San Juan 9:16 - Nuevo Testamento Tzeltal de Amatenango

¹⁶ Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

Bible in Tzeltal Bachajón

¹⁶ Ay fariseohetic hich la yalic: Te winic ini, ma ba talem ta stojol Dios, como ma ba ya scanantay te sc'ahc'alel cux-o'tan, xchihic. Ay yantic la yalic: ¿Bin ut'il ya xhu' yu'un spasel señahiletic te mach'a jmulawil? xchihic. Hich la stij sbahic ta c'op yu'un.

Bible in Tzeltal de Oxchuc y Tenejapa

¹⁶ Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

San Juan 9:16 Iomraidhean Croise

San Mateo 12:10

Ay jtul winik teꞌa te makꞌ snik sba te skꞌabe. Ay machꞌatik yipalik ta smaliyel te tut ya spas te Jesuse. Sok la sjojkꞌobeyik: —¿Me ya wan spas ta lekutesel jchameletik ta skꞌaalel te kuxo-oꞌtane? —xchiik.

San Mateo 12:2

Te fariseoetike la yilik te tut yipalik ta spasele sok jich a yalbeyik te Jesuse: —Ilawil te jnopojeletik awuꞌune. Yipalik ta spasel te tut ma spas ta pasel ta skꞌaalel kuxo-oꞌtane —xchiik.

San Lucas 13:14

Pero te machꞌa yichꞌoj yaꞌtel ta statalil te ba sinagogae ilin yuꞌun, yuꞌun te Jesuse la slekutes ta skꞌaalel kuxo-oꞌtan. La yalbe te genteetike: —Ay wakeꞌ kꞌaal te ya xꞌaꞌtejotike. Jaꞌ ya xtalex a te ya awakꞌ abaik ta lekutesel yuꞌun te achamelike. Ma me jauk a te skꞌaalel kuxo-oꞌtane —xyut.

San Juan 10:19

Te kꞌalal la yaꞌiyik te juriyoetike te jich a kꞌopoje, jich maꞌyuk akuerdo a kꞌot yuꞌunik.

San Juan 14:11

Chꞌuunaik te jun nax ayon sok te jTate. Teme ma xꞌachꞌuunike, jaꞌukix ya achꞌuunon ta skuenta te tut ya awilik ya jpase.

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 5:10

Jaꞌ yuꞌun te juriyoetike la yalbe te machꞌa lekubixe: —Te ora to skꞌaalel kuxo-oꞌtan. Ma spas te awichꞌoj te awayibe —xyutik.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 6:52

Te juriyoetike talel bael a lijk sjojkꞌobe sbaik. La yalik: —¿Tutꞌil ay a te ya yaꞌbotik jweꞌtik te stiꞌbalule? —xchiik.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

San Juan 7:23

Jaꞌ yuꞌun teme ya awaꞌbeyik yichꞌ sirkunsision jtuluk chꞌin kerem ta skꞌaalel kuxo-oꞌtan ta skaj te ma xꞌakꞌan ya akꞌaxintaybeyik te smantal te jMoisese, ¿tut yuꞌun te ya awilintayikone te yuꞌun la jlekutesbe skojtol stiꞌbalul jtul winik ta skꞌaalel kuxo-oꞌtane?

San Juan 7:43

Jich te genteetike la xatꞌ sbaik ta skaj te Jesuse.

San Juan 9:24

Te juriyoetike la yikꞌik xan tal te winik te machꞌa chok nail toe, y la yalbeyik: —Albotik jamal ta stojol Dios te machꞌa la sjambeyat te asite. Te joꞌotike jnaꞌojtik te jmulawil te winik ya awale —xchiik.

Hechos 14:4

Pero te gente yuꞌun te jtejklume la xatꞌ sbaik yuꞌun. Ay machꞌatik jun yoꞌtan sba sok te juriyoetike y ay machꞌatik jun yoꞌtan sba sok te apostoletike.