San Juan 7:14 - Nuevo Testamento Tzeltal de Amatenango

¹⁴ Chꞌin ma oliluk a te kꞌine, te Jesuse och bael ta templo y lijk nojpeswanuk.

Bible in Tzeltal Bachajón

¹⁴ Pero yohlil q'uin a mo bahel ta Templo te Jesús, la ya'iy p'ijubteswanej tey a.

Bible in Tzeltal de Oxchuc y Tenejapa

¹⁴ Te q'uine col oliluc ayix a te och bael ta templo te Jesuse. Tey jajch' ta p'ijubteswanej a.

San Juan 7:14 Iomraidhean Croise

San Mateo 21:12

Te Jesuse och bael te ba mukꞌul templo, la sten lokꞌel spisil te machꞌatik yipal ta chonbajel y manbajel teꞌae. La xbalchꞌunbe xmexaik te jel-takꞌinetike, sok la xbalchꞌunbe snaktajib te machꞌatik yipalik ta xchonel palomae.

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Lucas 19:47

Jujun kꞌaal te Jesuse nojpeswan ta templo. Te statal saserdoteetike sok te maestroetik yuꞌun te mantaliletike sok euk te stataletik yuꞌun te jtejklume yipalik ta sleel tutꞌil ya smilik te Jesuse.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

San Juan 5:14

Ta patil te Jesuse la sta ta mukꞌul templo y la yalbe: —Ila awil, ya kalbeyat: Te ora to lekubatix, ma me aleix amul, yuꞌun ma me masuk pewor ya sujtat ke te tut ayat nail toe —xꞌutot.

San Juan 7:2

Pero xnopetix tal te jun kꞌin te ya spasik yax-na te juriyoetike.

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 7:37

Jaꞌ ben tulan skꞌoplal yuꞌunik te último kꞌaal yuꞌun te kꞌine. Te kꞌaal abi, te Jesuse tekꞌa jajchel, y tulan a kꞌopoj. Jich a yal: —Teme ay machꞌa takin yoꞌtane, a me taluk ta jtojol, a me tal yuchꞌ te jaꞌe.

San Juan 8:2

Te yan kꞌaal sakubix ta kꞌinal a chaꞌsujt bael ta templo. Te gentee laj tijilaj bael. La snajkan sba te Jesuse, lijk spꞌijuteslan.

San Juan 8:20

Te Jesuse jich a yal te kꞌalal yipal ta pꞌijuteswane ta templo te ba luwar ba yawil smajtan Diose. Pero ni jtul maꞌyuk machꞌa yal skꞌab ta stsakel, yuꞌun ma to xkꞌot yorail a.