San Juan 7:1 - Nuevo Testamento Tzeltal de Amatenango

¹ Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

Bible in Tzeltal Bachajón

¹ Ta patil behen ta Galilea te Jesús, yu'un ma ba la sc'an ya xbaht ta Judea, como te judíohetic schapbeyejic sc'oblal ta milel tey a.

Bible in Tzeltal de Oxchuc y Tenejapa

¹ Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Juan 7:1 Iomraidhean Croise

San Mateo 10:23

Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

San Mateo 21:38

“Te kꞌalal la yilik te jaꞌ xnichꞌan te yajwal-lum te talemixe, sok la snaꞌik te stukel ya xjil ta skuenta te lume, jicha lijk yalbe sbaik: “Jaꞌ to jaꞌ ya yichꞌ jilel te lume. Jaꞌ lek ya jmiltik yuꞌun joꞌotik ya kichꞌbetik jilel te slume”, xchiik.

San Marcos 11:18

Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

San Juan 1:19

Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

San Juan 4:3

Kꞌalal la yaꞌi te Jesuse, lokꞌ bael ta estado yuꞌun Judea, y chaꞌ sujt bael ta estado yuꞌun Galilea.

San Juan 4:54

Jaꞌ to jaꞌ xchaꞌmelal la yakꞌ ta ilel seña smilagro a te Jesuse te kꞌalal chaꞌsujt bael ta Galilea te lijk bael ta Judea ae.

San Juan 6:1

Patil kꞌax bael ta jejchꞌ mar yuꞌun Galilea te Jesuse, te jaꞌ mismo mar yuꞌun te Tiberiase.

San Juan 7:11

Te juriyoetike la sleik te ba kꞌine y la yalik: —¿Ba wan ay te winike? —xchiik.

San Juan 7:13

Pero mukul nax yipalik ta yaꞌbiyanel skaj te ya xiꞌik te statal juriyoetike.

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

San Juan 7:25

Ay jtul cheb te machꞌatik ayik ta Jerusalene lijk sjojkꞌobe sbaik: —¿Me ma wan jaꞌuk te winik to te ya xleot ta milele?

San Juan 7:35

Te juriyoetike jich a lijk sjojkꞌobe sbaik ta juju-tul: —¿Ba ya xbajt te winik to te ma jtatik ta leel te ya yale? ¿Me yuꞌun wan ya xbajt te ba lokꞌemik bael te jlumaltik te ba griegoetike? ¿Me yuꞌun wan jaꞌ xba spꞌijutes te griegoetike?

San Juan 8:37

Jnaꞌoj te jaꞌexe jaꞌ stsꞌumbalex te jꞌAbrahame. Pero ya akꞌan ya amilikon, porke ma xꞌachꞌuunik te jkꞌope.

San Juan 8:40

Pero ya akꞌan ya amilikon, manchuk teme ya kalbeyex te tut batsꞌi jich snojpesejon te Diose. Te jꞌAbraham maꞌyuk a spas jich stukel.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.