San Lucas 10:2 - Nuevo Testamento Tzeltal de Amatenango

² Jich a yaltalanbe: —Bayal te kꞌajoje. Yan te jꞌaꞌteletike maꞌyuk bayal. Jaꞌ yuꞌun, kꞌambeyaik te yajwal kꞌajoje te yauk stikon jꞌaꞌteletik ta kꞌajoje.

Bible in Tzeltal Bachajón

² Hich la yalticlambe bahel: Bayel te sit awal-ts'unubil, pero mayuc tsobol te j'a'teletique. Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel.

Bible in Tzeltal de Oxchuc y Tenejapa

² Jich la yalbey yaiyic: —Bayal me te c'ajoje. Yan te j'at'eletique, ma'yuc bayalic. Jich yu'un, albeyaic wocol te yajwal at'el te ya sticun ta at'el te j'at'eletique.

San Lucas 10:2 Iomraidhean Croise

San Mateo 20:1

La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

San Marcos 13:34

Jich me kꞌoem te tutꞌil jtul winik te jakal a bajt ta yan luware. La spas jilel ta mantal te yaj-aꞌteltake yuꞌun ya skanantay te nae. Jujutul la yaꞌbe jilel yaꞌtel, sok la yalbe jilel te jkanan-nae te ma me xwaye.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

San Marcos 16:20

Te jnopojeletike lokꞌik bael ta yalel te lek yachꞌil kꞌope ta bayuk nax. Jaꞌ koltalanot ta aꞌtel yuꞌun te Kajwaltike. Sok te tut la yalike ay bayal spuersa ta skuenta te señailetik te chiknaj ta skuentaike. Jichuk.

San Lucas 9:1

Te Jesuse la stsob tal ta stojol te lajchaytul jnopojeletik yuꞌune. La yaktalanbe spoderik, sok yaꞌtelik ta slokꞌesel pukujetik, sok ta slekutesel jchameletik.

Hechos 11:19

Ta patil chamenix a te jꞌEstebane, lijk ta ilbajinel te hermanoetike. Jaꞌ yuꞌun ay a laj bajtik ta anel ta slum Fenicia, sok ta slum Chipre, sok ta jtejklum Antioquia. Teꞌ kꞌo yalbeyik skꞌop Dios a te juriyoetike, pero ma jaꞌuk a yalbe te machꞌa ma juriyouke.

Hechos 13:2

Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Hechos 13:4

Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 22:21

Pero te Kajwaltike la yalbon: “Baan me, porke joꞌon ya jtikonat bael ta jakal ta yanetik nasion”, la yuton —xchi te jPabloe.

Hechos 8:4

Pero te machꞌatik lokꞌik bael ta anel ta Jerusalene lijk yalik te lekil achꞌ kꞌope chikan te ba laj bajte.

1 Corintios 12:28

Dios jicha skꞌan ta juju-tijkꞌ hermanoetik te jaꞌ nail ay te apostoletike; y ta xchebal, jꞌalwanejetik; y ta yoxebal, maestroetik. Teꞌ nax ay ekꞌa te machꞌatik ya xꞌaꞌbot spas milagroetik, y ay yan te ya slekutes jchameletik, o ya xkoltawanik, o ya stsobawanik, o ya xkꞌopojik ta yanetik kꞌop.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Filipenses 2:21

Spisilik jaꞌ nax ya sleik te tut ya skꞌan yoꞌtanike, y ma jaꞌuk te tut ya skꞌan yoꞌtan te Jesucristoe.

Filipenses 2:25

Sok la jnop te puersa ya jtikonbeyex tal te hermano Epafrodito, te joy ta aꞌtel sok ta tsalaw, te jaꞌex mismo la atikonbikon tal yuꞌun te ya kabatine.

Filipenses 2:30

Yuꞌun chꞌin kꞌan chamuk te yakꞌoj sba ta abatinel yuꞌun te Cristoe. Ma xkꞌuxutay te xkuxlejal stukele te la yakꞌ sba ta mantaltesel kuꞌune. Jaꞌ ajelolik te jaꞌex te ma juꞌ awuꞌunik te la awakꞌ abaik ta mantaltesel kuꞌune.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

1 Tesalonicenses 5:12

Kermanotak, awokolikuk akꞌaik me ta jkuenta te machꞌatik ya xꞌaꞌtejik te ba ayexe te ya stojutesex y ya stsitsex ta skuenta te Kajwaltike.

2 Tesalonicenses 3:1

Ta slajibal, kermanotak, kꞌoponbotik me Dios te yakuk xkꞌot ta ora nax ta bayuk te skoplal te Kajwaltike, y yauk me xꞌichꞌot ta jkuenta yuꞌun te gentee, jich tutꞌil te kꞌot ta pasel te ba ayexe.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Filemón 1:1

Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Apocalipsis 2:1

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Efesoe: “Jaꞌ to jaꞌ a yal te Machꞌa ay jukeb ekꞌetik ta sbatsꞌil kꞌabe, y sok te yipal ta beel ta yolil te jukchꞌix yawil kꞌajkꞌ te puro oroe.