San Lucas 1:22 - Nuevo Testamento Tzeltal de Amatenango

²² Kꞌalal lokꞌ tal tsꞌin te Zacariase, ma lokꞌix skꞌop ta skꞌoponel a te jtejklume. Jich a snaꞌbeyik sluwar te yuꞌun ay tuti yil ta yutil te temploe. La xanix xbechulan skꞌab ta seña ya yil te jtejklume, jich a spasulan yuꞌun ma xlokꞌix skꞌop a.

Bible in Tzeltal Bachajón

²² Pero c'alal loc' talel ma ba hu' te ya sc'opon te pueblo; hich la sna'ic te ay bin la yil ta nahalsitil ta ch'ul awilal. La sc'oponlan ta seña ta sc'ab, uma' a hil.

Bible in Tzeltal de Oxchuc y Tenejapa

²² C'alal loc' tel, ma ju' yu'un sc'oponel te lume. Jich la sna'ic stojol te yu'un ay bila ac'bot yil ta sit ta yutil templo. Ja' nax la sc'opon ta swenta seña sc'ab yilic te lume, melel taot ta uma'.

San Lucas 1:22 Iomraidhean Croise

San Lucas 1:21

Yan te genteetik yuꞌun te jtejklume yipalik ta smaliyel ta yamakꞌul templo te ya xlokꞌ tal te Zacariase. Lijk sojkꞌobe sbaik yuꞌun ma xlokꞌ tal ta ora te ba yutil temploe.

San Lucas 1:23

Kꞌalal tsꞌakay te jayeb kꞌaal ay ta abatinel ta temploe, te Zacariase sujt bael ta sna.

San Lucas 1:62

Jicha sjojkꞌobeyik te state ta seña skꞌabik te tut sbiil ya yaꞌbe te xnichꞌane.

San Juan 13:24

y te Simon Pedroe la yaꞌbe yil ta xchꞌin seña ta sjojkꞌoyel machꞌa skꞌoplal te la yale.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 19:33

Pero te juriyoetike la swetꞌik ochel ta kꞌop te jꞌAlejandroe, yuꞌun ya yalbe sluwar tut yuꞌun te kꞌope. Te jꞌAlejandroe la xbech-kꞌabtay te gentee te yauk xkomik ta kꞌope, yuꞌun ya yalbe ta lekil kꞌop ta sit te jtejklume.

Hechos 21:40

Te statal soltaroe la yaꞌbe permiso, y te jPabloe la stejkꞌan sba te ba kajomtik moibale. La xbech-kꞌabtay ta skomel te gentee. Te kꞌalal chꞌabajik ta kꞌope, la skꞌoponlan ta hebreo-kꞌop. Jich a yal: