞌaale.

San Lucas 12:22

Ta patil te Jesuse jicha yalbe te jnopojeletik yuꞌune: —Jaꞌ sluwar te ya kalbeyexe, ma me xꞌawakꞌ yajtal awoꞌtanik yuꞌun te tut ya xkuxuyinexe, ni te tut ya aweꞌike ni te akꞌuꞌ-apakꞌik te ya alapike.