San Juan 8:54 - Nuevo Testamento Tzeltal de Amatenango

⁵⁴ Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

Bible in Tzeltal Bachajón

⁵⁴ La sjac' te Jesús: Teme ho'on nix ya cac' jba ta ich'el ta muc', mayuc scuentahil ya xc'oht; pero ha te Jtat te ya yac'on ta ich'el ta muc', ha te Dios awu'unic ta ac'opique.

Bible in Tzeltal de Oxchuc y Tenejapa

⁵⁴ La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

San Juan 8:54 Iomraidhean Croise

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 5:41

“Te joꞌone ma jkꞌan akꞌel ta jkuenta yuꞌun te genteetike.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

San Juan 8:41

Te jaꞌexe jich mismo ya apasik te tut ya spas te atatike —xchi. Te juriyoetike la yalbeyik: —Te joꞌotike ma yuntikilukotik jmulawil ants. Ay jtul jTatik, jaꞌ te Diose —xchiik.

San Juan 8:50

Te joꞌone ma yuꞌunuk ya jkꞌan akꞌel te jkuenta, pero ay Machꞌa ya skꞌan ya yakꞌon ta akꞌel ta jkuenta, sok stukel yichꞌojon ta jkuenta.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.