San Lucas 11:2 - Nuevo Testamento Tzeltal de Amatenango

² Altalanbot yuꞌun te Jesuse: —Te kꞌalal ya akꞌoponik te Diose jich me xꞌawalik to: Jtatik Dios te ayat ta chꞌulchane, aꞌ me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. Laꞌ me pasa te tut ya skꞌan awoꞌtan ta balmilal jachik tutꞌil ta chꞌulchane.

Bible in Tzeltal Bachajón

² Hich halbotic yu'un te Jesús: Te c'alal yac ac'oponic te Diose, hich me xawalic: Jtatic te ayat ta ch'ulchan, ac'a ich'ec ta muc' ach'ul bihil. Ac'a taluc te cuentahinel awu'un. Ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

Bible in Tzeltal de Oxchuc y Tenejapa

² Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

San Lucas 11:2 Iomraidhean Croise

San Mateo 10:32

“Spisil te machꞌa ya yal ta jamal ta stojol genteetik te joꞌon Yajwalone, jichon euk jamal me ya kal ta stojol te jTat te ay ta chꞌulchane te tutꞌil ay ta jkuentae.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Lucas 11:1

Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

Romanos 1:7

Ya kalbeyex ta apisilik te ayex ta jtejklum Romae te kꞌux ya yaꞌiyex ta yoꞌtan te Diose, ichꞌbeyaik slekil yoꞌtan te jTatik Dios y sok te Kajwaltik Jesucristoe, y sok te bujtsꞌan kꞌinal ya yaꞌbeyexe.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

1 Corintios 1:3

Te jTatik Diose y sok te Kajwaltik Jesucristoe a me yaꞌbeyex slekil yoꞌtan y sok te bujtsꞌan kꞌinal yuꞌune.

2 Corintios 1:2

Aꞌ yaꞌbeyex bayal bendision sok te bujtsꞌan kꞌinal yuꞌun te jTatik Diose y sok te Kajwaltik Jesucristoe.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Efesios 1:2

Te Jtatik Dios sok te Kajwaltik Jesucristoe aꞌ yaꞌbeyex te slekil yoꞌtan y sok te bujtsꞌan kꞌinal ta atojolike.

Filipenses 1:2

Te Jtatik Diose y sok te Kajwaltik Jesucristoe aꞌ yaꞌbeyex te slekil yoꞌtane sok te bujtsꞌan kꞌinal ta atojolike.

Filipenses 4:20

Ay slekilal sbajtel kꞌinal te Jtatik Diose. Jichuk.

Colosenses 1:2

la jtsꞌibayex te karta to, jaꞌex te yuꞌunex Dios te jun awoꞌtanik achꞌuunejik te Cristo te ayex ta jtejklum Colosae. Te Jtatik Diose aꞌ yaꞌbeyex te slekil yoꞌtane y sok te bujtsꞌan kꞌinal ta atojolike.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Apocalipsis 15:4

¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.

Apocalipsis 19:6

Jich a kaꞌiy xan te jachik yaꞌiyel tutꞌil skꞌop bayal gente, jachik tutꞌil skꞌop nojel-jaꞌ y sok te lom tulan xpumete. Ya yalik: —Ay ta albeyel ta ichꞌel ta mukꞌ te Kajwaltike, porke lijkix ta pasaw ta mantal te Kajwaltike, te Dios kuꞌuntik te spisil ya xjuꞌ yuꞌune.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.