San Juan 8:43 - Nuevo Testamento Tzeltal de Amatenango

⁴³ ¿Tut yuꞌun te ma xkꞌot ta awoꞌtanik te tut ya kalbeyexe? Yuꞌun ma xꞌakꞌanik ya awaꞌibikon sluwar te jkꞌope.

Bible in Tzeltal Bachajón

⁴³ ¿Bin yu'un te ma xana'beyic scuentahil te jc'ope? Como ma xhu' yac awa'iybonic te jc'ope.

Bible in Tzeltal de Oxchuc y Tenejapa

⁴³ ¿Bi yu'un te ma xc'ot ta awo'tanic te bila ya calbeyexe? Yu'un ma x'ac'an awaiybonic stojol te jc'ope.

San Juan 8:43 Iomraidhean Croise

San Mateo 13:15

Yuꞌun kꞌax tulanix yoꞌtanik te gente to. Wokol ya xkꞌot ta xchikinik te kꞌope. Smutsꞌoj sitik yuꞌun ma skꞌan yilik ta sitik, sok ma skꞌan yaꞌibeyik sluwar kꞌop ta xchikinik, sok ma xkꞌot ta yoꞌtanik. Sok ma skꞌan sujtes yoꞌtanik ta jtojol, yuꞌun ma skꞌanik koltayel kuꞌun”, xchi te Diose.

San Juan 5:25

Jamal ya kalbeyex, ya staix yorail, y yorailix te ora to te ya yaꞌibe sluwar te animaetik te skꞌop te xNichꞌan Diose. Y te machꞌa ya yaꞌiye, ya xkuxuyinik yuꞌun.

San Juan 5:43

Te joꞌone talemon ta skuenta te jTate, pero te jaꞌexe maꞌ xꞌakꞌanikon. Yan teme ay machꞌa ya xtal ta skꞌanojel yoꞌtan naxe, jaꞌ akꞌanojik stukel.

San Juan 6:60

Te tutꞌil jich a yal ta pꞌijuteswanej te Jesuse, jich a yalik bayal te machꞌatik stsꞌaklijyeike: —Te tut ya yale ben wokol ta naꞌbeyel sluwar. ¿Machꞌa kꞌan snaꞌbe sluwar? —xchiik.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

San Juan 8:27

Pero ma yaꞌibeyik sluwar teme jaꞌ skꞌoplal te Tatile.

San Juan 8:33

La sjakꞌtalanik: —Te joꞌotike jaꞌ stsꞌumbalotik te jꞌAbrahame, y maꞌyuk a ochotik ta mosoil asta te ora to. ¿Tutꞌil ay te ya awal te libre ya xkꞌootike? —xchiik.

San Juan 8:39

Te juriyoetike la yalbeyik: —Te joꞌotike ja jtatik te jꞌAbrahame —xchiik. Pero te Jesuse la sjakꞌtalanbe: —Te batsꞌi jichuk te xnichꞌanex te jꞌAbrahame, jich ya apasik te tutꞌil la spas te jichuke.

Hechos 7:51

Pero te jaꞌexe sigue ma xꞌakꞌanik pꞌijutesel. Te awoꞌtanike sok te achikinike pajal kꞌoemex sok te machꞌa ma snaꞌbeyik sba te Diose. Sil tiempo a kontrainejik te Chꞌul Espiritue. Jaꞌ pajalex sok te antibo ameꞌ-atatike te jich a spasike.

Romanos 3:11

Maꞌyuk machꞌa ya yaꞌibe sluwar; maꞌyuk machꞌa ya sle te Diose,