San Juan 7:16 - Nuevo Testamento Tzeltal de Amatenango

¹⁶ Te Jesuse la sjakꞌtalanbe: —Te tut ya kakꞌ ta nopele ma joukon kuꞌun; jaꞌ yuꞌun te Machꞌa la stikonon tale.

Bible in Tzeltal Bachajón

¹⁶ Hich halbotic yu'un te Jesús: Te nohptesel ma cu'unuc, ha yu'un te mach'a sticonejon tal.

Bible in Tzeltal de Oxchuc y Tenejapa

¹⁶ Te Jesús jich la yalbey: —Te bila ya cal ta p'ijubteswanej, ma jo'ocon jc'op te ya cale. Ja' sc'op te mach'a la sticunon tele.

San Juan 7:16 Iomraidhean Croise

San Juan 14:10

¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

San Juan 14:24

Te machꞌa ma kꞌuxukon ta yoꞌtane, ma xyak ta jkuenta te jkꞌope. Te kꞌop te yipalex ta yaꞌiyel te jaꞌexe, ma joꞌukon kuꞌun; jaꞌ yuꞌun te jTat te Machꞌa la sikonon tale.

San Juan 17:14

Te joꞌone la kalbeyix te akꞌope, pero te genteetik te ayik ta skuenta te balmilale la spꞌajik. Porke te machꞌatik kuꞌune ma yuꞌunuk te balmilale, jich tutꞌil te joꞌon ma yuꞌunukon te balmilale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.

San Juan 3:31

Te machꞌa talem ta ajkꞌole jaꞌ mas mukꞌ stukel ke te spisil tutik aye. Te machꞌa skuenta nax balmilale ay nax ta skuenta balmilal, sok jaꞌ nax ya snaꞌ yalel te tut skuenta nax balmilale. Pero te machꞌa talem ta chꞌulchane, jaꞌ mas mukꞌ ke te tutik aye.

San Juan 5:30

“Te joꞌone maꞌyuk tut ya xjuꞌ kuꞌun spasel ta jtukel nax. Ya kichꞌ jkuenta jich tutꞌil ya yalbon te Tatile, y toj te ya smeltsaꞌanwanone yuꞌun ma jaꞌuk ya jpas te tut skꞌan koꞌtane. Jaꞌ ya jpasbe sboluntar te Machꞌa te la stikonon tale.

San Juan 6:44

Ni maꞌyuk machꞌa ya xtal ta jtojol teme ma jaꞌuk ikꞌbil tal yuꞌun te jTat te la stikonon tale. Y joꞌon ya jchaꞌkuses tal ta slajibal kꞌaal.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.