San Juan 7:19 - Nuevo Testamento Tzeltal de Amatenango

¹⁹ ¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

Bible in Tzeltal Bachajón

¹⁹ ¿Ma bal ha'uc la ya'beyex te Ley te Moisés? Pero mayuc jtuhluc hu'em awu'unic spasel. ¿Bin yu'un yac achapbelonic jc'oblal ta milel? xchi.

Bible in Tzeltal de Oxchuc y Tenejapa

¹⁹ “¿Ma bal ja'uc Moisés te la yac'beyex te mandalile? Ja'uc me to, ma jtuluquex te awat'elinejic xch'uunele. ¿Bi yu'un ya ac'an amilonic? —xi'.

San Juan 7:19 Iomraidhean Croise

San Mateo 12:14

Jich te fariseoetike lokꞌik bael, ba snopik te tut ya yut ya smilik te Jesuse.

San Mateo 21:38

“Te kꞌalal la yilik te jaꞌ xnichꞌan te yajwal-lum te talemixe, sok la snaꞌik te stukel ya xjil ta skuenta te lume, jicha lijk yalbe sbaik: “Jaꞌ to jaꞌ ya yichꞌ jilel te lume. Jaꞌ lek ya jmiltik yuꞌun joꞌotik ya kichꞌbetik jilel te slume”, xchiik.

San Marcos 11:18

Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

San Marcos 3:4

Sok la sjojkꞌobe te yanetike: —¿Tut lek ta pasel ta skꞌaalel kuxo-oꞌtane? ¿Me jaꞌ te leke, o jaꞌ te ma lekuke? ¿Me jaꞌ lek te ay machꞌa ya xkuxuyin kuꞌuntik ae, o jaꞌ te ay machꞌa ya xcham kuꞌuntik ae? —xchi. Y maꞌyuk machꞌa la sjakꞌ.

San Marcos 3:6

Jich a lokꞌik bael te fariseoetike, baj snopik sok te sjoꞌtak Herodese te tut ya yut ya smilik te Jesuse.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Juan 10:39

Jich kꞌan stsakik xan bael te Jesuse, pero kol bael ta skꞌabik.

San Juan 11:53

Jaꞌ to tal te kꞌaal abi te juꞌeletik yuꞌun te juriyoetike la xchapbeyik skꞌoplal ta milel te Jesuse.

San Juan 5:16

Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

San Juan 5:18

Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

San Juan 5:45

Ma xꞌachꞌuunik te joꞌon ya xba kalbeyex amulik ta stojol te jTate. Ay te machꞌa ya yalbeyex amulike, jaꞌ mismo te jMoisese te jaꞌ yipinej awoꞌtanike.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Juan 7:25

Ay jtul cheb te machꞌatik ayik ta Jerusalene lijk sjojkꞌobe sbaik: —¿Me ma wan jaꞌuk te winik to te ya xleot ta milele?

Hechos 7:38

Jaꞌ mismo te jMoises te anin ta yolilik te ba la stsob sbaik ta jojchol tꞌantꞌan luwar te israeletike, sok te kꞌoponot yuꞌun te chꞌul ángel ta Wits Sinai y sok te antibo jmeꞌ-jtatike. Y stukel a aꞌbot tal te kꞌop yuꞌun kuxuyinel te la skꞌasesbotik te joꞌotike.

Gálatas 3:19

Jich yuꞌun, ¿tut xan yes a te mantaliletik te? La yichꞌ akꞌel ta patil yuꞌun ya xchiknates a te ma xchꞌuunikix a te mantal te winiketike, jaꞌ to te tal te stsꞌumbal te Abrahame, te sjapoje te Diose te ya xtale. Te mantaliletike jaꞌ albil ta skuenta te chꞌul angeletike, y te jMoisese jaꞌ a tuun ta skꞌasesel.

Gálatas 6:13

Pero ni ma jaꞌuk a te machꞌatik ya yichꞌ sirkunsision te ya xjuꞌ yuꞌun spasel spisil te tut ya yal te mantaliletike. Jaꞌ nax ya skꞌanik te yauk awichꞌik sirkunsision te jaꞌexe. Yuꞌun jich me ya stoy sbaik te yauk xjuꞌ yuꞌunik te ya sujex ta yichꞌel te amarkaik ta atiꞌbalulike.