San Lucas 11:8 - Nuevo Testamento Tzeltal de Amatenango

⁸ Ya kalbeyat, manchuk me ma skꞌan xjajch yaꞌbeyat te tut ya akꞌambey te awermanoe, pero puersa me ya yaꞌbeyat te tut ya akꞌambeye yuꞌun makꞌ awulilanix a. Y ya me yaꞌbeyat spisil te tut ya xtuun awuꞌune.

Bible in Tzeltal Bachajón

⁸ Ya calbeyex, aunque ma ba ya xhahch ya'be te bin ut'il ha yamigo, ha ya xhahch yu'un te ma xquehchaj ta c'op, hich ya ya'be spisil te bin ya xtuhun yu'une.

Bible in Tzeltal de Oxchuc y Tenejapa

⁸ Ya calbeyex, manchuc teme ma sc'an ya xjajch' yac'bate te bit'il jun awo'tan aba soque, ya me yac'bat ta puersa, swenta yu'un jich ma xawulilay xan. Jich me ya yac'bat spisil te bila ya xtuun awu'une.

San Lucas 11:8 Iomraidhean Croise

San Lucas 11:7

Ta yut sna ya sjakꞌbeyat akꞌop, ya yalbeyat: “Ma awulilanon, yuꞌun tsꞌusulix te jpuertae, yuꞌun wayalotikix sok te kuntikile sok te joꞌone. Ma spas xjajch kaꞌbeyat te tut ya akꞌane”, ya yutat.

Romanos 15:30

Kermanotak, ya kalbeyex ta skuenta te Kajwaltik Jesucristoe y sok te slekil yoꞌtan te Espíritu te ya yaꞌbotike, awokolikuk kꞌoponbikon Dios ta jtojol.

2 Corintios 12:8

Oxmel a jkꞌanbe Kajwaltik te yauk slokꞌesbon te wokol to.

Colosenses 2:1

Yuꞌun ya jkꞌan ya anaꞌik te lom tulan ayon ta spasel puersa ta akuentaike. Sok ta skuenta te machꞌatik ayik ta Laodiceae y ta spisil te machꞌatik ma to yilojikukon ta jteklejale.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.