San Lucas 12:1 - Nuevo Testamento Tzeltal de Amatenango

¹ Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

Bible in Tzeltal Bachajón

¹ Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

Bible in Tzeltal de Oxchuc y Tenejapa

¹ Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Lucas 12:1 Iomraidhean Croise

San Lucas 11:44

Oꞌol me abaik, maestroetik yuꞌun te mantaliletike, sok jaꞌex fariseoetik, jaꞌex te ma tsaꞌamuk awoꞌtanike. Jich kꞌoemex tutꞌil te sba anima te ma chikanuk ta ilele, jun yoꞌtanik ya xkꞌaxik ta beel teꞌa te genteetike, yuꞌun makꞌ snaꞌ teme sba animae —xchi te Jesuse.

San Lucas 12:56

Te jaꞌexe, te ma tsaꞌamuk awoꞌtanike, teme ya anaꞌik yilel tut ay te chꞌulchan y sok te balmilale, ¿tuꞌun tsꞌiin te ma xꞌanaꞌik tut yipal ta kꞌoel ta pasel te ora to?

San Lucas 5:1

Ay jun buelta te ay ta tiꞌmar Genesaret sbiil te Jesuse. Teꞌ kꞌo stsob sbaik a te bayal genteetike. Kꞌan skujik te Jesuse yuꞌun ya skꞌan yaꞌiyik sluwar te skꞌop Diose.

San Lucas 5:15

Jicha pujk ta mas skꞌoplal te Jesuse. Bayal genteetik a laj tal yaꞌibeyik te skꞌope, sok la yakꞌik ta lekutesel te xchamelike.

San Lucas 6:17

Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

1 Corintios 15:3

Te tut nail a kaꞌbeyex anaꞌike, jaꞌ te tutiꞌ yaꞌbelon jnope. Jaꞌ a kakꞌ anoptalanik te Cristoe cham ta skaj jmultik, jich tutꞌil ya yal te Sjun Diose.

Hebreos 12:22

Te jaꞌexe tijilajexix te ba wits Sion, y te ba mukꞌul jtejklum yuꞌun te kuxul Dios, jaꞌ te Jerusalen ta chꞌulchane, y te ba bayal ta jmil te angeletik stsoboj sbaik yuꞌun ya skꞌayojinik te Diose,

Santiago 3:17

Pero te machꞌatik ay yuꞌun te pꞌijilil te ya xtal ta stojol te Diose, jaꞌ batsꞌi lek ay stukel. Jun yoꞌtanik y ay slekil yoꞌtanik, sok ay srason xlaj kꞌopojik. Sok ya xkꞌuxutaywanik, ma tsabiluk nax te machꞌa ya skoltay, sok ma xyanej yoꞌtanik, y jaꞌ ya spasik te tut leke.

1 Pedro 2:1

Jich yuꞌun, jilesaik spisil ta jkaj te tut ma lekuke: spisil loꞌlawanej, sok te ma tsaꞌamuk awoꞌtanike, sok te il-oꞌtane, sok spisil te jkaj te jontol kꞌop aꞌbiyeje.