San Juan 8:6 - Nuevo Testamento Tzeltal de Amatenango

⁶ Te tutꞌil jich a yalbeyike yuꞌun ya yilbeyik yoꞌtan, yuꞌun jich ya slebeyik smul a. Pero te Jesuse la snijan sba koel, y lijk stsꞌiba ta lum sok yal skꞌab.

Bible in Tzeltal Bachajón

⁶ Hich la yalbeyic yu'un ya stsajic, yu'un tey ya stahbeyic smul a. Pero te Jesús la sheht'an sba soc hahch sts'ihbay lum ta yal sc'ab.

Bible in Tzeltal de Oxchuc y Tenejapa

⁶ Te bit'il jich la yalbeyique swenta yiljibal yo'tan, swenta yu'un jich ya stac' ya slebeyic smul. Te Jesús la swujts'an sba ta sts'ibuyel lum ta sbic'tal sc'ab.

San Juan 8:6 Iomraidhean Croise

San Mateo 10:16

“Ilawilik ya jtikonex bael jich tutꞌil karnera ta yolil te genteetike te pajal sok jweꞌawal teꞌtikil tsꞌiꞌetik ta atojolike. Pꞌijanik me jich tutꞌil pꞌij te chane. Sok manso me xꞌawakꞌ abaik ta stojol te genteetike jich tutꞌil manso te palomae.

San Mateo 15:23

Pero te Jesuse maꞌ sjakꞌbe te skꞌope. Y te jnopojeletik yuꞌune tijilajik tal y la yalbeyik te Jesuse: —Albeya te antse aꞌ bajtuk, porke ben xꞌawetal ta jpatik —xchiik.

San Mateo 16:1

Ay fariseoetik sok saduseoetik ba yilik te Jesuse yuꞌun ya skꞌan yilbeyik yoꞌtan. La skꞌanbeyik te yauk spas junuk seña smilagro te ya yakꞌ ta ilel te talem ta stojol Diose.

San Mateo 19:3

Ay fariseoetik tijilaj tal ta stojol te Jesuse yuꞌun ya yilbe yoꞌtan. La sjojkꞌobeyik: —¿Me ya spas te ya xchꞌoj sba sok yinam te winike te maꞌyuk slijkibe? —xchiik.

San Mateo 22:18

Te Jesuse la snaꞌ te tutꞌil ma tsaꞌamuk te yoꞌtanike. Jich a yaltalanbe: —Ma lekuk te awoꞌtanike. ¿Tut yuꞌun te ya awilbikon koꞌtane?

San Mateo 22:35

Ay teꞌa jtul fariseo te maestro yuꞌun te mantaliletike la yilbe yoꞌtan te Jesuse y la sjojkꞌobe:

San Mateo 26:63

Pero te Jesuse ni jpꞌaluik a kꞌopoj. Jich te statal-saserdote la yalbe xan: —Ta sbiil te kuxul Diose ya kalbeyat ya me awal ta jamal teme jaꞌat Cristoat te Xnichꞌanat te Diose —xyut.

San Marcos 10:2

Ay fariseoetik tijilajik tal ta stojol te Jesuse, yuꞌun ya yilbeyik yoꞌtan. La sjojkꞌobeyik: —¿Te winikulile me spas te ya xchꞌoj sba sok te yiname? —xchiik.

San Marcos 12:15

Te Jesuse la snaꞌbe sluwar te maꞌ lekuk yoꞌtanike. Jich a yalbe: —¿Tut yuꞌun te ya awilbikon koꞌtane? Ichꞌbikon tal kil sejpuk denario-takꞌin —xchi.

San Marcos 3:2

Te genteetik la smaliyik teme ya xkoltaywan ta skꞌaalel kuxo-oꞌtan te Jesuse, y jachik ya stabeyik smul a.

San Marcos 8:11

Talik te fariseoetik lijk sapu sbaik ta kꞌop sok te Jesuse. Lijk skꞌanbeyik junuk seña milagro ya yakꞌ ta ilel te talem ta chꞌulchane, yuꞌun ya yilbeyik yoꞌtan a.

San Lucas 10:25

Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

San Lucas 11:16

Sok ay yan lijk skꞌambeyik seña smilagro ta chꞌulchan te Jesuse yuꞌun ya yilbeyik yoꞌtan.

San Juan 8:2

Te yan kꞌaal sakubix ta kꞌinal a chaꞌsujt bael ta templo. Te gentee laj tijilaj bael. La snajkan sba te Jesuse, lijk spꞌijuteslan.

1 Corintios 10:9

So ma me wakꞌ kilbetik yoꞌtan te Kajwaltike jich tutꞌ stukelik te la yilbeyik yoꞌtane. Jich a chamik te tiꞌel ta chan.