San Juan 7:4 - Nuevo Testamento Tzeltal de Amatenango

⁴ Maꞌyuk machꞌa mukul ya xꞌaꞌtej teme ya skꞌan ya xnaꞌbot sba ta bayuke. Te tut ya xjuꞌ awuꞌun spasel, pasa ta sitil komon ta stojol spisil te genteetike —xchiik.

Bible in Tzeltal Bachajón

⁴ Como mayuc mach'a ya sc'an ya xpuhc sc'oblal te muquen ya x'a'tej. Teme hich yacat ta spasel, ac'a aba ta ilel ta comonsitil ta bahlumilal, xchihic.

Bible in Tzeltal de Oxchuc y Tenejapa

⁴ Ma'yuc mach'a muquen te ya x'at'ej teme ya sc'an ya xna'bot sba ta bayuque. Te bila ya xju' ta pasel awu'une, pasa ta comonsitil ta stojol spisil te lume —xiic.

San Juan 7:4 Iomraidhean Croise

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Mateo 4:6

y la yalbe: —Teme jich te Xnichꞌanat Diose, chꞌoja aba koel, yuꞌun jich tsꞌibabil ta Sjun Dios: “Te Diose ya yalbe mantal te chꞌul angeletik yuꞌune ya xtal skanantayat. Ya me xchoyat ta skꞌabik, jich makꞌ xꞌejchꞌenajat yuꞌun te tone”, xchi me —xchi te pukuje.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Lucas 6:45

Te winik te lek yoꞌtane lek te tut ya yal lokꞌel ta stiꞌe, yuꞌun lek te tut ay ta yoꞌtane. Yan te winik te ma tsaꞌamuk yoꞌtane, ma lekuk te tut ya yal lokꞌel ta stiꞌe, yuꞌun ma tsaꞌamuk te tut ay ta yoꞌtane. Jich ta jkꞌoptik ya xchiknaj te tut ma tsaꞌamuk ay ta koꞌtantike.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

San Juan 7:3

Te yijtsꞌinab te Jesuse la yalbeyik: —Ma me liyuk xꞌanat to; baan me ta Judea. Jich me ya xkꞌo yil teꞌa te machꞌa stsꞌakliyejat te tut ya apase.

San Juan 7:5

Yuꞌun ni ma xchꞌuunot yuꞌun te yijtsꞌinabe.