San Juan 7:7 - Nuevo Testamento Tzeltal de Amatenango

⁷ Te genteetik yuꞌun te balmilale makꞌ spꞌajex. Pero te joꞌone ya spꞌajikon, porke ya kalbe ta jamal te tut ma tsaꞌamuk ya spasike.

Bible in Tzeltal Bachajón

⁷ Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

Bible in Tzeltal de Oxchuc y Tenejapa

⁷ Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

San Juan 7:7 Iomraidhean Croise

San Lucas 6:26

Oꞌol me abaik jaꞌex te lek akꞌoplalik yuꞌun spisil te genteetike, yuꞌun te antibo smeꞌstatik te genteetik to jich lek skꞌoplal a yalbeyik euk te jlot-alwanejetike.

San Juan 17:14

Te joꞌone la kalbeyix te akꞌope, pero te genteetik te ayik ta skuenta te balmilale la spꞌajik. Porke te machꞌatik kuꞌune ma yuꞌunuk te balmilale, jich tutꞌil te joꞌon ma yuꞌunukon te balmilale.

San Juan 3:19

Te machꞌatik ma xchꞌuunike, ayikix bael ta chꞌayel, yuꞌun te kꞌalal tal te machꞌa ya sakub kꞌinal ta stojolik yuꞌune, la spꞌajik. Jaꞌ ben skꞌanojik te ijkꞌal kꞌinale, skaj te ma tsaꞌamuk yaꞌtelike.

Romanos 8:7

Te machꞌatik jaꞌ yajtal yoꞌtanik te tut ya skꞌan te stiꞌbalulike, jaꞌ skontrainejik Dios yuꞌun, porke ni ma skꞌanik ni ma xjuꞌ yuꞌunik te ya xchꞌuunbeyik te smantale.

Gálatas 4:16

Y te ora to, ¿me yuꞌun sujton ta akontraik te jaꞌ nax yuꞌun te la kalbeyex te tut batsꞌi jiche?

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Juan 4:5

Te stukelike skuentaik nax balmilal; jaꞌ yuꞌun te ya yalbeyik te tutik nax skuenta te balmilale. Y te machꞌatik ayik ta skuenta te balmilale, ya yaꞌibeyik te tut ya yalike.