San Juan 7:39 - Nuevo Testamento Tzeltal de Amatenango

³⁹ Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Bible in Tzeltal Bachajón

³⁹ Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

Bible in Tzeltal de Oxchuc y Tenejapa

³⁹ Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

San Juan 7:39 Iomraidhean Croise

San Mateo 16:14

La yalik: —Ay ya yalik te jaꞌat Juanat te Akꞌichꞌjaꞌe; te yane ya yalik te jaꞌat te jꞌEliasate. Sok te yane ya yalik te jaꞌat te Jeremiasate o yan antibo jꞌalwanej yuꞌun te Diose —xchiik.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Lucas 3:16

Pero te Juane la yaltalanbe spisil te genteetike: —Te joꞌon jaꞌ nax ya kaꞌbeyex awichꞌik jaꞌ ta jaꞌ nax. Yan te machꞌa ya xtale jaꞌ me ya yaꞌbeyex awikꞌik te Chꞌul Espiritue sok kꞌajkꞌ. Mas tulan yaꞌtel yichꞌoj stukel ke te joꞌone. Jichon ma xjuꞌ te ay tut ya jpas chꞌinuk ta skuentae, ni ya jkujan jba ta spolbeyel te yakꞌil swawe.

San Lucas 7:16

Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

San Juan 1:21

La sjojkꞌobeyik xan: —¿Machꞌaat ate? ¿Me jaꞌat te jꞌalwanej Eliasate? —xchiik. Te Juane la yal: —Ma joꞌukon —xchi. La xchaꞌjojkꞌobeyik xan: —¿Me jaꞌat te jꞌalwanej te skꞌoplal ya xtale? —xchiik. La sjakꞌ: —Ma joꞌukon —xchi.

San Juan 1:25

la sjojkꞌobeyik xan: —Teme ma jaꞌukat te Cristoate, sok teme ma jaꞌukat te jꞌEliasate, sok teme ma jaꞌukat te jꞌalwanej te skꞌoplal ya xtale, ¿tuꞌun te ya awakꞌ ichꞌjaꞌ te? —xchiik.

San Juan 1:33

Te joꞌone ma to jnaꞌ ekꞌa teme jaꞌe, pero te machꞌa la stikonon tal ta yakꞌel ichꞌ jaꞌe la yalbon: “Te machꞌa ya awil te ya xkoj tal ta stojol te Espiritue jaꞌ me ya yakꞌ ichꞌjaꞌ ta skuenta te Chꞌul Espíritu stukel”, xyuton.

San Juan 12:16

Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 16:14

Jaꞌ me ya yaꞌbon ta ilel te jlekilale, yuꞌun jaꞌ me ya xkꞌot ta skuenta yalel te tut ya jkꞌan ya kale.

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Juan 20:22

La xujchꞌilan, y la yaltalanbe: —Ikꞌaik te Chꞌul Espiritue.

San Juan 6:14

Te kꞌalal la yilik te gente te seña milagro te la spas te Jesuse, la yalik: —Batsꞌi jaꞌix to te jꞌalwanej yuꞌun Dios te kaꞌiyejtik te ya xtal ta balmilale —xchiik.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

San Juan 8:54

Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

Hechos 19:2

La sjojkꞌolanbe: —¿Me awikꞌojik te Chꞌul Espiritue te kꞌalal la achꞌuunik te Jesuse? —xyut. Te hermanoetike la sjakꞌtalanik: —Ni maꞌyuk kaꞌiyojbetik skꞌoplal teme ay te Chꞌul Espiritue —xchiik.

Hechos 2:17

“Jich ya yal te skꞌop Diose: Ta nopol slajibal kꞌaal ya me jpuk te Espíritu ta stojol spisil te gentee. Te akeremik y te awachꞌixik ay me tut ya yalik ta jkuenta. Te solteroetike ay me tut ya xꞌaꞌbot yilik ta stekꞌlejal yilel, y te machꞌa mamalikixe ay me tut ya xwayuchinik.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Romanos 8:9

Pero te jaꞌexe ma me jichuk ya xkuxuyinex ta skuenta te tutꞌil ma tsaꞌamuk ya skꞌan te atiꞌbalulike. Jaꞌ ya xkuxuyinexix ta skuenta te Espiritue, teme batsꞌi jich te ay ta atojolik te Espíritu yuꞌun te Diose. Te machꞌa ma yikꞌojuk te Espíritu yuꞌun te Cristoe, ma jaꞌuk yuꞌun te Cristoe abi.

2 Corintios 3:8

¿me ma wan jichuk xan ta mas stsaꞌamul te tut ya yal te achꞌ trate yuꞌun te Espiritue?

Efesios 4:30

Ma me awakꞌik ta ajtal-oꞌtan te Chꞌul Espíritu yuꞌun te Diose. Yuꞌun ja amarkaik aꞌbilex te ya xchiknates te batsꞌi yuꞌunex te Diose, jaꞌ to te tut kꞌaalil te ya yaꞌbeyex te akolelike.